તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Porbandar
  • ભૂખરી નેસ વિસ્તારની શાળામાં 17 વર્ષથી લાઈટ કનેક્શન નથી

ભૂખરી નેસ વિસ્તારની શાળામાં 17 વર્ષથી લાઈટ કનેક્શન નથી

3 વર્ષ પહેલા
  • કૉપી લિંક
એજ્યુકેશન રીપોર્ટર | કુતિયાણા

કુતિયાણાના ભૂખરી નેશ વિસ્તારમાં સરકારે અડધા કરોડ રૂપીયાના ખર્ચે બહુમાળી બિલ્ડીંગની સુવિધાથી સજ્જ સ્કૂલ બનાવી છે. પરંતુ છેલ્લા 17 વર્ષથી અહીં લાઈટ કનેક્શન નથી આપવામાં આવ્યું, ટ્યુબલાઈટ, બલ્બ, પંખા, ટીવી સહિતની સગવડ સરકારે પૂરી પાડી છે પરંતુ આ ઉપકરણોને ચલાવવા કેવી રીતે ω તે પ્રશ્નાર્થ ઉદભવી રહ્યો છે. આ બાબતે શાળાના આચાર્યએ 2001 થી વડાપ્રધાન સુધી અનેક વખત રજૂઆતો કરી છતાં આજ દિવસ સુધી લાઈટની સુવિધા પૂરી પાડવામાં આવી નથી.

પોરબંદર જિલ્લાના કુતિયાણા નજીક ભૂખરી નેશ વિસ્તારમાં આવેલ સરકારી શાળામાં વિજળીની સુવિધા આપવામાં આવી નથી. વિજળીની સુવિધા આપવામાં ન આવી હોવાને લીધે વિદ્યાર્થીઓ સહિત અહીં વસવાટ કરતા 50 થી વધુ પરિવારોને ભારે મુશ્કેલીઓનો સામનો કરવો પડી રહ્યો છે. અહીં આવેલ શાળાની વાત કરીએ તો 17 વર્ષ પહેલા સરકારે અડધા કરોડના ખર્ચે અદ્યતન સુવિધાથી સજ્જ બહુમાળી બિલ્ડીંગનું નિર્માણ કર્યું છે. અને આ બિલ્ડીંગમાં ટ્યુબલાઈટ, પંખા, ટીવી વગેરે ઉપકરણો સરકારે આપ્યા છે. હાલ આ ઉપકરણોને ચલાવવા કેવી રીતે ω તે પણ એક પ્રશ્નાર્થ બની રહ્યો છે. આ શાળામાં વિજળીની સુવિધા ઉપલબ્ધ કરવામાં ન આવી હોવાને કારણે છાત્રોને અભ્યાસ કરવામાં પણ ભારે મુશ્કેલીઓનો સામનો કરવો પડી રહ્યો છે. શાળાના આચાર્ય ઈ.સ. 2001 થી સરકારની વિવિધ કચેરીઓમાં રજૂઆતો કરી રહ્યા છે તેઓએ વડાપ્રધાન કાર્યાલયમાં પણ રજૂઆત કરી છે. શાળાના આચાર્યની રજૂઆતને ધ્યાને લઈ ધારાસભ્ય, સાંસદ વગેરેએ આ શાળાની મુલાકાત લીધી હતી અને માત્ર આશ્વાસનો જ આપ્યા હોય તેમ અહીં આજ દિવસ સુધી લાઈટની સુવિધા ઉપલબ્ધ કરવામાં આવી નથી.

આચાર્યએ 2001 થી વડાપ્રધાન સુધી અનેક વખત રજૂઆતો કરી
1શાળાનું નવનિર્માણ કરાયું પરંતુ લાઇટ કનેકશનનાં વાંકે ટીવી મેડા પર ચઢાવી દેવામાં આવ્યું છે.

2સ્કૂલમાં 2001થી પંખાતો આવ્યા પરંતું એ કબાટમાં શોભાનાં ગાંઠિયા સમાન બની રહ્યા.

3શાળાનાં નવનિર્મિત બિલ્ડિંગમાં લાઇટ કનેકશનનાં વાંકે પંખા પણ ફીટ કરવામાં આવ્યા નથી.

શું કહે છે પી.જી.વી.સી.એલ. ના અધિકારી ?
ભૂખરી નેશ વિસ્તારની શાળામાં લાઈટની સુવિધા નથી તે બાબતે પી.જી.વી.સી.એલ. વિભાગના અધિકારીઓએ એવું જણાવ્યું હતું કે આ વિસ્તાર ફોરેસ્ટ વિભાગમાં આવે અને ફોરેસ્ટ વિભાગ મંજુરી આપે તો અમે લાઈટની સુવિધા ઉપલબ્ધ કરશું.

શું કહે છે ફોરેસ્ટ વિભાગના અધિકારી ?
ફોરેસ્ટ વિભાગના અધિકારીઓએ એવું જણાવ્યું હતું કે ભૂખરી નેશ શાળાના આચાર્ય અને પી.જી.વી.સી.એલ. વિભાગની રજૂઆતને ધ્યાને લઈ અમે બે વર્ષ પહેલા લાઈટની સુવિધા ઉપલબ્ધ કરાવવા અંગેની મંજુરી માટે ઉચ્ચકક્ષાએ જાણ કરી છે પણ હજુ સુધી મંજુરી મળેલ નથી. મંજુરી મળવાની સાથે જ તાત્કાલીક ધોરણે લાઈટની સુવિધા ઉપલબ્ધ કરવા માટેના પ્રયાસો હાથ ધરાશે.

રોડ, કેબલો, શાળાનું બિલ્ડીંગ વગેરેનું કામ ફોરેસ્ટરની મંજુરી વગર થયું પણ લાઈટની સુવિધા માટે મંજુરીની રાહ જોવાઈ રહી છે
ભૂખરી નેશ વિસ્તારમાં 50 થી વધુ માલધારી પરિવારો વસવાટ કરી રહ્યા છે ત્યારે સ્થાનિકો પણ એવું જણાવી રહ્યા હતા કે આ વિસ્તાર ફોરેસ્ટ વિભાગમાં આવતો હોય તો અહીં સરકારે મંજુરી વગર અદ્યતન સુવિધાથી સજ્જ શાળાના બહુમાળી બિલ્ડીંગનું નિર્માણ કેવી રીતે કર્યું ? 3 વર્ષ પહેલા અહીં અવરજવર માટે ડામરનો રોડ પણ બન્યો અને નર્મદાની પાઈપલાઈન નખાઈ, સરકારી ખાનગી કંપનીના કેબલો નખાયા આ બધી પ્રક્રિયા મંજુરી વગર થઈ ગઈ છે પરંતુ અમારા નાના ભૂલકાઓ અનેક યાતનાઓ વેઠી રહ્યા છે ત્યારે છેલ્લા 17 વર્ષથી સરકાર લાઈટની સુવિધા ઉપલબ્ધ કરવા માટે ઠાગાઠૈયા કરી રહી છે.

100 વિદ્યાર્થીઓની સંખ્યા સામે માત્ર 30 જેટલા જ વિદ્યાર્થીઓ
મધ્યાહન ભોજન સંચાલકે દોઢ કિલોમીટર ધક્કા ખાઈ પાણીની વ્યવસ્થા કરવી પડે છે

સ્કૂલમાં વિદ્યાર્થીઓ માટે મધ્યાહન ભોજન આપવામાં આવી રહ્યું છે. મધ્યાહન ભોજનના સંચાલકે અહીં પીવાનું પાણી ન હોવાથી દોઢ કિલોમીટર દૂર દૂર સુધી જઈ પીવાનું પાણી લઈ આવવું પડે છે અને બાળકો માટે ભોજનની વ્યવસ્થા કરવી પડે છે.

સ્કૂલના કમ્પાઉન્ડમાં છત્તા બોરે પાણી મેળવવું મુશ્કેલ બન્યું
સરકારે અદ્યતન સુવિધાથી સજ્જ સ્કૂલના બિલ્ડીંગની સાથોસાથ શાળાના કમ્પાઉન્ડમાં પીવાના પાણી માટે બોરની વ્યવસ્થા પણ કરી આપી છે. બોરની સુવિધા કરી આપી હોય અને અહીં પાણીની સિંચાઈ માટે ડંકીની પણ વ્યવસ્થા કરી છે, પરંતુ ડંકીથી પાણી સીંચવું વિદ્યાર્થીઓ માટે મુશ્કેલ બની રહ્યું છે. ત્યારે બોરમાંથી પાણી સિંચવા માટે વિજળીના વાંકે ઈલેકટ્રીક મોટરની વ્યવસ્થા નથી કરી જેથી છત્તા બોરે પાણી મળતું નથી અને શાળાના આચાર્યએ વિદ્યાર્થીઓ માટે પોતાના ઘરેથી પીવાનું પાણી લઈ આવવાની ફરજ પડી રહી છે.

ભૂખરી નેસ વિસ્તારની શાળામાં 100 જેટલા વિદ્યાર્થીઓની સંખ્યા હતી પરંતુ લાઈટના વાંકે ઉનાળાના કાળઝાળ તડકામાં વિદ્યાર્થીઓ ગરમીથી પીસાઈ બિમારીનો ભોગ બની રહ્યા હતા. આમ વિદ્યાર્થીઓને ડુંગર વચ્ચે કાળઝાળ ગરમીમાં શાળાના વર્ગખંડમાં અભ્યાસ કરવાની ફરજ પડતી હોવાથી હાલ માત્ર 30 જેટલી સંખ્યા રહી છે. તસ્વીર - નાગેશ પરમાર

માત્ર 1 કિલોમીટર દૂર લાઈટની સુવિધા છે પણ શાળામાં નથી..આ તે કેવો ન્યાય ?
કુતિયાણા તાલુકાના ભૂખરી નેશ વિસ્તારની શાળામાં 17 વર્ષથી લાઈટની સુવિધા નથી. અહીંથી માત્ર દોઢ કિલોમીટરના અંતરે આવેલા બોથડી નેશ અને 1 કિલોમીટરના અંતરે ભૂખરી નેશ ખાતે લાઈટની સુવિધા છે પણ અહીં આજ દિવસ સુધી લાઈટની સુવિધા ઉપલબ્ધ કરવામાં આવી નથી. આ તે કેવો ન્યાય ? તેવું આશ્ચર્ય થઈ રહ્યું છે.

અન્ય સમાચારો પણ છે...