Dungali Bhajiya / સાંજની ચા સાથે માણો ગરમાગરમ ડુંગળીનાં ભજીયાં, બની જશે માત્ર 10 મિનિટમાં

દરરોજ સૂકા નાસ્તાની જગ્યાએ કઈંક ગરમાગરમ મળી જાય તો મોજ પડી જાય
દરરોજ સૂકા નાસ્તાની જગ્યાએ કઈંક ગરમાગરમ મળી જાય તો મોજ પડી જાય

divyabhaskar.com

Dec 26, 2018, 11:36 AM IST

રેસિપિ ડેસ્ક: શિયાળામાં વારંવાર ભૂલ લાગતી હોય છે અને કઈંક ગરમા-ગરમ ચટપટું ખાવાની પણ ઇચ્છા થતી હોય છે. બપોરે જમ્યા બાદ પણ સાંજની ચાનો સમય થાય એટલે ભૂખ લાગી જ જાય. અ સમયે દરરોજ સૂકા નાસ્તાની જગ્યાએ કઈંક ગરમાગરમ મળી જાય તો મોજ પડી જાય. આજે અમે લાવ્યા છીએ ડુંગળીના ભજીયાંની રેસિપિ. રેસિપિ સાવ સરળ છે અને બનવામાં વધુ વાર પણ નહીં લાગે. ઉપરાંત સ્વાદમાં લાગશે જબરજસ્ત ટેસ્ટી. નોંધી લો રેસિપિ અને તમે પણ કરો ટ્રાય.


ડુંગળીના ભજીયાં
સામગ્રી


ત્રણ કપ ડુંગળી
બે કપ ચણાનો લોટ
ચાર ટીસ્પૂન કોર્નફ્લોર
મીઠું સ્વાદ અનુસાર
એક ટીસ્પૂન લાલ મરચાંનો પાઉડર
બે લીલા મરચાં
અડધી ટીસ્પૂન બેકિંગ પાઉડર
અડધો કપ તેલ


રીત


ડુંગળીને સ્લાઈસમાં સુધારી લો જેથી તેની ગોળ રિંગ બને. એક બાઉલમાં ચણાનો લોટ, કોર્ન ફ્લોર, મીઠું અને લાલ મરચાંનો પાઉડર મિક્સ કરો. તેમાં પાણી ઉમેરીને ખીરું બનાવો. લીલા મરચાંને ઝીણા સમારીને ઉમેરો અને સાથે બેકિંગ પાઉડર પણ મિક્સ કરો. એક કઢાઈમાં તેલ ગરમ કરો. ડુંગળીની સ્લાઈસને ખીરામાં બોળીને તેલમાં ગોલ્ડન બ્રાઉન રંગના થાય ત્યા સુધી તળો. ગરમાગરમ ડુંગળીના ભજીયાને ટોમેટો સોસ કે ફૂદીનાની ચટણી સાથે સર્વ કરો.

X
દરરોજ સૂકા નાસ્તાની જગ્યાએ કઈંક ગરમાગરમ મળી જાય તો મોજ પડી જાયદરરોજ સૂકા નાસ્તાની જગ્યાએ કઈંક ગરમાગરમ મળી જાય તો મોજ પડી જાય
COMMENT

Next Stories

    ની  સંપૂર્ણ વાંચનસામગ્રી