રાજકોટ | શહેરના ભક્તિનગર સોસાયટીમાં મંગળવારે સવારે બાઇકસવાર સમડીએ મહિલાનું ગળું અડવું કર્યાનો બનાવ પોલીસમાં નોંધાયો છે. બનાવ અંગેની પોલીસસૂત્રોમાંથી જાણવા મળતી વિગતો અનુસાર ભક્તિનગર સોસાયટી 1/બીમાં રહેતા શીલાબેન જયેશકુમાર મહેતા નામના વૃધ્ધા આજે સવારે તેમના ઘર પાસે ઊભા હતા. આ સમયે બાઇક પર આવેલા આશરે 30 થી 35 વર્ષની ઉંમરનાં બે શખ્સ બાઇક સાથે નજીક આવી ગયા હતા. વૃધ્ધા કંઇ વિચારે તે પહેલાં જ પાછળ બેઠેલા શખ્સે ગળામાં ઝોંટ મારી રૂ.35 હજારની કિંમતનો દોઢ તોલાનો સોનાનો ચેઇન ઝૂંટવી નાસી ગયા હતા. ભક્તિનગર પોલીસે નાસી છૂટેલી બાઈક સવાર સમડીને ઝડપી લેવા તપાસ હાથ ધરી છે.
અમને ખેદ છે કે તમે OPT-OUT કર્યું છે
પણ જો તમે ભૂલથી "Block" સિલેક્ટ કર્યુ હોય અથવા ભવિષ્યમાં ફરી આપ નોટિફિકેશન મેળવવા ઇચ્છો તો નીચે આપેલા નિર્દેશોનું પાલન કરો