પ્રફુલ પટેલે લીધી પીડિત પરિવારની મુલાકાત, રાહુલ ગાંધી પણ લેશે મુલાકાત

પીડિત પરિવારની મુલાકાતે આવેલા પ્રફુલ પટેલે જણાવ્યું હતું કે, 'પીડિત પરિવારની વાત સાંભળી દુઃખ થયું છે. જે ઘટના બની તે ઘણી જ શરમજનક છે. પીડિત પરિવારને મળવાનું એકમાત્ર કારણ એ જ છે કે આ દુઃખની ઘટનામાં તેઓ એકલા નથી, અમે તેમની સાથે છીએ. દલિતોને સરકાર દ્વારા એવી હૈયાધારણા પણ નથી મળી કે તેમની સાથે ન્યાય થશે. અમે રાજ્ય અને દેશના દલિતો સાથે ખભે ખભો મિલાવીને ઉભા છીએ, તેઓ આ લડાઈમાં એકલા નથી'. મુલાકાત પહેલા દીવ એરપોર્ટ પર તેમણે જણાવ્યું હતું કે, 'અમે અહીં રાજનીતિ કરવા માટે નથી આવ્યા, લોકોને સાંત્વના આપવામાં માટે આવ્યા છીએ. ગુરાતની સામાજિક સ્થિતિ દિવસેને દિવસે બગડી રહી છે, ઘણા સમયથી ગુજરાતમાં આવું ચાલી રહ્યું છે.'