• Home
  • Saurashtra
  • Latest News
  • Jamnagar
  • જામનગર મેડિકલની પીજીની 58 સીટની માન્યતા રદ | Jamnagar Medical PG 58-seat cancellation

જામનગર મેડિકલની પીજીની 58 સીટની માન્યતા રદ

ઇન્સ્પેકશનમાં થોકબંધ ખામીના પગલે એમસીઆઇ દ્વારા કાર્યવાહી, કોલેજમાં અભ્યાસ અને પ્રેક્ટિસ કરતા તબીબોના ભાવિ સામે સવાલ

Bhaskar News

Bhaskar News

Divyabhaskar.com | Updated - Jun 05, 2018, 12:33 AM
58 સીટ મેડીકલ કાઉન્સીલ ઓફ ઇન્ડી
58 સીટ મેડીકલ કાઉન્સીલ ઓફ ઇન્ડી

જામનગર: જામનગરની વર્ષો જૂની અને રાજયભરમાં જાણીતી એમ.પી.શાહ મેડીકલ કોલેજની પીજી વિભાગની 58 સીટ મેડીકલ કાઉન્સીલ ઓફ ઇન્ડીયાએ રદ કરતા ભારે ખળભળાટ મચી ગયો છે.ઇન્સપેકશન દરમ્યાન થોકબંધ ખામી નીકળતા એમસીઆઇએ લીધેલા આકરા પગલાંથી તબીબી આલમમાં ચકચાર મચી ગઇ છે તો કોલેજમાં અભ્યાસ અને પ્રેકટીસ કરતા તબીબોના ભાવિ સામે સવાલો ઉઠયા છે.

રાજયભરના તબીબી આલમમાં ચકચાર જગાવનાર બનાવની મળતી વિગત અનુસાર જામનગરની એમ.પી.શાહ મેડીકલ કોલેજમાં દર વર્ષની જેમ વર્ષ-2017 માં એપ્રિલ મહીનામાં મેડીકલ કાઉન્સીલ ઓફ ઇન્ડીયાની ટીમ દ્રારા ઇન્સપેકશન હાથ ધરવામાં આવ્યું હતું.ઇન્સપેકશન દરમ્યાન મેડીકલ કોલેજના જુદા-જુદા વિભાગોમાં થોકબંધ ક્ષતિઓ જણાતા તેમજ ચાલુ ઇન્સપેકશન દરમ્યાન ધોર બેદરકારી દાખવામાં આવતા અને ખુદ ડીન રજા પર રહ્યા હતાં.આથી એમસીઆઇની ટીમે ઇન્સપેકશનનો રીપોર્ટ વડી કચેરીને કર્યો હતો.જેના પગલે એમસીઆઇએ મેડીકલ કોલેજની પીજી વિભાગની 58 સીટ રદ કરતા ભારે ખળભળાટ મચી ગયો છે તો એમસીઆઇના આ નિર્ણયના પગલે કોલેજમાં અભ્યાસ અને પ્રેકટીસ કરતા તબીબી છાત્રોમાં ભારે ચિંતાની લાગણી ફેલાઇ છે.

માન્યતા રદ થઇ નથી: ડો.નંદનીબેન દેસાઇ

જામનગર મેડીકલ કોલેજના ડીન ડો.નંદનીબેન દેસાઇએ જણાવ્યું હતું કે,મેડીકલ કોલેજની પીજી વિભાગની 58 સીટની માન્યતા રદ થઇ નથી.એમસીઆઇ દ્વારા મેડીકલ કોલેજમાં પરીક્ષા તેમજ જુદા-જુદા વિભાગોનું ઇન્સપેકશન કરવામાં આવ્યું હતું.જેમાં સાત વિભાગોમાં અપૂર્તતા જણાતા પૂર્તતા કરવા જણાવાયું છે. જે પૈકી માઇક્રોબાયોલોજી વિભાગમાં પૂર્તતા કરી રીપોર્ટ મોકલવામાં આવ્યો છે અને બાકી વિભાગોમાં પૂર્તતાની કાર્યવાહી કરી રીપોર્ટ મોકલવામાં આવશે.

વધુ તસવીરો અને માહિતી માટે આગળની સ્લાઇડ્સમાં ક્લિક કરો...

X
58 સીટ મેડીકલ કાઉન્સીલ ઓફ ઇન્ડી58 સીટ મેડીકલ કાઉન્સીલ ઓફ ઇન્ડી
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App