PSIએ દલીત આગેવાનને કહ્યું ટોળુ હુમલો કરવા આવે છે સગેવગે થઇ જાવ

ગાડીમાં તોડફોડ, પત્થરમારો થતા એક પોલીસકર્મી સહિત ત્રણને ઇજા: દલીત આગેવાને આપી 10 હજારની લુંટની ફરીયાદ

Bhaskar News

Bhaskar News

Divyabhaskar.com | Updated - Apr 03, 2018, 01:11 AM
1500 people mob attack on the dalit leader house in dhari

અમરેલી: ધારીમાં આજે બંધ દરમિયાન થયેલી હિંસા પાછળ કાઠી યુવકની દુકાનમાં તોડફોડ અને હુમલાએ મોટી ભુમીકા ભજવી હતી. અહિં તોડફોડ થયા બાદ 1500 લોકોનું ટોળુ ઉશ્કેરાઇ દલીત આગેવાન શાંતીલાલ પરમારના ઘર પર ધસી ગયુ હતુ અને કારમાં તોડફોડ કરી પત્થરમારો કરતા પોલીસકર્મી સહિત ત્રણને ઇજા પહોંચી હતી. ટોળા સામે લુંટની પણ મોડેથી ફરીયાદ આપવામાં આવી છે.

1500 નું ટોળુ દલીત આગેવાનના ઘર પર ધસી ગયુ


દલીત આગેવાન શાંતીલાલ પરમારે મોડી રાત્રે ધારી પોલીસમાં આપેલી ફરીયાદમાં જણાવ્યુ હતું કે અમે તંત્રની પરમીશન લઇ રેલી કાઢી હતી. બપોરે ગણેશ ટ્રાવેલ્સવાળા રાજુભાઇ વાળાની દુકાનમાં ટોળાએ ધસી જઇ લાકડી વડે બોર્ડ તોડી નાખ્યુ હતું. જેનું મનદુ:ખ રાખી સૌપ્રથમ રાજુભાઇ વાળાએ તેને ફોન પર મારી નાખવાની ધમકી આપી હતી.

ખુદ ધારીના પીએસઆઇ જેતપરીયાએ બપોરે શાંતીલાલને ફોન કરી એવુ કહ્યુ હતું કે ટોળુ તમારા ઘર પર હુમલો કરવા આવી રહ્યુ છે તમે આડા-અવળા થઇ જાઓ જેથી કોઇ બનાવ ન બને. રાજુભાઇ વાળા અને અન્ય 1500 જેટલા શખ્સો તલવાર, ભાલા જેવા હથીયારો સાથે તેમના ઘરે ધસી ગયા હતાં અને પત્થરમારો કરી કારમાં તોડફોડ કરી હતી. આ પત્થરમારામાં તેમને તથા જીતુભાઇ વાણીયા, એએસઆઇ રામજીભાઇ સહિત ત્રણ વ્યક્તિને ઇજા પહોંચી હતી.

તસવીરો: જયદેવ વરૂ, અમરેલી

વધુ માહિતી માટે આગળ વાંચો... પોલીસ પહોંચી ગઇ હોય બળપ્રયોગ કરી ટોળાને વિખેરી નખાયુ

1500 people mob attack on the dalit leader house in dhari

પોલીસ પહોંચી ગઇ હોય બળપ્રયોગ કરી ટોળાને વિખેરી નખાયુ

 

પોલીસ પહોંચી ગઇ હોય બળપ્રયોગ કરી ટોળાને વિખેરી નખાયુ હતું. પોલીસે ટીયરગેસના બે સેલ પણ છોડ્યા હતાં. તેમણે ફરીયાદમાં એમ પણ જણાવ્યુ હતું કે તેમનું બોર્ડ કોઇ અન્ય લોકોએ તોડ્યુ હતું. પરંતુ તેમણે ખાર રાખી હુમલો કરી તેમના ખીસ્સામાં રહેલી રૂા. 10 હજારની રોકડ રકમ પણ લુંટી લીધી હતી અને જ્ઞાતિ પ્રત્યે હડધુત કર્યા હતાં. શાંતીલાલે આપેલી ફરીયાદ અંગે જો કે મોડે સુધી ગુનો નોંધાયો ન હતો.

 

 

વધુ માહિતી માટે આગળ વાંચો... ટીયર ગેસના બે સેલ છોડ્યા હતાં : એસપી

1500 people mob attack on the dalit leader house in dhari

ટીયર ગેસના બે સેલ છોડ્યા હતાં : એસપી

 

અમરેલી જીલ્લા પોલીસ વડા જગદીશ પટેલે દિવ્ય ભાસ્કરને જણાવ્યુ હતું કે સાંજે ટોળાને કાબુમાં લેવા માટે ટીયર ગેસના બે સેલ છોડવામાં આવ્યા હતાં. ત્યારબાદ કોઇ અનિચ્છનિય બનાવ બન્યો નથી અને શહેરમાં શાંતિ છે. પોલીસનો ચુસ્ત બંદોબસ્ત છે.

 

 

પોલીસની 10 ગાડીઓ દોડાવાઇ

 


ધારીમાં બંધ દરમિયાન અશાંતિ સ્થપાતા ખુદ જીલ્લા પોલીસ વડા ધારી દોડી ગયા હતા તથા આસપાસના પોલીસ મથકમાંથી જુદી જુદી દસેક ગાડીઓમાં વધારાનો પોલીસ સ્ટાફ બંદોબસ્તમાં ગોઠવાયો હતો. 

X
1500 people mob attack on the dalit leader house in dhari
1500 people mob attack on the dalit leader house in dhari
1500 people mob attack on the dalit leader house in dhari
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App