પુત્રને બદલે તેનો મૃતદેહ ઘેર આવતા માતાનું કાળજું કંપી ઉઠ્યું, અશ્રુધારા

Sarman Bhajgotar

Sarman Bhajgotar

Apr 12, 2018, 03:01 AM IST
Surrounded by her body instead of her son suffering

પુત્રને બદલે તેનો મૃતદેહ ઘેર આવતા માતાનું કાળજું કંપી ઉઠ્યું, અશ્રુધારા.

પોરબંદર: પંથકના મુળ કુછડી ગામના અને હાલ રાણાવાવ રેલ્વેસ્ટેશન પ્લોટ વિસ્તારમાં રહેતો યુવાન છેલ્લા 7 વર્ષથી દુબઈમાં ટેક્સી ડ્રાઈવરનો ધંધો કરી રહ્યો હતો. તે દરમિયાન દુબઈમાં આ યુવાનની હત્યા થઈ હતી. હત્યાના 13 દિવસ બાદ તેમનો મૃતદેહ રાણાવાવમાં લઈ આવવામાં આવ્યો હતો. પોરબંદર પંથકના ઘણા યુવાનો વિદેશમાં કામ-ધંધો કરી રહ્યા છે ત્યારે દુબઈમાં પણ પોરબંદર પંથકના ઘણાં બધા યુવાનો નોકરી અને કામધંધો કરી રહ્યા છે ત્યારે મુળ કુછડી ગામના અને હાલ રાણાવાવ સ્ટેશન પ્લોટમાં રહેતા ભરતભાઈ કીચડીયા નામના યુવાન પણ દુબઈમાં છેલ્લા ઘણાં વર્ષથી ટેક્સી ડ્રાઈવરનો ધંધો કરી રહ્યા છે.

આ યુવાનની દુબઈમાં પોરબંદર પંથકના જ દલીત શખ્સે છરીના ઘા ઝીંકી હત્યા નિપજાવી હતી. હત્યાના 13 દિવસ બાદ બુધવારના દિવસે તેમના મૃતદેહને માદરે વતન લઈ આવવામાં આવ્યો હતો. આમ, રાણાવાવ સ્ટેશન પ્લોટ વિસ્તારમાં રહેતા તેમના માતાએ પોતાના એકાએક પુત્રને બદલે પુત્રના મૃતદેહને નિહાળ્યો હોવાથી માતાનું કાળજું કંપી ઉઠ્યું હતું. આમ,દુબઈમાંથી મૃતકના મિત્રો ભરત કીચડીયાના મૃતદેહને પોરબંદરમાં લઈ આવ્યા હતા અને અહીં માદરે વતનમાં મૃતદેહને અગ્નિસંસ્કાર આપવામાં આવ્યો હતો. આજે યુવાનનો મૃતદેહ વતન પહોંચ્યો હતો. ગામમાં ગમગીની છવાઇ ગઇ હતી.

X
Surrounded by her body instead of her son suffering
COMMENT

Next Stories

    ની  સંપૂર્ણ વાંચનસામગ્રી