લોક ભાગીદારી દ્વારા સાકાર થઈ શકે છે કલ્પસર યોજના

10 વર્ષ પહેલા
  • કૉપી લિંક

મુંબઈમાં શિવડીથી ન્હાવા શેવા સુધીનો ૨૨ કિ.મી. સમુદ્ર પર પુલ બાંધવાની યોજનાને લીલી ઝંડી

મુંબઈમાં શિવડીથા ન્હાવા શેવા સુધીના ૨૨ કિ.મી. લાંબા સમુદ્ર પર બ્રિજના પ્રોજેક્ટને લીલી ઝંડી મળી છે ત્યારે સૌરાષ્ઠ્રના પાણી પ્રશ્નના કાયમી ઉકેલ માટે કલ્પસર યોજના સાકાર કરવા માટે પ્રબળ ઈચ્છાશક્તિ જરૂરી છે તેમ શહેરના અગ્રણી ગુણવંતભાઈ કાણકીયાએ જણાવેલ છે.

કલ્પસર યોજના છેલ્લા કેટલાય વર્ષોથી નાણાંકીય ભંડોળનાં અભાવે અને રાજકીય ઈચ્છાશક્તિના અભાવે અટકી છે ત્યારે 'ભાણાની ભાંગવા કરતા ભવની ભાંગવી’ની જેમ સૌરાષ્ટ્રની જનતાની પાણીની સમસ્યા કાયમી ધોરણે દૂર કરવા અને ખેતીને પ્રોત્સાહન આપવા માટે કલ્પસર યોજના અતિ મહત્વની છે.

કલ્પસર યોજના હાલ પપ૦૦૦ કરોડની યોજના બની છે ત્યારે આ પૈસા માટે કેન્દ્ર સરકાર કે અન્ય કોઈ પર આધાર રાખી બેસી રહેવાથી આયોજના સાકાર નહીં થાય. આ માટે બોન્ડ સ્વરૂપે, દાન સ્વરૂપે લોકો પાસેથી પણ સ્વૈચ્છીક ફાળો ઉઘરાવી, સાધુ-સંતોની મદદ લઈ, આ યોજના સાકાર કરવા માટે રાજ્ય સરકાર કૃત ન‌શ્ચિ‌યી બને તેવી અપીલ તેમણે મુખ્યમંત્રી નરેન્દ્રભાઈ મોદીને કરેલ છે.

કલ્પસરથી થનારા લાભો...
’ ભાવનગર/ખેડા/ભરૂચ/અમદાવાદ જોડીયા જીલ્લા બની શકે.
’ દુનિયાનું મોટામાં મોટું મીઠા પાણીનું સરોવર બની શકે.
’ કનેક્ટીવિટી નાનામાં નાના શિપથી પણ થઈ શકે.
’ ધંધા અને ઉદ્યોગના સાહસિકો માટે ઘણો મોટો લાભ મળશે.
’ ઓછા વરસાદે પણ કોઈ દિવસ દુષ્કાળનો વારો આવશે જ નહિ‌ અને ગુજરાતને પાણી માટે વલખા નહિ‌ મારવા પડે.
’ આ યોજનાને કારણે પાળા ઉપર પવન ચક્કી રાખી વિજળી પણ મેળવી શકાશે.
’ પાણીના વિશાળ સરોવરને કારણે મત્સ્યઉદ્યોગ પૂર બહારમાં ખીલી શકશે અને તેના ધંધાર્થીઓને બહોળા પ્રમાણમાં રોજી રોટી મળી શકશે.


આમ થઈ શકે કલ્પસર યોજના સાકાર
કલ્પસર યોજના -

કુલ ખર્ચ- પપ૦૦૦ કરોડ
ગુજરાતની કુલ વસ્તી - ૦૬ કરોડ
એક વ્યક્તિને ભાગે આવતી રકમ- ૧૧૦૦૦ રૂપિયા
દસ વર્ષના ગાળામાં દર વર્ષે લેવાની રકમ- ૧૧૦૦ રૂપિયા