ING વૈશ્ય બેંકના કરોડોના કૌભાંડમાં અંતે ગુનો નોંધાયો

9 વર્ષ પહેલા
  • કૉપી લિંક
- આર્થિ‌ક કૌભાંડનો અહેવાલ દસ માસ પૂર્વે 'દિવ્ય ભાસ્કરે’ જાહેર કર્યો હતો - બેંકના આઠ કર્મચારીની શોધોખોળ, દસ માસની તપાસના અંતે વિધિવત ગુનો દાખલ થયો આઇએનજી બેંકની રાજકોટ શાખામાં બેંકના જ આઠ કર્મચારી દ્વારા બોગસ એકાઉન્ટ ખોલાવીને આચરવામાં આવેલા ૩.પ૮ કરોડના આર્થિ‌ક કૌભાંડમાં દસ માસની તપાસના અંતે પોલીસે ગુનો દાખલ કર્યો છે. દિવ્ય ભાસ્કર દ્વારા આ કૌભાંડની સૌપ્રથમ વિગત જાહેર કરવામાં આવી હતી. આઇએનજી બેંકના સેલ્સ મેનેજર દેવાંગ ખીરા અને ડેટા એન્ટ્રી ઓપરેટર શીતલ વખારિયાએ અન્ય છ કર્મચારીઓની સાંઠગાંઠથી આચરેલા કૌભાંડની સિલસિલાબધ્ધ વિગત મુજબ બન્ને આરોપીઓએ બેંકમાં ૬૮ જેટલા બોગસ એકાઉન્ટ ખોલાવીને આર્થિ‌ક કૌભાંડ આચર્યું હતું.બેંકમાં ૨૦૧૦ માં સેવિંગ્ઝ અને કરંટ એકાઉન્ટના માર્કેટિંગ સેલ્સ મેનેજર તરીકે દેવાંગ ખીરાની નિમણૂક કરવામાં આવી હતી. ત્યાર બાદ બોગસ એકાઉન્ટ ખોલાવીને કૌભાંડ આચર્યાની મેનેજર સમર્થ બુધ્ધને જાણ થતાં પોલીસને લેખિત અરજી કરવામાં આવી હતી. જોકે આરોપીઓ ભૂગર્ભમાં ઉતરી જતાં તપાસ ધીમી પડી ગઇ હતી. આ કૌભાંડની સિલસિલાબધ્ધ વિગત સૌપ્રથમ દિવ્ય ભાસ્કરે પ્રસિધ્ધ કરી હતી. પોલીસ અને બેંકના વિજિલન્સ વિભાગ એ દ્વિસ્તરીય તપાસના દસ માસના અંતે વિધિવત ગુનો દાખલ થતાં હવે ધરપકડનો દોર શરૂ થશે. વધુ તમામ પી. આઇ. એમ. એલ. રાઠોડ મદદનીશ ગજુભાઇ દિહોર ચલાવી રહ્યા છે. - દેવાંગે ૩૪ લાખની ઉચાપતની કબૂલાત આપી હતી શીતલને કબૂલાતના આધારે બેંકના મેનેજેરે દેવાંગની પૂછતાછ કરી હતી. દેવાંગે કુલ ૩૪ લાખની ઉચાપત કર્યાની લેખિત કબૂલાત આપીને એ રકમ જે તે સમયે જમા કરાવી દીધી હતી. બાદમાં દેવાંગ અને શીતલ ભૂગર્ભમાં ઉતરી ગયા હતા. દેવાંગના પિતાએ પુત્રના અપહરણની અરજી કરી હતી બેંક સત્તાધીશોએ દેવાંગને જે તે સમયે પૂછતાછના હેતુસર બોલાવતા તેના પિતાએ પુત્રને બેંક અધિકારીઓએ ગેરકાયદે ગોંધી રાખ્યાની અરજી કરી હતી. - ૬૮ બોગસ એકાઉન્ટમાં ૨૮ રીતે ગોલમાલ કરી પોલીસે જણાવ્યું હતું કે આરોપી દેવાંગ ખીરાએ આઇએનજી બેંકમાં બોગસ ડોક્યુમેન્ટના આધારે કુલ ૬૮ થી વધુ એકાઉન્ટ ખોલાવ્યા હતા અને એન્ટ્રી અવળ સવળ કરવા સહિ‌ત અલગ અલગ ૨૮ રીતે નાણાની ગોલમાલ કરી હતી. - બેંકના આ આઠ કર્મચારીની સંડોવણી દેવાંગ ખીરા (સેલ્સ મેનેજર), શીતલ વખારિયા (ડેટા એન્ટ્રી ઓપરેટર), સંદિપ મહેતા, દિવ્યેશ ચાવડા, ભાવિન ભટ્ટ, ધવલ ગોસિયા, સાગર બાવીસી, અજિત મેવાડા. - તપાસ શરૂ થતાં અન્ય છ કર્મચારી ભૂગર્ભમાં બેંકના સત્તાધીશોએ કૌભાંડ અંગે ૧૭, નવેમ્બરના દેવાંગ સહિ‌તના સામે ફરિયાદ આપી હતી. તપાસ દરમિયાન બેંકના વિજિલન્સ અધિકારીની પણ સમાંતર તપાસ ચાલુ હતી. દેવાંગે ૩૪ લાખની ઉચાપતની કબૂલાત કરીને ૩૪ લાખ રૂપિયા ભરપાઇ કર્યા તે સાથે અન્ય છ કર્મચારી ભૂગર્ભમાં ઉતરી ગયા હતા. - આ રીતે આચરવામાં આવ્યું હતું કૌભાંડ બેંક દ્વારા તા.૨પ/પ/૨૦૧૦ ના રોજ દેવાંગ ખીરાની બેંકના કરન્ટ અને સેવિંગ એકાઉન્ટના માર્કેટિંગ માટે સેલ્સ મેનેજર તરીકે નિમણૂક કરવામાં આવી હતી. દેવાંગને તેના હાથ નીચે સંદિપ મહેતા, દિવ્યેશ ચાવડા,ધવલ ગોરસિયા, ભાવિન ભટ્ટ, સાગર બાવીશી, અજિત મેવાડા સેલ્સ એક્ઝિક્યુટીવ તરીકે છ કર્મચારીની નિમણૂક કરવામાં આવી હતી. બેંકમાં નવા એકાઉન્ટ ખોલવાની કામગીરી દરમિયાન દેવાંગ ખીરાએ અનેક ડમી એકાઉન્ટ ખોલીને એક બીજાના ખાતામાં નાણાની અવળ સવળ એન્ટ્રી કરીને કૌભાંડ આચર્યું હતું. - આ રીતે બહાર આવ્યું કૌભાંડ ૧પ, નવેમ્બર ૨૦૧૧ માં ક્લિયિંરગ ચેકની એન્ટ્રીમાં અમુક ચેક ગુમ જણાતા મેનેજર સમર્થ બુધ્ધએ જવાબદાર કર્મચારી શીતલ વખારિયાને બોલાવી હતી. શીતલ ઉપરોક્ત ચેક અન્ય કર્મચારી દેવાંગના કહેવાથી ગુમ કર્યાની કબૂલાત આપી હતી કે જે પાર્ટીના ચેક ન હોવા છતાં તેમના ખાતામાંથી રકમ ઉધારી દેવામાં આવી હતી