Home » Saurashtra » Latest News » Bhavnagar City » success operation of trichobezoar in bhavanagar sir T hospital

ભાવનગરમાં તરૂણીના આંતરડામાંથી 15 ઇંચ લાંબા અને 3 ઇંચ જાડાઇ ધરાવતો વાળનો ગઠ્ઠો કઢાયો

Divyabhaskar.com | Updated - Sep 11, 2018, 11:47 AM

દુનિયામાં આવા ફક્ત 40 આસપાસ કેસો રિપોર્ટ થયા છે, આવા દર્દીઓ વાળ ખાવાની ટેવ ધરાવતા હોય છે

  • 11 વર્ષની તરૂણીના આંતરડામાંથી વાળનો ગઠ્ઠો બહાર કઢ્યો

    ભાવનગર: ભાવનગરની સૌથી મોટી હોસ્પિટલ સર.ટી. હોસ્પિટલ ખાતે સર્જન વિભાગના તબીબોએ અત્યંત જવલ્લે જ જોવા મળતી બિમારી ટ્રાઈકોબેઝોઆર(પેટમાં વાળનો ગઠ્ઠો જામી જવો)નું સફળ ઓપરેશન કર્યુ છે. દુનિયાભરમાં ભાગ્યે જોવા મળતા આ ટ્રાઈકોબેઝોઆરના ઓપરેશનમાં સર્જન વિભાગના ડૉ.ફિરદૌસ દૈખૈયા સહિતના તબીબોની ટીમે 11 વર્ષની તરૂણીના આંતરડામાંથી 15 ઇંચ લાંબા અને ત્રણ ઇંચ જાડાઇ ધરાવતા વાળના જામી ગયેલા ગઠ્ઠાને બહાર કાઢ્યો હતો.


    દુનિયામાં આવા ફક્ત 40 આસપાસ કેસો રિપોર્ટ થયા છે

    ટ્રાઈકોબેઝોઆર આ એક દુર્લભ છે અને બહુ જૂજ જોવા મળે છે. આખી દુનિયામાં 1 ટકાથી ઓછા કેસમાં થાય છે. એમાંય મહત્તમ ગઠ્ઠા હોજરીમાં જોવા મળે છે. આ કેસમાં નાના આંતરડામાંથી વાળનો ગઠ્ઠો કાઢવામાં આવ્યો છે જે જૂજ કહી શકાય. આખી દુનિયામાં આવા ફક્ત 40 આસપાસ કેસો રીપોર્ટ થયા છે. આવા દર્દીઓ સામાન્ય રીતે 13થી 20 વર્ષના, મુખ્યત્વે સ્ત્રીજાતિના હોય છે અને લાક્ષણિક રીતે કોઈ માનસિક અસંતુલનથી પીડાતા હોય અને વાળ ખાવાની ટેવ ધરાવતા હોય છે.


    શું કહે છે ઓપરેશન કરનાર ડોક્ટરની ટીમ

    ભાવનગરની 11 વર્ષની તરૂણીને આંતરડામાં અટકાવ સાથે પેટ ચડી જતાં અને ઊલ્ટીઓ થતાં ભાવનગરની સર.ટી હોસ્પિ.માં દાખલ કરવામાં આવી હતી. જ્યાં અલગ-અલગ તપાસના અંતે ઓપરેશન કરવામાં આવ્યું હતું. ઓપરેશન દરમિયાન ટ્રાઈકોબેઝોઆર નીકળેલ. અત્યારે દર્દીની હાલત સ્થિર છે.
    આ સફળ ઓપરેશન કરનાર હોસ્પિટલના સર્જન ડો.ફિરદૌસ દેખૈયા અને તેમની ટીમે જણાવ્યું હતું કે, આ બિમારીમાં અત્યાર સધીના થયેલા સંશોધનમાં દર્દીની હોજરી સુધી જ વાળનો જથ્થો પહોંચી શકતો હોય છે પરંતુ આ કિસ્સામાં નાના આંતરડા સુધી આ વાળનો ગઠ્ઠો પહોંચી જવો તે પણ વિજ્ઞાન માટે પડકારરૂપ સંશોધન કહી શકાય. આ ઓપરેશન થકી તબીબો અને હોસ્પિટલ બન્નેની આંતરરાષ્ટ્રીય કક્ષાએ નોંધ લેવાઇ છે.

    રાજકોટમાં 6 વર્ષની બાળકીને અડપલાં કરનાર 26 વર્ષના શખ્સના ટોળાંએ પગ ભાંગી નાખ્યા

    વધુ તસવીર જોવા આગળ ક્લિક કરો.....

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Saurashtra

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ