મોરબીના વોર્ડ નં.11માં લાઇન તૂટતાં ગંદા પાણીની રેલમછેલ

મોરબી રાજકોટ હાઈવેની છેલ્લા 2 વર્ષ કરતા પણ વધારે સમયથી ફોર ટ્રેક કરવાની કામગીરી ચાલી રહી છે. આ કામગીરી હાલ મોરબી શહેરના નજીકના વિસ્તારમાં થતી હોવાના કારણે શહેરી વિસ્તારોમાંથી નીકળતી ભુગર્ભ ગટરની લાઈનમાં નુકશાન થયું છે તો કેટલાક વિસ્તારોમાં પાણીનો નિકાલ જ બંધ થઈ ગયો છે. ખાસ કરીને ગોકુલનગર, લાયન્સનગર, આનંદનગર , ફિદાઈ પાર્ક, ધર્મ સૃષ્ટિ સોસાયટી, તુલસી સોસાયટી, ઉમા પાર્ક, 25 વરિયા વિસ્તાર, મફતીયાપરા, કામધેનુ સહિતના વિસ્તારોમાં ભુગર્ભ ગટરના પાણી ભરાઈ ગયા છે. જેના કારણે ત્યાંથી નીકળવું પણ મુશ્કેલ બની રહ્યું છે.તો ત્યાં રહેતા લોકોની હાલત બદતર બની ચુકી છે.ભૂગર્ભ ગટર બંધ થવાને કારણે મોટા ભાગના શૌચાલય બંધ થઈ ગયા છે.

ગંદુ પાણી ભરાવાને કારણે આ વિસ્તારમાં રોગચાળો ફાટી નીકળે તેવી સંભાવના વ્યક્ત કરવામાં આવી રહી છે. આ મુદે વોર્ડ11 નાં કાઉન્સિલ ર કે.કે પરમાર અને ભાવેશ કંજારીયાએ ચીફ ઓફિસરને પત્ર લખી સમસ્યા ઉકેલવા કાર્યવાહી કરવા માગ કરી છે.

કાઉન્સિલર્સએ ચીફ ઓફિસરને પત્ર લખી રિપેર કરાવવા માંગ કરી

_photocaption_સતત ગંદકીમાં રહી રહીશો પણ ત્રાસી ગયા છે. }તસવીર : કિશન પરમાર*photocaption*