પોરબંદર તાલુકાના નવાગામ-રાજપર ગામે એક વાડીમાં પોલીસે દરોડો પાડી 68 લીટર દેશી દારૂ જપ્ત કર્યો હતો. પોલીસે ગુનો નોંધી વધુ આગળની કાર્યવાહી હાથ ધરી છે.

આ અંગેની પોલીસમાંથી પ્રાપ્ત વિગત મુજબ, પોરબંદર તાલુકાના નવાગામમાં રહેતો સુકા ઉર્ફે સુકી ભકન ઓડેદરાના વાડીના રહેણાંક મકાનમાં પોલીસે ચોક્કસ બાતમીના આધારે દરોડો પાડી આ મકાનમાંથી 68 લીટર દેશી દારૂ જપ્ત કર્યો હતો.

અને આરોપીને ઝડપી લઈને આ દારૂ અંગે પૂછપરછ કરતા આ દારૂ માંગરોળ તાલુકાના મીતી ગામે રહેતા અરજણ પાસેથી લાવ્યો હોવાની કબુલાત આપતા પોલીસે તેમની વિરૂદ્ધ ગુન્હો દાખલ કરી આગળની તજવીજ હાથ ધરી છે.