મલેશીયાની સ્પર્ધામાં જૂનાગઢના 3 સિનિયર સિટીઝન ભાગ લેશે

3 વર્ષ પહેલા
  • કૉપી લિંક

જૂનાગઢ: છેલ્લા 10 વર્ષથી જૂનાગઢ જિલ્લામાં માસ્ટર ખેલકુદ મંડળ જેમાં 30 થી 100 વર્ષ કે તેનાંથી વધુ ઉંમરના ભાઈઓ બહેનોને ખેલકુદ પ્રત્યે પ્રોત્સાહીત કરી ટ્રેનીંગ આપવામાં આવે છે. 7 થી 16 સપ્ટેમ્બર સુધી મલેશીયામાં યોજાનાર એશીયા પેસીફીક માસ્ટર્સ ગેમ્સ ચેમ્પીયનશીપમાં ભાગ લેવા જૂનાગઢથી 3 સિનિયર સિટીઝન જશે. જેમાં 79 વર્ષના  રવતુભા જાડેજા ગોળાફેંક, હથોડાફૅેંક, ચક્રફેંકમાં ભાગ લેશે, 79 વર્ષના હિરાલક્ષ્મીબેન વાસન 5 કી.મી. ચાલ, 1500 મીટર દોડ, 800 મીટર દોડમાં ભાગ લેવા જશે.

 

67 વર્ષના બી.કે.સુખડીય ગોળાફેંક, હથોડાફેંક, બરછીફેંકમાં ભાગ લેવા જઈ રહ્યા છે. આ ખેલાડીઓના માર્ગદર્શક અને મંડળના સેક્રેટરી હારૂન વિહળને મંડળનાં ઈકબાલભાઈ મારફતીયા, સંજયભાઈ કોરડીયા, વિનાદકુમાર, જે.પી.કોટડીયા, વગેરેએ અભિનંમદન પાઠવ્યા છે. માસ્ટર્સ એથલેટીક સરકારની કોઈ પણ જાતની સહાય કે ગ્રાન્ટ મેળવતું નથી માટે ખેલાડીઓને જિલ્લાકક્ષાએ, રાજ્યકક્ષાએ,રાષ્ટ્રીય કક્ષાએ અને આંતરરાષ્ટ્રીય કક્ષાએ સ્વખર્ચે જવાનું થતું હોય છે.