8 દિવસ બાદ પણ આરોપી ન પકડાતાં કોંગ્રેસનું આવેદન

3 વર્ષ પહેલા
  • કૉપી લિંક
ભાડેર ગામના પટેલ જીવણ સાંગાણીની હત્યાની બનેલી ઘટનાને 8 દિવસ વિતી ગયા છે પરંતુ પોલીસ હજુ સુધી આરોપીઓ સુધી પહોંચી શકી ન હોય મૃતકના પરિવારજનો તેમજ ભાડેરના ગ્રામજનોમાં ભારે રોષ જોવા મળી રહ્યો છે. મૃતકના પરિજનોએ તો જયાં સુધી આરોપીઓ ન પકડાય ત્યાં સુધી લાશ સ્વિકારવાનો પણ ઇન્કાર કરી દીધો છે તેમ છતાં કુંભકર્ણની નિંદ્રામાં પોઢેલું પોલીસ તંત્ર હજુ ફીફા ખાંડી રહ્યું છે. આ બનાવના કારણે કાયદો વ્યવસ્થાની સ્થિતી કથળી ગઇ હોવાના આક્ષેપ સાથે ઘટનાના વિરોધમાં જૂનાગઢ શહેર કોંગ્રેસ સમિતિ દ્વારા જિલ્લા કલેકટરને આવેદન આપવામાં આવશે.જૂનાગઢ શહેર (જિલ્લા) કોંગ્રેસ પ્રમુખ સતિષ વિરડાની આગેવાનીમાં 12 જુલાઇ સવારના 11 વાગ્યે મામલતદાર કચેરી, સરદાર બાગ રોડથી કોંગ્રેસી કાર્યકરો રેલી સ્વરૂપે કલેકટર કચેરી ખાતે જશે અને આવેદન આપી હત્યારાને તત્કાલ ઝડપી લઇ સખ્ત સજા કરવાની માંગ કરશે તેમ કાન્તીભાઇ બોરડે જણાવ્યું છે.

અન્ય સમાચારો પણ છે...