Divya Bhaskar

Home » Saurashtra » Latest News » Jamnagar » two person murder young man in jamnagar late night

જામનગરમાં પૈસાની ઉઘરાણીમાં બે શખ્સોએ યુવાનની કરી હત્યા, ઘટના CCTVમાં કેદ

Divyabhaskar.com | Updated - Sep 12, 2018, 08:22 PM

યુવાન પશુપાલનનો વ્યવસાય ધરાવતો, આરોપી પાસે 18 હજાર માગતો હતો

  • જામનગરમાં થયેલી યુવાનની હત્યા થઇ સીસીટીવીમાં કેદ

    જામનગર: જામનગર શહેરમાં છેલ્લા 15 દિવસમાં હત્યાની ત્રીજી ઘટના પ્રકાશમાં આવી છે. ગત મોડી રાત્રે પોણા એક વાગ્યા આસપાસ યુવાન ડબલ સવારી બાઇક પર જઇ રહ્યો હતો ત્યારે બે શખ્સોએ તેને આંતરી બાઇક ઉભી રખાવી હતી. બાઇક જેવી ઉભી રહેતા જ યુવાન પર છરીના ઉપરાછાપરી ઘા માર્યા હતા. બાદમાં યુવાન તેના મિત્રની ગાડી પાછળ બેસી હોસ્પિટલે જઇ રહ્યા હતા. ત્યારે 100 મીટરના અંતરે યુવાન બેભાન થઇ જતા રસ્તા પર પડી ગયો હતો. બાદમાં અન્ય વાહન મારફત યુવાનને હોસ્પિટલે ખસેડ્યો હતો. પરંતુ ટૂંકી સારવાર દરમિયાન તેનું મોત નીપજતા બનાવ હત્યામાં પલટાયો હતો અને પોલીસ દોડી આવી હતી. હત્યાની ઘટના સીસીટીવીમાં કેદ થઇ છે.

    પ્રાપ્ત વિગત મુજબ ગત રાત્રે 2 વાગે બર્ધન ચોક વિસ્તારમાંથી પોતાની મોટર સાયકલ લઇ પસાર થઇ રહેલા રફીક મામદ માડકિયાને નઝીર ઉર્ફે ગંઢાબાપુ અને અઝરૂ મણિયાર નામના બે શખ્સોએ આંતર્યો હતો. જેમાં નઝીર અને અઝરૂએ રફીકના પેટના ભાગે ઉપરાછાપરી છરીના ઘા મારી દીધા હતા. બાદમાં રફીક પોતાના મિત્રના બાઇક પર બેસી હોસ્પિટલે જઇ રહ્યા હતા પરંતુ 100 મીટરના અંતરે રફીક બંભાન થઇ રસ્તા પર ઢળી પડ્યો હતો. આથી રફીકને અન્ય વાહન મારફત હોસ્પિટલે ખસેડ્યો હતો. પરંતુ ટૂંકી સારવાર દરમિયાન તેનું મોત નીપજ્યું હતું. આ બનાવની જાણ થતા જ સિટી એ ડિવિઝન પોલીસનો કાફલો હોસ્પિટલે દોડી ગયો હતો.

    18 હજારની ઉઘરાણીમાં હત્યા થઇ હોવાનું પ્રાથમિક તારણ

    રફીકના ભાઇ યુસુબે પોલીસ સ્ટેશનમાં ફરિયાદ નોંધાવી હતી. જેમાં તેણે જણાવ્યું હતું કે,આરોપી નઝીર પાસેથી તેમો ભાઇ 18 હજાર માગતો હતો. આ રકમની અવાર નવાર માગણી કરવા છતાં આરોપીએ આપી નહોતી. આ બાબતના મનદુખને લઇને બન્ને શખ્સોએ હુમલો કરી હત્યા નીપજાવી છે. રફીક પશુપાલનના વ્યવસાય સાથે જોડાયેલો હતો.

    જેટ એરવેઝમાં રાજકોટના શાકાહારી યુવાનને નોનવેજ પીરસાતા 65 હજાર વળતર ચૂકવવા આદેશ

    વધુ તસવીર જોવા આગળ ક્લિક કરો....

    તસવીરો: હસિત પોપટ, જામનગર.

  • two person murder young man in jamnagar late night
    +3બીજી સ્લાઈડ્સ જુઓ
    પૈસાની ઉઘરાણીમાં થઇ હત્યા
  • two person murder young man in jamnagar late night
    +2બીજી સ્લાઈડ્સ જુઓ
    છરીના ઘા મારી નાસતો આરોપી સર્કલમાં દેખાય છે
  • two person murder young man in jamnagar late night
    +1બીજી સ્લાઈડ્સ જુઓ
    જામનગરમાં મોડી રાત્રે યુવાનની હત્યા
  • two person murder young man in jamnagar late night
    ટૂંકી સારવાર દરમિયાન મોત
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Saurashtra

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending