Divya Bhaskar

Home » Recipes » International Recipes » Note down the recipe of different types of Sizzler

સિઝલર માટે 500 રૂપિયા ખર્ચ કરવા નથી પોષાતા? તો નોંધી લો રેસિપિ

Divyabhaskar.com | Updated - Feb 19, 2018, 11:50 AM

નોંધી લો ચીઝ કટલેટ સિઝલર, પનીર ટિક્કા સિઝલર, ચાઇનિઝ સિઝલર, ઈડલી-ઢોસા સિઝલર અને વેજિટેબલ સિઝલરની ટેસ્ટી રેસિપિ...

  • Note down the recipe of different types of Sizzler
    +4બીજી સ્લાઈડ્સ જુઓ
    જ્યારે ગરમ તવા પર પાણીના છાંટા પડે છે ત્યારે જે છનછનનો અવાજ આવે છે તેને જ સિઝલર/સિઝલિંગ કહેવામાં આવે છે.

    યૂટિલિટી ડેસ્કઃ જ્યારે ગરમ તવા પર પાણીના છાંટા પડે છે ત્યારે જે છનછનનો અવાજ આવે છે તેને જ સિઝલિંગ કહેવામાં આવે છે. આજકાલ સિઝલર વાનગીઓનો ઘણો ટ્રેન્ડ છે. તેથી આજે અમે તમારા માટે જુદા-જુદા સિઝલરની રેસિપિ લઈને આવ્યાં છીએ.

    સિઝલર બનાવવા માટે નાના-નાના અલગ શેપના લોખંડના તવા આવે છે જેની સાથે તેના શેપનું લાકડાનું સ્ટેન્ડ પણ આવે છે, જેની ઉપર લોખંડનો તવો રાખવામાં આવે છે. કોઈ પણ વાનગીને બનાવ્યાં પછી જ્યારે તેને પહેલાથી ગરમ કરેલા તવા પર નાખવામાં આવે છે તો તેનાથી છનછનનો અવાજ આવે છે તેને જ સિઝલર કહેવામાં આવે છે. તમે તમારા સ્વાદ મુજબ કોઈ પણ વાનગીને સિઝલરમાં કન્વર્ટ કરી શકો છો. આજે અમે તમારા માટે આવા જ કેટલાક સિઝલર લઈને આવ્યાં છીએ. તો નોંધી લો ફટાફટ રેસિપિ. બધાંની ફેવરિટ ડિશ ઘરે બનાવીને તમને તો મજા આવશે જ, સાથે-સાથે ઘરનાં બધાં પણ થઈ જશે ખુશ-ખુશ.

    નોંધી લો ચીઝ કટલેટ સિઝલર, પનીર ટિક્કા સિઝલર, ચાઇનિઝ સિઝલર, ઈડલી-ઢોસા સિઝલર અને વેજિટેબલ સિઝલરની ટેસ્ટી રેસિપિ...

    ચીઝ કટલેટ સિઝલર

    સામગ્રી

    -250 ગ્રામ ખમણેલું ચીઝ

    -20 ગ્રામ ગાજરની છીણ

    -20 ગ્રામ કોબીની છીણ

    -1 ટેબલસ્પૂન સમારેલી કોથમીર

    -200 મિલી બાર્બેક્યૂ સોસ

    -1 ટીસ્પૂન વ્હાઈટ પેપર

    -મીઠું સ્વાદાનુસાર

    -બ્રેડ ક્રમ્બસ

    ગાર્નિશિંગ માટે

    -50 ગ્રામ કોબીજ

    -50 ગ્રામ ફણસી

    -25 ગ્રામ બ્રોક્લી

    -25 ગ્રામ બેબી કોર્ન

    -25 ગ્રામ ફ્લાવર

    -20 ગ્રામ વટાણા

    -20 ગ્રામ મશરૂમ

    રીત

    સૌપ્રથમ ઉપરના બધા જ શાકભાજીને બરાબર સાફ કરીને યોગ્ય આકારમાં કટ કરી લો. ત્યાર બાદ સિઝલર માટેની સામગ્રીમાં બ્રેડ ક્રમ્બસને છોડીને બાકીની બધી જ સામગ્રી મિક્સ કરીને તેની કટલેસ બનાવી લો. હવે આ કટલેસને બ્રેડ ક્રમ્બસમાં રગદોળીને શેલો ફ્રાય કરી લો. લાઈટ બ્રાઉન રંગની થાય એ રીતે શેલો ફ્રાય કરો. હવે એક લોખંડની ડિશ લો. તેના પર પહેલા કોબીજના પાન ગોઠવી દો. હવે તેના પર કટલેસ મૂકો. હવે ગાર્નિશિંગ માટેની બધી જ શાકભાજીને કટલેસની આજુબાજુ ગોઠવી દો. હવે સિઝલરને ગરમ કરો. ગરમા-ગરમ સિઝલરને બાર્બેક્યૂ સોસ નાખીને તરત જ સર્વ કરો.

    આગળ જાણો અન્ય ટેસ્ટી સિઝલરની રેસિપિ...

  • Note down the recipe of different types of Sizzler
    +3બીજી સ્લાઈડ્સ જુઓ
    સિઝલર બનાવવા માટે નાના-નાના અલગ શેપના લોખંડના તવા આવે છે જેની સાથે તેના શેપનું લાકડાનું સ્ટેન્ડ પણ આવે છે, જેની ઉપર લોખંડનો તવો રાખવામાં આવે છે.

    પનીર ટિક્કા સિઝલર

     

    સામગ્રી

     

    -250 ગ્રામ પનીર

    -30 ગ્રામ લાલ મરચું

    -50 ગ્રામ આદું-લસણની પેસ્ટ

    -મીઠું સ્વાદાનુસાર

    -2 ટીસ્પૂન બટર

    -મરી પાઉડર સ્વાદાનુસાર

    -3 ટેબલસ્પૂન સરસવનું તેલ

    -4 ટેબલસ્પૂન દહીંનો મસ્કો

    -1 ટેબલસ્પૂન કોથમીર

    -2 ટેબલસ્પૂન સમારેલી કોબીજ

    -1 ટીસ્પૂન મેથી પાઉડર

    -30 ગ્રામ વરિયાળી પાઉડર

     

    રીત

     

    સૌપ્રથમ પનીરને મેરિનેટ કરવા માટે લાલ મરચું, આદું-લસણની અડધી પેસ્ટ, મીઠું, મરી પાઉડર મિક્સ કરી પનીર ઉપર લગાવી 2 કલાક રહેવા દો. પનીરને બીજી વખત મેરિનેટ કરવા માટે દહીંમાં બાકીનાં આદું-લસણની પેસ્ટ, લાલ મરચું, સરસનું તેલ, જીરું પાઉડર, વરિયાળી પાઉડર, મેથી પાઉડર મિક્સ કરી પનીરમાં લગાવી 5 કલાક ફ્રિઝમાં રહેવા દો. ત્યાર પછી તેને એક સળીમાં ભરાવી તંદૂરમાં 6થી 8 મિનિટ પકવો. સિઝલર પ્લેટને સરખી રીતે ગરમ કરી, તેમાં બટર નાખી, કોબીજનાં પાન મૂકી પનીર ટિક્કા અને કોથમીર નાખી, ફુદીનાની ચટણી સાથે સર્વ કરો.

     

    આગળ જાણો અન્ય ટેસ્ટી સિઝલરની રેસિપિ...

     

     

     

    ચાઇનિઝ સિઝલર

     

    સામગ્રી

     

    -50 ગ્રામ બાફેલા નૂડલ્સ

    -4 ટેબલસ્પૂન તેલ

    -4 ડુંગળી ઝીણી સમારેલી

    -5થી 6 કળી લસણ

    -1 ચમચી સોયા સોસ

    -1 ઇંચ આદુંનો ટુકડો

    -5થી 6 બેબી કોર્ન ઊભા સમારેલા

    -50 ગ્રામ પનીર

    -6થી 8 બ્રોકલી

    -1 ટીસ્પૂન કોર્નફ્લાવર

    -2 ચમચી મધ

    -1 ટીસ્પૂન વિનેગર

    -3થી 4 કોબીજનાં પાન

    -1 કેપ્સિકમ મરચું ઝીણું સમારેલું

    -મીઠું સ્વાદાનુસાર

     

    રીત

     

    સૌપ્રથમ એક નોનસ્ટિક પેનમાં 1 ચમચી તેલ ગરમ કરીને તેમાં લાંબી કાપેલી ડુંગળી, લસણ નાખીને શેકી લો. હવે તેમાં ઉકાળેલા નૂડલ્સ નાખીને તેમાં મીઠું, થોડો સોયા સોસ, 2-3 ચમચી પાણી અને એક ચપટી ક્રશ કરેલાં મરીનો પાઉડર નાખો. આ બધો જ મસાલો અને નૂડલ્સ વ્યવસ્થિત રીતે હલાવી લેવા. આ મિશ્રણને એક બાઉલમાં કાઢી રાખવું. હવે એક ચોપરમાં આદું નાખીને તેમાં થોડી ડુગંળી નાખો અને તેને ક્રશ કરી લો. ત્યાર બાદ એક પેનમાં તેલ ગરમ કરીને આ આદું તથા ડુંગળીની પેસ્ટ નાખીને તેને સાંતળો. તે સંતળાઈ જાય એટલે તેમાં બેબી કોર્ન નાખીને 3-4 મિનિટ સુધી ધીમી આંચે બેબી કોર્ન તળી લેવા. લીલી ડુંગળીની સીઝન હોય તો તે પણ ઝીણી સમારીને સાંતળી શકાય. હવે પનીરના 2 ટુકડા કરીને તેને એક પેનમાં તેલ મૂકીને સોનેરી થાય ત્યાં સુધી તળવા. પછી તેને એક પ્લેટમાં કાઢીને મૂકી દેવા. હવે એ જ પેનમાં જે તેલ રહ્યું હોય તેમાં અડધો કપ પાણી, બ્રોકલીનાં ફૂલ, મીઠું, પીસેલું લાલ મરચું નાખીને બ્રોકલીના ફૂલને ચઢવા દેવા. પાણીમાં 2 ચમચી કોર્ન સ્ટાર્ચ નાખીને મિક્સ કરી લો. હવે નાની ચમચી સોયા સોસ પેનમાં નાખીને તેમાં કોર્નસ્ટાર્ચવાળું પાણી મિક્સ કરેલું છે તે પણ ઉમેરી લો. થોડી વાર બાદ તેમાં મધ અને સરકો નાખીને સારી રીતે મિક્સ કરી લેવું. હવે સર્વ કરવા માટે ગરમ સિઝલર પ્લેટને લાકડીના બેઝ પર મૂકીને તેના પર કોબીનાં પાંદડાં મૂકો. ત્યારબાદ તેમાં એકદમ વચ્ચે નૂડલ્સ મૂકવા. તેની બાજુમાં તળેલાં શાકભાજી અને તેની પર પનીર ગોઠવવું. બીજી તરફ બ્રોકલીનાં ફૂલ ગોઠવીને સર્વ કરવું.

     

    આગળ જાણો અન્ય ટેસ્ટી સિઝલરની રેસિપિ...

  • Note down the recipe of different types of Sizzler
    +2બીજી સ્લાઈડ્સ જુઓ
    કોઈ પણ વાનગીને બનાવ્યાં પછી જ્યારે તેને પહેલાથી ગરમ કરેલા તવા પર નાખવામાં આવે છે તો તેનાથી છનછનનો અવાજ આવે છે તેને જ સિઝલર કહેવામાં આવે છે.

    ચાઇનિઝ સિઝલર

     

    સામગ્રી

     

    -50 ગ્રામ બાફેલા નૂડલ્સ

    -4 ટેબલસ્પૂન તેલ

    -4 ડુંગળી ઝીણી સમારેલી

    -5થી 6 કળી લસણ

    -1 ચમચી સોયા સોસ

    -1 ઇંચ આદુંનો ટુકડો

    -5થી 6 બેબી કોર્ન ઊભા સમારેલા

    -50 ગ્રામ પનીર

    -6થી 8 બ્રોકલી

    -1 ટીસ્પૂન કોર્નફ્લાવર

    -2 ચમચી મધ

    -1 ટીસ્પૂન વિનેગર

    -3થી 4 કોબીજનાં પાન

    -1 કેપ્સિકમ મરચું ઝીણું સમારેલું

    -મીઠું સ્વાદાનુસાર

     

    રીત

     

    સૌપ્રથમ એક નોનસ્ટિક પેનમાં 1 ચમચી તેલ ગરમ કરીને તેમાં લાંબી કાપેલી ડુંગળી, લસણ નાખીને શેકી લો. હવે તેમાં ઉકાળેલા નૂડલ્સ નાખીને તેમાં મીઠું, થોડો સોયા સોસ, 2-3 ચમચી પાણી અને એક ચપટી ક્રશ કરેલાં મરીનો પાઉડર નાખો. આ બધો જ મસાલો અને નૂડલ્સ વ્યવસ્થિત રીતે હલાવી લેવા. આ મિશ્રણને એક બાઉલમાં કાઢી રાખવું. હવે એક ચોપરમાં આદું નાખીને તેમાં થોડી ડુગંળી નાખો અને તેને ક્રશ કરી લો. ત્યાર બાદ એક પેનમાં તેલ ગરમ કરીને આ આદું તથા ડુંગળીની પેસ્ટ નાખીને તેને સાંતળો. તે સંતળાઈ જાય એટલે તેમાં બેબી કોર્ન નાખીને 3-4 મિનિટ સુધી ધીમી આંચે બેબી કોર્ન તળી લેવા. લીલી ડુંગળીની સીઝન હોય તો તે પણ ઝીણી સમારીને સાંતળી શકાય. હવે પનીરના 2 ટુકડા કરીને તેને એક પેનમાં તેલ મૂકીને સોનેરી થાય ત્યાં સુધી તળવા. પછી તેને એક પ્લેટમાં કાઢીને મૂકી દેવા. હવે એ જ પેનમાં જે તેલ રહ્યું હોય તેમાં અડધો કપ પાણી, બ્રોકલીનાં ફૂલ, મીઠું, પીસેલું લાલ મરચું નાખીને બ્રોકલીના ફૂલને ચઢવા દેવા. પાણીમાં 2 ચમચી કોર્ન સ્ટાર્ચ નાખીને મિક્સ કરી લો. હવે નાની ચમચી સોયા સોસ પેનમાં નાખીને તેમાં કોર્નસ્ટાર્ચવાળું પાણી મિક્સ કરેલું છે તે પણ ઉમેરી લો. થોડી વાર બાદ તેમાં મધ અને સરકો નાખીને સારી રીતે મિક્સ કરી લેવું. હવે સર્વ કરવા માટે ગરમ સિઝલર પ્લેટને લાકડીના બેઝ પર મૂકીને તેના પર કોબીનાં પાંદડાં મૂકો. ત્યારબાદ તેમાં એકદમ વચ્ચે નૂડલ્સ મૂકવા. તેની બાજુમાં તળેલાં શાકભાજી અને તેની પર પનીર ગોઠવવું. બીજી તરફ બ્રોકલીનાં ફૂલ ગોઠવીને સર્વ કરવું.

     

    આગળ જાણો અન્ય ટેસ્ટી સિઝલરની રેસિપિ...

  • Note down the recipe of different types of Sizzler
    +1બીજી સ્લાઈડ્સ જુઓ
    મે તમારા સ્વાદ મુજબ કોઈ પણ વાનગીને સિઝલરમાં કન્વર્ટ કરી શકો છો.

    ઈડલી-ઢોસા સિઝલર

     

    સામગ્રી

     

    -2 ઈડલી લાંબી કટ કરેલી

    -1 મસાલા ઢોસા

    -1/2 કપ નાની ડુંગળી ઝીણી સમારેલી

    -1/2 કેપ્સિકમ ઝીણું સમારેલું

    -1/2 લાલ કેપ્સિકમ ઝીણું સમારેલું

    -1/2 પીળું કેપ્સિકમ ઝીણું સમારેલું

    -1 લીલી ડુંગળી ઝીણી સમારેલી

    -2 ટીસ્પૂન લીંબુનો રસ

    -2 ટેબલસ્પૂન માખણ

    -મીઠું સ્વાદાનુસાર

    -લાલ મરચું પાઉડર સ્વાદાનુસાર

    -1 પાર્સલી ગાર્નિશિંગ માટે

     

    રીત

     

    સૌપ્રથમ એક વાસણમાં એક ટેબલસ્પૂન માખણ ગરમ કરો. ત્યાર બાદ તેમાં ઈડલી ઉમેરીને સાંતળો. થોડીવાર સાંતળ્યા બાદ તેને એક પ્લેટમાં કાઢી લો. હવે તે જ વાસણમાં અડધી ચમચી માખણ ગરમ કરીને તેમાં ડુંગળી નાખીને સાંતળો. લાઈટ પિંક થાય એટલે તેમાં મીઠું નાખીને બરાબર મિક્સ કરીને આ ડુંગળીને અલગ રાખો. હવે સિઝલર પ્લેટ ગરમ કરો. તેમાં અડધી ચમચી માખણ નાખીને ગરમ કરો. ત્યાર બાદ તેમાં કેપ્સિકમ અને લીલ ડુંગળી નાખીને થોડી વાર માટે ચઢવી દો. હવે તેમાં નાની ડુંગળી, ઈડલી, લીંબુનો રસ, મીઠું અને મરી પાઉડર નાખીને સારી રીતે મિક્સ કરી લો. મસાલા ઢોસાને બે સરખા ભાગમાં કટ કરો. હવે તેને સિઝલર પ્લેટની બંને બાજુ પર મૂકીને સર્વ કરો.

     

    ક્લિક કરો આગળની સ્લાઇડ્સ પર અને જુપ આવા જ બીજા ચટાકેદાર સિઝલરની રેસિપિ...

  • Note down the recipe of different types of Sizzler
    બધાંની ફેવરિટ ડિશ ઘરે બનાવીને તમને તો મજા આવશે જ, સાથે-સાથે ઘરનાં બધાં પણ થઈ જશે ખુશ-ખુશ.

    વેજિટેબલ સિઝલર

     

    સામગ્રી

     

    -2 કપ મિક્સ વેજિટેબલ સમારેલા

    -1 કપ બટાટા બાફીને મેશ કરેલા

    -1 ટીસ્પૂન જીરું

    -1 ટીસ્પૂન આદું સમારેલું

    -2 ટીસ્પૂન ધાણા પાઉડર

    -2 ટીસ્પૂન મીઠું

    -2 ટીસ્પૂન આમચૂર પાઉડર

    -2 ટીસ્પૂન લીલા મરચાં સમારેલા

    -1/2 કપ મેંદો

    -1/4 કપ તેલ

    -સિઝલર પ્લેટ

     

    રીત

     

    સૌપ્રથમ એક નોનસ્ટિક પેનમાં બે ટેબલ સ્પૂન તેલ ગરમ કરો. તેમાં જીરું અને આદું ઉમેરીને સાંતળો. ત્યાર બાદ તેમાં મિક્સ વેજિટેબલ ઉમેરીને ફાસ્ટ તાપ પર સાંતળો. તેમાંથી વધારાનું પાણી બળી જાય ત્યાં સુધી સાંતળો. ત્યાર બાદ હવે તેમાં ધાણા પાઉડર અને આમચૂર પાઉડર તેમજ મીઠું અને લીલા મરચાં નાખીને બરાબર મિક્સ કરી લો. બરાબર મિક્સ થઈ જાય એટલે ગેસ બંધ કરી દો. હવે થોડુંક ઠંડુ થાય એટલે બટાટાનો માવો તેમાં ઉમેરીને બરાબર મિક્સ કરી લો. હવે તેમાંથી કટલેસ બનાવી લો. તૈયાર કરેલી કટલેસને મેંદામાં રગદોળીને ગરમ તેલમાં બ્રાઉન રંગની થાય ત્યાં સુધી તળી લો. હવે સિઝલર પ્લેટને ગરમ કરો. હવે તેમાં કોબીજના પાન ગોઠવીને તેમાં કટલેસ ગોઠવો. થોડુંક પાણી તેના પર છાંટો ગરમા-ગરમ સિઝલરને તમારી પસંદના સોસ સાથે સર્વ કરો.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Recipes

Trending