Potato Bhartha / બહુ ખાધું રીંગણનું ભરથું, આજે ટ્રાય કરો બટાકાનું ભરથું, બની જશે માત્ર 10 મિનિટમાં

કોથમીર ભભરાવી ગરમાગરમ રોટલી સાથે સર્વ કરો
કોથમીર ભભરાવી ગરમાગરમ રોટલી સાથે સર્વ કરો

divyabhaskar.com

Jan 05, 2019, 10:00 AM IST

રેસિપિ ડેસ્ક: શિયાળામાં ભાગ્યે જ કોઇ એવું ઘર હોતું હશે ગુજરાતમાં, જેમના ઘરે રીંગણનો ઓળો બનતો ન હોય. રીંગળના ઓળાને રીંગણનું ભરથુ પણ કહેવાય છે. ઘણા લોકોને રીંગણનો સ્વાદ ભાવતો નથી. આ લોકો માટે અમે લાવ્યા છીએ એક બીજો ઓપ્શન. અમે લાવ્યા છીએ બટાકાના ભરથાની રેસિપિ. રેસિપિ એકદમ સરળ છે અને સ્વાદ એકદમ જબરજસ્ત. એકવાર ખાધા બાદ ચોક્કસથી મન થશે વારંવાર ખાવાનું.


બટાકાનું ભરથું
સામગ્રી


અઢીસો ગ્રામ બાફેલા અને છુંદેલા બટાકા
પા કપ ડુંગળી
બે સમારેલા લીલા મરચાં
બે ચમચા સમારેલી કોથમીર
મીઠું સ્વાદ મુજબ
એક ચમચો રાઈનું તેલ
પા ચમચી રાઇ
ચપટી હિંગ
પા ચમચી હળદર

રીત


સૌપ્રથમ એક કઢાઇમાં તેલ ગરમ કરો. તેલ ગરમ થઈ જાય એટલે અંદર રાઇ નાખો. રાઇ તતડી જાય એટલે અંદર હિંગ નાખો. ત્યારબાદ અંદર ડુંગળી અને લીલાં મરચાં નાખો. ડુંગળી ગુલાબી થાય ત્યાં સુધી સાંતળવી. ત્યારબાદ અંદર બટાકાનો છૂંદો, હળદર અને મીઠું નાખો અને બરાબર મિક્સ કરો. ત્યારબાદ ઉપર કોથમીર ભભરાવી ગરમાગરમ રોટલી સાથે સર્વ કરો.

X
કોથમીર ભભરાવી ગરમાગરમ રોટલી સાથે સર્વ કરોકોથમીર ભભરાવી ગરમાગરમ રોટલી સાથે સર્વ કરો
COMMENT

Next Stories

    ની  સંપૂર્ણ વાંચનસામગ્રી