ડારીમાં 5 સાવજોનાં હુમલાથી 66 બકરાં-1 ઘેટું મોતને ભેટ્યા

Dhari News - in the dari five goats were killed and 66 goats lost one sheep 022009

DivyaBhaskar News Network

Feb 12, 2019, 02:20 AM IST
વેરાવળનાં ડારીની સીમ વિસ્તારમાં હીરાભાઇ લાખાભાઇ સોલંકીની વાડી માં ગત રાત્રે ત્યાંજ રહેતા જીવા પાલા માલધારીએ પોતાના માલઢોર ત્યાં રાખ્યા હતા. દરમ્યાન રાત્રે એક વાગ્યાના અરસામાં 5 સિંહો વાડીમાં આવી ચઢ્યા હતા. અને જીવા પાલાના માલઢોર પર હુમલો કરી દેતાં 66 બકરાં અને 1 ઘેટાંનું મોત નિપજ્યું હતું. સિંહોના અવાજથી હીરાભાઇ અને જીવાભાઇ જાગી ગયા હતા. અને વનવિભાગને જાણ કરી હતી. આથી વનવિભાગનાં ભેડા અને ગરચર સહિતનો સ્ટાફ ડારી દોડી ગયો હતો. અને બકરાનાં મૃતદેહો ડારી અને આદ્રીના જંગલમા સિંહોનાં મારણ માટે લઇ જવાયા હતા.

મારી રોજી છીનવાઇ ગઇ : માલધારી

સિંહોનાં હુમલાથી મારી રોજી રોટી છીનવાઇ ગઇ છે. આ બનાવને લીધે મને 4 લાખની આર્થિક નુકસાની વેઠવાનો વારો આવ્યો છે. આથી મને સહાય મળવી જોઇએ.- જીવા પાલા માલધારી

આર્થિક સહાય ચૂકવાશે : વનવિભાગ

અમને સવારે જીવા પાલા નો ફોન આવ્યો હતો. આ પશુઓનું મારણ સિંહોએ જ કર્યું છે. અમે રોજકામ કરી કેસ નોંધ્યો છે. જે માલધારીને નુકસાન થયું છે તેઓને આર્થિક સહાય ચૂકવાયજ છે.- હરેશ ગરચર, રાઉન્ડ ફોરેસ્ટર

X
Dhari News - in the dari five goats were killed and 66 goats lost one sheep 022009
COMMENT

Next Stories

    ની  સંપૂર્ણ વાંચનસામગ્રી