ધ્રાંગધ્રા મધમાખીનું ઝુંડ ઉડતા ધુંણતાે ભુવો ઉભો થઇને ભાગ્યો

ધ્રાંગધ્રામાંએક ધાર્મીક જગ્યાએ દાણા જોવા માટે ભુવા અને અન્ય લોકો એકઠા થયા હતા ત્યારે ધૂપ કરવા માટે છાણા લાકડા સળગાવતા ધૂમાડો થયો હતો. આથી છત ઉપર બેઠેલુ મધમાખીનું ઝૂંડ ઉડતા દોડધામ મચી હતી. અને ત્યાં બેઠેલા અને ધુંણતા ભુવાને ડંખ મારતા ભુવાએ ઘુંણતા ઘુંણતા ઉભી પુંછડીએ દોટ લગાવી પડી હતી.

21મી સદીમાં પણ સમાજમાં અંધશ્રધ્ધા વ્યાપી હોવાને લીધે લોકોને ભુવા યેન કેન પ્રકારે લુંટી લઇને બુધ્ધુ બનાવે છે. ત્યારે ધ્રાંગધ્રા ધ્રાંગધ્રામાં એક ધાર્મીક જગ્યાએ એક ભુવો અને અન્ય લોકો કોઇ અનુષ્ઠાન કાર્ય માટે અને દાણા જોવાના કાર્ય માટે એકઠા થયા હતા. ત્યારે ભુવાદ્વારા દાણા જોવડાવવા માટે આવેલ લોકો પાસે ઘી, ધૂપ, અને છાણા, લાકડા માંગાવીને માંગાવી એકઠા કરીને ધૂપ પ્રગટાવીને ભૂવાએ ધુંણવાનું શરૂ કર્યું હતું જેમાં ડાકલા પડકારા અને દાણા જોવા લાગ્યો હતો.

સમયે ધૂપના ધુમાડાથી છંછેડાયેલ ઉપર બેઠેલુ મધમાખીનું મધ ઉડ્યું હતું આથી બેઠેલા તમામ લોકોને અને ધૂંણતા ભૂવાને ડંખ મારવાનું શરૂકરી દેતા નાશભાગ મચી ગઇ હતી. ત્યારે ડાકલા અને પડકારા કરતા ભુવાને બે ત્રણ મધમાખી ડંખ મારતા ભુવાએ ધુંણતા ધુંણતા અચાનક ભાનમાં આવી મધમાખીથી બચવા માટે ઉભી પૂંછડીએ દોટ લગાવી હતી. ત્યારે બનાવને લઇને શહેરમાં રમૂજ સાથે ચર્ચા જાગી છે.