ખોડલધામ ‘નરેશ’ના રાજીનામાનો વિવાદઃ પાટીદાર યુવાનો રસ્તા પર

રાજકોટમાં ખોડલધામના ચેરમેન રાજીનામાથી લેઉવા પાટીદાર સમાજના યુવાનો રસ્તા કહ્યું પરેશ ગજેરાનો હાથ

DivyaBhaskar.com | Updated - Apr 03, 2018, 09:22 PM
પરેશ ગજેરા હાય હાયના નારા લાગ્યા
પરેશ ગજેરા હાય હાયના નારા લાગ્યા

રાજકોટ: ખોડલધામના ચેરમેન નરેશ પટેલે મંગળવારે અચાનક જ રાજીનામું આપી દેતાં ગુજરાતમાં પટેલ સમાજે ભારે આંચકો અનુભવ્યો હતો. બીજી બાજુ રાજકોટમાં ખોડલધામની માયાણીનગરમાં આવેલી ઓફિસે વિદ્યાર્થી સમિતિના યુવાનોએ ખોડલધામના પ્રમુખ પરેશ ગજેરા વિરુદ્ધ ભારે સૂત્રોચ્ચાર કર્યા હતા અને ચીમકી ઉચ્ચારી હતી કે, જો નરેશભાઇ પટેલ રાજીનામું પરત નહીં ખેચે તો બુધવારથી ઉપવાસ સહિતના આંદોલન શરૂ કરવામાં આવશે. નરેશભાઇ રાજીનામું શા માટે આપ્યું અને પરેશ ગજેરા વિરુદ્ધ સૂત્રોચ્ચાર શા માટે થયા તે બાબતે અનેકવિધ ચર્ચાઓ શરૂ થઇ હતી.


એક વ્યક્તિના વર્ચસ્વના કારણે અંટશ પડી હોવાનું પણ ખોડલધામની ઓફિસે ચર્ચાતું હતું. બીજી બાજુ પ્રમુખ પરેશ ગજેરાએ જણાવ્યું હતું કે, નરેશભાઇએ રાજીનામું નથી આપ્યું અને તેઓ હજુ ચેરમેન પદે યથાવત્ જ છે. રાજીનામું આપવું હોય તો બોર્ડની મિટિંગમાં આપવાનું થાય છે અને બોર્ડ જ રાજીનામું સ્વીકારવું કે ન સ્વીકારવું તેનો નિર્ણય કરે છે. નરેશભાઇ પટેલે બોર્ડની મિટિંગને બદલે મીડિયા સમક્ષ રાજીનામું આપવાની જાહેરાત કરી હતી. આથી દબાણની રાજનીતિ હોવાનું પણ ચર્ચામાં હતું.

જો કે નરેશ પટેલના રાજીનામા બાદ ખાસ કરીને યુવાનોઅે પરેશ ગજેરાને ટાર્ગેટ કર્યા હતા અને મંગળવારે મોડી રાત સુધી પરેશ ગજેરા હાય-હાયના સૂત્રોચ્ચારો પોકાર્યા હતા. રાજીનામુ, સૂત્રોચ્ચાર અને અહમ સંદર્ભેની શરૂ થયેલી ચર્ચા બાદ પાટીદાર સમાજના આગેવાનોની તાકીદની બેઠક મળી હતી અને ઘરનો મામલો ઘરમાં જ સુલટાઇ જાય તેવા પ્રયાસો શરૂ કર્યા હતા. જો કે મંગળવાર મોડી રાત સુધી નરેશભાઇ પટેલે રાજીનામું પરત ખેચ્યું ન હતું અને કોકડું ગુંચવાયેલું રહ્યું હતું.

ખોડલધામ મંદિરે ઉપવાસ શરૂ કરવાની ચીમકી


નરેશ પટેલના રાજીનામા બાદ સૌરાષ્ટ્રના જિલ્લા સ્તરના કન્વીનરો, સહકન્વીનરો, મહિલા સમિતિ અને વિદ્યાર્થી સમિતિએ ચીમકી ઉચ્ચારી હતી કે, જો નરેશભાઇ રાજીનામું પરત નહીં ખેચે તો અમે નિષ્ક્રિય થઇ જશું અને રાજકોટ ઉપરાંત ખોડલધામ મંદિરે પણ ઉપવાસ આંદોલન શરૂ કરવામાં આવશે. કેટલાક ટ્રસ્ટીઓએ પણ નરેશભાઇની તરફેણમા રાજીનામાં આપ્યાની ચર્ચાઓ શરૂ થઇ હતી. જો કે પ્રમુખ પરેશ ગજેરા અને બોર્ડના સભ્યોએ વધુ રાજીનામા પડ્યાની વાતનું ખંડન કર્યું હતું.

મંગળવારે મોડી રાત સુધી ખોડલધામની ઓફિસે પાટીદાર આગેવાનોની બેઠકનો દોર ચાલુ રહ્યો હતો. પરંતુ કોઇ ફળદાયી પરિણામ આવ્યું ન હતું. બીજી બાજુ ખોડલધામ મંદિર અને ખોડલધામ ટ્રસ્ટની રાજકોટમાં આવેલી ઓફિસે આંદોલન શરૂ કરવાની વિદ્યાર્થી સમિતિએ આપેલી ચીમકી બાદ હવે બુધવાર સવારથી રાજીનામાના મુદ્દે શું થાય છે તે અંગે ભારે ઉત્સુકતા છવાઇ છે.

વધુ વાંચો આગળની સ્લાઇડ્સમાં...

Rajkot: Khodaldham chairman Naresh Patel resigned

હાર્દિક પટેલ ટ્વિટ કરી કહ્યું અમુક ટ્રસ્ટીઓના  ભગવાકરણથી નરેશભાઇએ રાજીનામું આપ્યું

 

શ્રી ખોડલધામ-કાગવડ એ પાટીદાર સમાજ ની ભક્તિ માં એકતા નું સ્થાન છે.અમુક ટ્રસ્ટીઓ ના ભગવાકરણ ના કારણે શ્રી નરેશભાઈ પટેલે રાજીનામુ આપ્યું છે.નરેશભાઈ મૌન છે પણ હકીકત આ છે.ખાનગી સૂત્રો અને સમાજ ના મુખ્ય આગેવાનો આ સત્ય ના શૂર સાથે સહમત પણ હશે.નરેશભાઈ સાથે દગો કરવામાં આવ્યો છે. - હાર્દિકનું ટ્વિટ

 

તો ખોડલધામ ટ્રસ્ટની ઓફિસમાં ટ્રસ્ટીઓને પ્રવેશબંધી


ખોડલધામ ટ્રસ્ટના ચેરમેન પદેથી નરેશ પટેલે રાજીનામું આપ્યાની વાત બહાર આવતાની સાથે ખોડલધામ ટ્રસ્ટની ઓફિસ ખાતે ટોળાં ભેગા થયા હતા. ખોડલધામ યુવા સમિતિના યુવાનો મોટી સંખ્યામાં એકત્ર થઇ ગયા હતા અને જ્યાં સુધી નરેશ પટેલ રાજીનામું પાછું ન ખેંચે ત્યાં સુધી યુવાનો ઉપવાસ આંદોલન કરશે. સમિતિના પ્રમુખ અખિલ પટેલે કહ્યું કે, નરેશભાઇએ રાજીનામું પાછું ખેંચી લીધાનું લેખિતમાં ન આવે ત્યાં સુધી ખોડલધામ ટ્રસ્ટની ઓફિસમાં ટ્રસ્ટીઓને પ્રવેશબંધી કરવામાં આવશે.

રાજકોટમાં લગભગ 200થી વધારે પાટીદાર યુવાનો રાજીનામુ આપ્યું
રાજકોટમાં લગભગ 200થી વધારે પાટીદાર યુવાનો રાજીનામુ આપ્યું

રાજીનામું આપ્યાની વાત ખોટી, તેઓ જ અમારા માર્ગદર્શક છે અને રહેશે


સમગ્ર લેઉવા પટેલ સમાજનું સંગઠન મજબૂત થાય તે હેતુથી નરેશભાઇએ ખોડલધામની સ્થાપના કરી અને ત્યાર બાદ તેમની આગેવાનીમાં ભવ્ય મંદિર નિર્માણ કરવામાં આવ્યું છે. હાલ તેઓ ચેરમેન તરીકે કાર્યરત છે. નરેશભાઇએ રાજીનામું આપ્યાની વાત સામે આવી છે.હાલ નરેશભાઇ બહારગામ છે. તેઓ રાજકોટ આવ્યા બાદ અમે બધા રૂબરૂ મળીશું. રૂબરૂ મળ્યા બાદ જો કોઇ નાના મોટા પ્રશ્નો હશે તો તે દૂર કરવામાં આવશે. નરેશભાઇ ખોડલધામ ટ્રસ્ટના ચેરમેન તરીકે જ રહેશે અને તેઓ અમારા માર્ગદર્શક છે અને રહેશે. - પરેશ ગજેરા, પ્રમુખ ખોડલધામ ટ્રસ્ટ

X
પરેશ ગજેરા હાય હાયના નારા લાગ્યાપરેશ ગજેરા હાય હાયના નારા લાગ્યા
Rajkot: Khodaldham chairman Naresh Patel resigned
રાજકોટમાં લગભગ 200થી વધારે પાટીદાર યુવાનો રાજીનામુ આપ્યુંરાજકોટમાં લગભગ 200થી વધારે પાટીદાર યુવાનો રાજીનામુ આપ્યું
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App