• Home
  • Saurashtra
  • Somnath
  • Una
  • Una - 55 ગામડાઓ ધરાવતી ગીરગઢડા તાલુકા પંચાયતમાં 43 કર્મી સામે માત્ર 6 જ હાજર

55 ગામડાઓ ધરાવતી ગીરગઢડા તાલુકા પંચાયતમાં 43 કર્મી સામે માત્ર 6 જ હાજર

કરોડો રૂપિયાના ખર્ચે લોકોના પ્રશ્નોનાં ઉકેલ માટે ભવન તો બનાવાયું છતાં હાલાકી

DivyaBhaskar News Network | Updated - Sep 16, 2018, 03:36 AM
Una - 55 ગામડાઓ ધરાવતી ગીરગઢડા તાલુકા પંચાયતમાં 43 કર્મી સામે માત્ર 6 જ હાજર
નવનિમાર્ણ ગીરગઢડા તાલુકાની રચના કરાયા બાદ ઉના તાલુકામાંથી 55 ગામોને ગીરગઢડા તાલુકા સાથે જોડી દીધા બાદ આ ગામને નજીક પડતી તાલુકા પંચાયતની નવી કચેરી બન્યા બાદ કરોડો રૂપિયાના ખર્ચે કચેરીનુ બિલ્ડીંગ બનાવી અલગ અલગ ડીપાર્ટ મેન્ટ ઉભા કરી આ કચેરીની જરૂરીયાત મુજબ દરેક વિભાગનો કુલ 43 કર્મચારીની જરૂરીયાતનો મહેકમ ઉભુ કરાયેલ. જેમાં તાલુકા વિકાસ અધિકારી સહિત પંચાયત કામગીરી માટે 14 કર્મચારી ગામ વિકાસ એજન્સી વિભાગમાં 7 કર્મચારી મિશન મંગલ વિભાગમાં 6 કર્મચારી મનરેગા યોજના હેઠળ 4 કર્મચારી તેમજ મહિલા શસક્તિ કરણમાં બે 2 મહિલા કર્મચારી ખેતીવાડી શાખામાં 6 કર્મચારી સહીત પટ્ટાવાળા અને અન્ય સફાઇ કામદાર સહીત કુલ 43 કર્મચારીની નિમણૂકનુ મહેકમ નક્કી કરાયેલ હોય પરંતુ તાલુકા પંચાયતની આ નવી બનેલ કચેરીમાં 55 ગ્રામ્ય વિસ્તારના લોકો પોતાના સરકારી કામ અર્થે નિયમીત અવર જવર દૂર દૂરના ગામોમાંથી આવતા હોય પરંતુ આ કચેરીમાં માત્ર 5 થી 6 કર્મચારી જ હાજર જોવા મળતા હતા. અને આ અન્ય કર્મચારી ક્યા છે અને ક્યા ગયા તેનો કોઇ ખ્યાલજ ન હતો. તેના કારણે લોકોના કામો અટવાયેલા રહે છે.

લોકોને ધક્કા ખાવા પડે છે. સમયસર કોઇ કામ થતુ ન હોવાથી પંચાયત કચેરી શોભાના ગાઠીયા સમાન બની રહી છે. મહેકમ મુજબના જવાબદાર કર્મચારી ઉપરોક્ત શાખાઓમાં ભાગ્યેજ જોવા મળે છે.

મોટા ભાગે કચેરી કર્મચારી વગર ખાલી ખમ રહેતી હોય લોકો આ કચેરીમાં આવતા અરજદારો હેરાન પરેશાન થઇ રહ્યા છે.

સ્ટાફ ગેરહાજરની સમસ્યા રોજબરોજની છે

43ના સ્ટાફનું મહેકમ છે પરંતુ સ્ટાફની ગેરહાજરી જ જોવા મળે છે આ સમસ્યા રોજબરોજની દેખાય આવે છે. તા.પં.માં અરજદારો સ્ટાફ ન હોવાને કારણે આટાફેરા કરતા હોય છે. અંતે કંટાળી સત્તાધિસોને સ્ટાફ ન હોવાની વ્યથા સંભળાવતા હોય ત્યારે ચૂંટાયેલા સત્તાધિસો પણ ઓફીસમાં સ્ટાફની શોધખોળ કરતા હોય અંતે કામ લઇને આવેલ અરજદારને એવું કહે અમે શુ કરી શકીએ.

X
Una - 55 ગામડાઓ ધરાવતી ગીરગઢડા તાલુકા પંચાયતમાં 43 કર્મી સામે માત્ર 6 જ હાજર
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App