મ્યુઝિક થેરાપી ડે: ડાયાબિટીસ પર પખાવજ વાદનથી મેળવ્યો કાબૂ, રોજ દસ કલાક રિયાઝ

સુખદ મુંડેના શબ્દોમાં જોઇએ તો‘બારેક વર્ષ પહેલા ડોક્ટરોએ મારા પિતા(માણિક મુંડે)ને ડાયાબિટીસ હોવાનું નિદાન કરીને દવાઓ આપી હતી. દેશ વિદેશમાં પખાવજના કાર્યક્રમ આપવા જવામાં તેમને જેટલેગ, રાત્રિના ઉજાગરા, ખાવાની અનિયમિતતા સહિતની મુશ્કેલીઓ નડે, ત્યારબાદ લગભગ એકાદ મહિના સુધી પિતાજીએ રોજિંદા દસેક કલાકનો પખાવજનો પધ્ધતિ અનુસાર રિયાઝ શરૂ કર્યો અને તેના આશ્ચર્યજનક પરિણામો મળ્યા. અત્યારે તેઓ સાવ નોર્મલ છે. તેમણે સ્વિડન મેડિકલ રિસર્ચ સેન્ટરનો એક કિસ્સો પણ ટાંક્યો હતો. પખાવજના વાદન પહેલા તેની એક તરફ બાંધેલો લોટ ચીપકાવવામાં આવે છે. આ લોટની રોટલી બનાવીને સ્ટેમરિંગમ (તોતડાપણુ)થી પીડાતી વ્યક્તિને ખવડાવવામાં આવેતો તેનું તોતડાપણું મહદઅંશે દૂર કરી શકાય. આ પ્રયોગ સ્વિડનમાં ઉપસ્થિતિમાં એક ભારતીય બાળકી પર કરાયો હતો. જેના સફળ પરિણામ મળ્યા હતા. આ લોટ ગૌ માતાને ખવડાવવામાં આવે તો તે દૂધ વધારે આપે છે. તેમના દાવા મુજબ પખાવજ વાદન સાંભળવાથી એસીડીટી અને હાઇ બ્લડ પ્રેશરના દર્દીઓને પણ રાહત મળે છે.