સોંદરડાનાં વતની બ્રિગેડિયરનાં નામથી રાજસ્થાનમાં રોડ બન્યો

2 વર્ષ પહેલા
  • કૉપી લિંક
રાજસ્થાનનાં પિલાની ગામ પાસે એક ભારતીય લશ્કરનો એક કેમ્પ આવેલો છે. આ કેમ્પના એક રોડનું બ્રિગેડિયર રાયજાદા નામકરણ કરવામાં આવ્યું છે.બ્રિગેડિયર નિરવકુમાર કૃષ્ણસિંહ રાયજાદાનું હાલ પશ્ચિમ બંગાળના દાર્જીલિંગ જિલ્લામાં આવેલા સુકનામાં પોસ્ટીંગ છે. મૂળ જૂનાગઢ જિલ્લાનાં કેશોદ પાસે આવેલા સોંદરડા ગામનાં તેઓ વતની છે. બ્રિગેડિયર નિરવકુમાર રાયજાદાએ સૈનિક સ્કૂલ બાલાચડીમાં અભ્યાસ કર્યો છે. બાદમાં 1991 ના અરસામાં તેઓ આર્મીમાં સેકન્ડ લેફ્ટેનન્ટ તરીકે અોફિસર કેડરમાં જોડાયા હતા. અગાઉ જ્યારે તેઓ રાજસ્થાનનાં પિલાની પાસેનાં મિલીટરી કેમ્પમાં ફરજ બજાવતા હતા ત્યારે એમની ઉત્કૃષ્ટ કામગીરીને ધ્યાનમાં રાખી કેમ્પનાં એક રોડને બ્રિગેડિયર રાયજાદા રોડ એવું નામ આપવામાં આવ્યું છે. તેમને અગાઉ ચીફ ઓફ આર્મી સ્ટાફ મેડલ પણ મળી ચૂક્યો છે.

અન્ય સમાચારો પણ છે...