તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

મૃત્યુ બાદ પણ અગવડ: સાયલાના 72 ગામ વચ્ચે એક પણ શબવાહિની નહીં

5 વર્ષ પહેલા
  • કૉપી લિંક
(તસવીર પ્રતિકાત્મક)
સાયલા:અમદાવાદથી કચ્છ સુધી જોડાતો નેશનલ હાઇવે સાયલાથી પસાર થતા આ વિસ્તારમાં અકસ્માતના પ્રમાણ વધુ જોવા મળી રહ્યુ છે. ઇજાગ્રસ્તોને વધુ સારવાર સુરેન્દ્રનગર કે રાજકોટ દર્દીઓને ઇમરજન્સી સુવીધા માટે દવાખાનામાં એમ્બ્યુલન્સની વધુ સુવીધા છે. પરંતુ અકસ્માતમાં મોત કે સારવાર દરમિયાન મોત થયેલા દર્દીઓની લાશ પોતાના ઘેર લઇ જવા માટે શબવાહિની ન હોવાના કારણે મૃતકના પરિવારજનો પરેશાન બને છે. અને લાશનો મલાજો પણ સચવાતો નથી. આથી સાયલાના 72 ગામોની 1.50 લાખની વસ્તી માટે શબ વાહીની માટે લોકમાંગ વધી રહી છે.
-સાયલાના 72 ગામ વચ્ચે એક પણ શબવાહિની નહીં
-સાયલામાં શબવાહિનીને અભાવે શબને ટ્રેક્ટર, ટેમ્પામાં લઇ જવું પડે છે અથવા લીંબડી, મૂળીથી શબવાહિની મંગાવવી પડે
-મોતનો મલાજો જળવાય તે માટે વહેલી તકે શબવાહિની ફાળવવા લોકમાગ
-નેશનલ હાઇવે પર અકસ્માત બાદ શબને વતન લઇ જવામાં તકલીફ
સાયલા તાલુકાના 72 ગામોની અંદાજીત 1.50 લાખની વસ્તી છે. સાયલાની અધતન સુવીધા સાથે રાજ સોભાગ આશ્રમ સંચાલીત સાર્વજનીક દવાખાનું આશિવાદ રૂપ બની રહ્યુ છે. ગામડાના દર્દીઓ માટે 108 એમ્બ્યુલન્સ પણ ખડે પગે જોવા મળે છે. પરંતુ રોજબરોજના વધી રહેલા નેશનલ હાઇવે ઉપર થતા અકસ્માતે ગંભીર હાલતમાં રહેલા દર્દીઓને અનેક સુવીધાઓ અને વધુ સારવાર માટે રાજકોટ, સુરેન્દ્રનગર, અમદાવાદ હોસ્પીટલ લઇ જવાની સુવીધા મળે છે. પરંતુ અગમ્ય કારણોસર, અકસ્માતે કે સારવાર દરમીયાન મોત થયેલા દર્દીની લાશને પોતાના ઘરે લઇ જવા માટે શબ વાહીનીની સુવીધા નથી જેના કારણે ગામડામાં બનેલા બનાવમાં મૃતકની લાશને લઇ જવા માટે પરીવારજનો પરેશાન બની રહ્યા છે.
અને છકડા, ટ્રેકટરનો ઉપયોગ કરીને મૃતકની લાશ પોતાના ગામ સુધી લઇ જવા માટે ખાનગી વાહન ચાલકો સામે પરીવારજનો મુશ્કેલીનો અનુભવ કરે છે. ખાસ કરીને નેશનલ હાઇવે ઉપર ચિંતાજનક અકસ્માતો વધી રહ્યા છે. અને ગંભીર અને વિકૃત હાલતમાં રહેલા અકસ્માતગ્રસ્ત વ્યકિતની લાશને અન્ય શહેર કે ગામોમાં લઇ જવા માટે અકસ્માતે મરનારના સ્નેહીજનો દવાખાને અથવા ખાનગી વાહન માલીકો સામે આજીજી કરતા પણ જોવા મળે છે. ત્યારે સાયલા તાલુકા મથકે એક પણ શબ વાહીની ન હોવાના કારણે લાશનો મલાજો પણ સચવાઇ ન તે પ્રમાણે લાશ લઇ જવામાં આવે છે.
આ બાબતે નોલી ગામના પ્રવિણભાઇ શાહ અને સંજયભાઇ સોની, વાલજીભાઇ વાઘેલાના જણાવાયા મુજબ સાયલા તાલુકામાં મૃતકની લાશ પોતાના ગામે લઇ જવા માટે ખાનગી છકડા કે પીકઅપ વાહનમાં લઇ જતા લાશનો મલાજો પણ સચવાતો નથી અને અમુક કેસોમાં પરિવારજનોને લીંબડી અથવા ચોટીલાથી શબવાહીની બોલાવવી પડે છે. ત્યારે સાયલા તાલુકામાં અનેક સુવીધા વચ્ચે શબવાહીની ન હોવાની ખોટ જોવા મળી છે. આ બાબતે મૃતકના પરીવારજનોએ શબવાહીની જરૂરીયાતની પ્રાથમિકતા બાબતે પણ માંગ બતાવી હતી.
અન્ય સમાચારો પણ છે...