રાજનાથસિંઘને આવેદનપત્ર આપે એ પહેલા કોંગ્રેસ આગેવાનોની અટકાયત

7 વર્ષ પહેલા
  • કૉપી લિંક
- દેશની સરહદો અને આંતરિક તેમજ બાહ્ય સુરક્ષાને મુદ્દે આવેદનપત્ર આપવાના હતા

પોરબંદર: કેન્દ્રના ગૃહપ્રધાન આજે પોરબંદરની મુલાકાતે આવ્યા હતા અને કિર્તીમંદિર ખાતે ગાંધીજીને પુષ્પાંજલી અર્પણ કરવાનો કાર્યક્રમ પણ હોય, આથી કોન્ગ્રેસના કેટલાક આગેવાનો અને કાર્યકરો દેશની સરહદી સુરક્ષા બાબતે રાજનાથસિંઘને આવેદનપત્ર આપવા માટે આવ્યા હતા. પરંતુ પોલીસે આ કોંગ્રેસી આગેવાનોની કિર્તીમંદિરથી થોડે દૂર જ અટકાયત કરી લીધી હતી અને પોલીસમથકે લઈ જવામાં આવ્યા હતા.

કેન્દ્રમાં ભાજપનું શાસન આવ્યું છે ત્યારે દેશની આંતરિક અને સરહદી સુરક્ષાને મુદ્દે પોરબંદર કોંગ્રેસના કેટલાક આગેવાનો અને કાર્યકરો પોરબંદરની મુલાકાતે આવેલા કેન્દ્રીય ગૃહમંત્રી રાજનાથસિંઘને એક આવેદનપત્ર આપવાના હોય, આ આવેદનપત્ર કિર્તીમંદિર ખાતે આપવાનું નક્કી કરાયું હતું. રાજનાથસિંઘ કિર્તીમંદિર ખાતે પહોંચે તે પહેલા કોંગ્રેસના કાર્યકરો આવેદનપત્ર લઈને કિર્તીમંદિર તરફ આવી રહ્યા હતા ત્યારે જ પોલીસે કોંગ્રેસના આગેવાન ભનુભાઈ ઓડેદરા, કેશુભાઈ વાઢેર સહિતનાં સાત આગેવાન અને કાર્યકરોને અટકાયત કરી લીધી હતી.

કોંગ્રેસના આગેવાનોએ આવેદનપત્રમાં એવો ઉલ્લેખ કર્યો હતો કે લોકસભાની ચૂંટણી સમયે ભાજપે દેશની ભોળી જનતાને ભરમાવવા માટે દેશની સરહદી અને આંતરિક સુરક્ષાને લઈને મોટા-મોટા પ્રવચનો કર્યા હતા, પરંતુ હાલ પરિસ્થિતી વિપરીત હોવાનું જણાવ્યું હતું તેમજ પાકિસ્તાનને મુંહતોડ જવાબ આપવા પણ જણાવ્યું હતું.