• Gujarati News
  • National
  • Peanuts Scandal:Raids In Magans House, More Than 5 Arrests Gold And Seized Documents

મગફળી કૌભાંડ : મગનના ઘરે દરોડા, વધુ 5ની ધરપકડ બાદ સોનું અને દસ્તાવેજો જપ્ત

3 વર્ષ પહેલા
  • કૉપી લિંક

રાજકોટ: રાજ્યભરમાં ચકચારી બનેલા મગફળી કૌભાંડમાં દરરોજ નવા ફણગા ફૂટી રહ્યા છે. સોમવારે પોલીસે મુખ્ય કાવતરાખોર ગુજકોટ કંપનના વેરહાઉસ મેનેજર મગન ઝાલાવડિયાના તરઘડી ખાતેના મકાને દરોડો પાડ્યો હતો આ ઉપરાંત મગનના સાથીદાર માનસિંગ સહિત વધુ પાંચની પોલીસે ધરપકડ કરી હતી.  રિમાન્ડ પર રહેલા મગન ઝાલાવડિયાને સાથે રાખી ડીવાયએસપી ભરવાડ સહિતની ટીમ તરઘડી ખાતેના તેના ઘરે પહોંચી હતી. સાંજે ચાર વાગ્યે શરૂ થયેલી સર્ચ 10.30 વાગ્યા સુધી ચાલી હતી. પોલીસે તેના ઘરમાંથી કેટલીક વસ્તુઅો જપ્ત કરી વધુ તપાસ આગળ ધપાવી હતી.

 

બીજીબાજુ મગન અને લાઠોદરાના માનસિંગ પોપટ લાખાણી વચ્ચે થયેલી ટેલિફોનિક વાતચીતનો ઓડિયો વાઇરલ થતાં તેમાં માનસિંગની સંડોવણી પણ કૌભાંડમાં સ્પષ્ટ થતાં પોલીસે માનસિંગની ધરપકડ કરી હતી. આ ઉપરાંત નાની ધાણેજના ગીગન મેરામ ચુડાસમા, મોટી ધાણેજના દેવદાન માંગા જેઠવા, ધીરૂ કાળા જેઠવા, હમીર બાવા જેઠવાની પણ ધરપકડ કરી હતી.


આ ઉપરાંત મોટી ધાણેજ સહકારી મંડળીએ ખરીદ કરેલી મગફળીનો હિસાબ જે કમ્પ્યૂટરમાં રાખ્યો હતો તે કમ્પ્યૂટર અને જેમાં હિસાબ રાખવામાં આવ્યા હતા તે દસ્તાવેજો આરોપીઓએ ગાયબ કરી દીધા હોવાથી પોલીસે રિમાન્ડ પર રહેલા ભૂતકોટડાના જીજ્ઞેશ ત્રિભોવન ઉજટિયા અને લખધીરગઢના રોહિત લક્ષ્મણ બોડાના ઘરે દરોડા પાડ્યા હતા. બંનેના ઘરમાંથી મહત્ત્વના દસ્તાવેજો મળી આવ્યા હતા. ધૂળના ઢેફા મેળવી જે મગફળીની ચોરી કરવામાં આવી હતી તેમાંથી 6700 ગુણી મગફળી કેશોદના મેસવાણામાં આવેલી ક્રાંતિ ઓઇલ મિલમાં વેચ્યાનું ખૂલતાં પોલીસે મિલમાં પણ દરોડો પાડી દસ્તાવેજો જપ્ત કર્યા હતા.

 

સોનું અને દસ્તાવેજો જપ્ત


પોલીસે મગન ઝાલાવડિયાના ઘરમાંથી 146 ગ્રામ સોનું, 5 હજારનું ચાંદી અને રૂ.32 હજાર રોકડા જપ્ત કર્યા હતા. જીજ્ઞેશ અને રોહિતના ઘરમાંથી મહત્ત્વના દસ્તાવેજો પોલીસને હાથ આવ્યા હતા.

 

મિનિસ્ટ્રીને કહી પોલીસ પાસે કહેવડાવો કે ટાઢું પાડી દ્યો, બે દિવસમાં રસ્તો નીકળી જશે : મગન

 

પેઢલામાં મગફળીની ગુણીમાંથી ધૂળના ઢેફા ભેળવી દેવાના કૌભાંડમાં ગુજકોટના વેરહાઉસના મેનેજર તેમજ તરઘડી સહકારી મંડળી પ્રમુખ મગન ઝાલાવડિયાની સંડોવણી બહાર આવી છે. પોલીસ ફરિયાદ થતાં પહેલા મગને કૌભાંડને ઠંડું પાડવા અનેક હવાતિયાં માર્યા. એ પૈકી માળિયા હાટિના તાલુકા પંચાયતના સદસ્ય માનસિંગ પોપટ લાખાણી (રહે. લાઠોદરા) સાથે થયેલી ફોન પરની વાતચીતની ત્રણ ક્લિપ ફરતી થઇ છે. આ ક્લિપમાં આવેલો શબ્દસ: સંવાદ અહીં રજૂ છે.

 

વધુ તસવીરો જોવો આગળની સ્લાઇડ્સમાં...