Home » Saurashtra » Latest News » Junagadh » સોશ્યલ મિડીયા દ્વારા થતી હેરાનગતિ વાળાને મદદ મળશે

સોશ્યલ મિડીયા દ્વારા થતી હેરાનગતિ વાળાને મદદ મળશે

Divyabhaskar.com | Updated - Aug 10, 2018, 03:45 AM

સખી વન સ્ટોપ સેન્ટર અંગે પરિચય સેમિનાર યોજાયો ડો.સુભાષ મહિલા આર્ટસ,કોમર્સ કોલેજમાં કાર્યક્રમ યોજાયો

  • સોશ્યલ મિડીયા દ્વારા થતી હેરાનગતિ વાળાને મદદ મળશે
    જૂનાગઢ ડો. સુભાષ મહિલા આર્ટસ, કોમર્સ અેન્ડ હોમ સાયન્સ કોલેજમાં સખી વન સ્ટોપ સેન્ટર અંગે પરિચય સેમિનારનું આયોજન કરવામાં આવ્યું હતું. આ કાર્યક્રમમાં જિલ્લા દહેજ પ્રતિબંધ અધિકારી પી.બી. જાદવે સખી વન સ્પોટ સેન્ટર એટલે શું ω તે સમજાવ્યું હતું. સરકારનો એવો પ્રયાસ છે કે જેમાં કોઇ પણ સ્ત્રી કે મહિલા પોતાનાં આરોગ્ય સંબંધી, હિંસા સંબંધી કોઇ પણ એક જ જગ્યા ઉપર રજુઆત કરી તેનું નિરાકરણ મેળવી શકે છે. સિવીલનાં આઇટી વિભાગનાં જીજ્ઞાબેને કહ્યું હતું કે, પીડિત મહિલાઓને આશરો, જો કોઇ મહિલા સાથે છેતરપિંડી થઇ હોય, ઘરેલું હિંસા થતી હોય, જાતિય શોષણ થતું હોય, માનસિક-શારિરીક ત્રાસ હોય આવા પિડીતોને આશરો આપવામાં આવે છે. વળી જે મહિલાઓને કાનુની સલાહની જરૂરત હોય, ઇજા પર સારવારની જરૂરત હોય તો પણ સેવા પુરી પાડવામાં આવે છે. કેશોદ સેન્ટર પરનાં કાઉન્સેલર કૃપાબેન લાખાણીએ કહ્યું હતું કે, સોશ્યલ મિડીયા દ્વારા થતી હેરાનગતિ વાળાને પણ મદદ મળે છે. સોશ્યલ મીડિયા દ્વાર ફોટોગ્રાફ વાયરલ કરવા, બ્લેકમેઇલિંગ કરવું વગેરે શોષણની કેટેગરીમાં આવે છે,જેને પણ મદદ મળે છે. આ તકે ડો.બલરામ ચાવડા, ડો. મેઘલબેન બુચ સહિતનાં હાજર રહ્યાં હતાં અને સંસ્થાનાં ટ્રસ્ટી જવાહરભાઇ ચાવડાએ અભિનંદન પાઠવ્યાં હતાં.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Saurashtra

Trending