વડાલ સહિત 11 ગામોનાં લોકોનું કલેકટરને આવેદન

જૂનાગઢતાલુકાનાં વડાલ સહિતનાં 11 ગામોનાં લોકોએ ઊનાનાં મોટા સમઢીયાળામાં દલિતો પર થયેલા અત્યાચારનાં પગલે જૂનાગઢ કલેકટરને આવેદન આપી યોગ્ય કાર્યવાહી કરવા માંગણી કરવામાં આવી છે.

જૂનાગઢ તાલુકાનાં વડાલ ચોકી, કાથરોટા, ભીયાળ, કેરાળા, માળિયા, ઝાલણસર, ગોલાધર, વાલાસીમડી, ચોકલી, સુખપુર, ગલીયાવડ, આંબલીયા, પતરા પર અને બામલ ગામ સહિતનાં ગામોનાં દલિત સમાજનાં લોકોએ જૂનાગઢ કલેકટર કચેરીએ પહોંચી જઇ કલેકટરને આવેદન પત્ર આપ્યું હતું. જેમાં તેઓએ જણાવ્યું હતું કે ઊનાના મોટા સમઢીયાળામાં દલિત ઉપર થયેલા અત્યાચારનાં પગલે આવું કૃત્ય કરનાર ઇસમો સામે ઠોસ કાર્યવાહી કરવા ઉપરાંત તેમના પરિવારોને સરકાર તરફથી સહાય ચુકવવા ઉપરાંત તેઓને રક્ષણ પુરૂ પાડવા માટે સહિતની રજુઆતો આવેદન પત્રમાં કરવામાં આવી હતી. આમ આવેદન આપી ન્યાયની માંગ કરવામાં આવી હતી.

11 ગામનાં દલિત સમાજનાં લોકોએ આવેદન આપ્યું. તસ્વીર- મનીષ જોષી