Home » Saurashtra » Latest News » Bhavnagar City » threat of the MLA's self suicide to the question of giving water to the Narmada canal

નર્મદા કેનાલમાંથી પાણી આપવા પ્રશ્ને કોંગી ધારાસભ્ય પ્રવિણ મારુની આત્મવિલોપની ચિમકી

Divyabhaskar.com | Updated - Sep 16, 2018, 03:37 AM

ગઢડા, ઉમરાળા, વલભીપુર તા.નાં ગામોમાં નર્મદાનું પાણી આપવા માંગ

  • threat of the MLA's self suicide to the question of giving water to the Narmada canal
    ધારાસભ્ય પ્રવિણભાઈ મારૂ

    ભાવનગર: ભાવનગર જિલ્લા સહિત ગઢડા પંથકમાં અપુરતા વરસાદના મોલસુકાઈ રહ્યાં છે. જેથી ખેડૂતોમાં ચિંતા વ્યાપી છે ત્યારે આ સ્થિતિમાં નર્મદાનું પાણી કેનાલ મારફતે આપવામાં આવે તો ખેડૂતોનું નુકશાનીમાંથી બચી શકે આ અંગે ધારાસભ્યે તાકીદે નર્મદા-કેનાલ, વસ્તડી કેનાલમાંથી પાણી છોડવા માંગ કરી છે.


    હાલમાં વરસાદની કમી છે અને ખેડૂતોનો મોલ સુકાઈ છે માટે નર્મદા કેનાલનું પાણી આપવું જરૂરી છે. રાણપુરથી નીંગાળાથી વલભીપુર તાલુકાના ગામના છેવાડાનાં ગામ સુધી પાણી ન મળવાની ફરીયાદ છે જેથી દિવસ બેમાં ગઢડા, ઉમરાળા અને વલભીપુર તાલુકાના નર્મદા કેનાલના વિસ્તારમાં સમાવેશ ગામોમાં નર્મદા કેનાલમાં પાણી મળી જાય તે બાબતે તાકીદે કાર્યવાહી કરવા અને બે દિવસમાં કોઈ પગલા નહીં ભરાય તો આત્મવિલોપન કરવાની ગઢડાનાં ધારાસભ્ય પ્રવિણભાઈ મારૂએ તંત્રને ચિમકી આપી છે.


    આ અંગે ગઢડાના વિધાનસભ્ય પ્રવિણભાઇ મારૂએ જણાવ્યું હતુ કે આ સંજોગમાં માલધારીઓ અને માલ ઢોરના પ્રશ્નોને અગ્રતા આપવી પડે તેમ હોય નર્મદાની કેનાલમાંથી ખેડૂતો અને માલધારીઓને ગંભીર કટોકટીનો સામનો કરવો પડે તેમ છે. આ સંજોગોમાં બે દિવસમાં નર્મદાના પાણી પ્રશ્ને ગઢડા, ઉમરાળા અને વલ્લભીપુરના નર્મદાના કેનાલના વિસ્તારોમાં નર્મદાનું પાણી પ્રશ્ને કોઇ પગલા નહીં લેવાય તો પ્રવિણ મારૂએ આત્મ વિલોપનની ચીમકી આપી છે.


    પાણી પ્રશ્ને માલધારીઓને હિઝરત કરવી પડે તેવી સ્થિતિ


    આ વર્ષે જોઇએ તેવો વરસાદ વરસ્યો નથી આથી ગઢડા તાલુકાના જળાશયોમાં નોંધપાત્ર પાણીનો સંગ્રહ થયો નથી. આ સંજોગોમાં હવે જો વરસાદ નહીં વરસે તો આગામી મહિનાઓમાં સ્થાનિક માલધારીઓને હિજરત કરવી પડે તેવી સ્થિતિ સર્જાય તેમ છે. નદી અને તળાવો ખાલી છે જેથી ખેડૂતોને પાકથી લઇને માલઢોરના પ્રશ્નો પણ આગામી દિવસોમાં ગંભીર બની શકે તેમ છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Saurashtra

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ