Tomato Powder / શિયાળામાં બનાવી લો ટામેટાનો પાવડર, મોંઘાં થઈ જશે ત્યારે પણ લૂંટી સકશો ટામેટાંના ટેસ્ટની મજા

ફ્રિજ વગર પણ એક વર્ષ સુધી નહીં બગડે
ફ્રિજ વગર પણ એક વર્ષ સુધી નહીં બગડે

divyabhaskar.com

Dec 29, 2018, 10:30 AM IST

રેસિપિ ડેસ્ક: શિયાળામાં ટામેટાં સરળતાથી અને ખૂબજ સસ્તાં મળી રહે છે. ઉપરાંત શિયાળામાં દેશી ટામેટાં પણ ભરપૂર મળી રહે છે, જેનો ટેસ્ટ ખૂબજ સરસ હોય છે. જ્યારે ઉનાળામાં ટામેટાંનો ભાવ આસમાને પહોંચે ત્યારે ટામેટાં ભાવતાં હોવા છતાં ઘણીવાર ખરીદી નથી શકાતાં. એટલે જ ટામેટાં સસ્તાં હોય ત્યારે તેનો પાવડર બનાવી લેવામાં આવે તો કોઇપણ સિઝનમાં મજા માણી શકાય છે ટામેટાંના સ્વાદ.

ટામેટાંનો પાવડર
સામગ્રી


એક કિલો ટામેટાં

રીત


સૌપ્રથમ ટામેટાંને ધોઇને બરાબર લૂછી લો. ત્યારબાદ એક પ્લેટ પર કપડું પાથરી લો. ત્યારબાદ ટામેટાંની વચ્ચે ચાર કાપા કરી લેવા. ત્યારબાદ આ ટામેટાંને ઊભાં જ પ્લેટમાં મૂકવાં અને ચીરીઓને ખોલી લેવી, ચીરીઓ છૂટી ન પડી જાય તેનું ધ્યાન રાખવું. આ રીતે ટામેટાંનો રસ બહાર આવશે નહીં.

ત્યારબાદ એક આખો દિવસ તડકામાં સૂકવો. ત્યારબાદ બીજા દિવસે ટામેટાંને પલટી દો અને આખો દિવસ સૂકવો. એકદિવસ સૂકાયા બાદ ટામેટાં ઊંધાં કરશો તો પણ અંદરથી રસ નહીં નીકળે. આ જ રીતે હવે આ ટામેટાંને 8-9 દિવસ તડકામાં સૂકવો. ટામેટાં એકદમ કડક થઈ જશે. બે-ત્રણ દિવસ બાદ કપડું દૂર કરી ટામેટાંને ખાટલામાં પણ સૂકવી શકાય છે, જેથી ઉપર-નીચે બંને બાજુથી તડકો મળે.


સૂકાઇ જાય એટલે આ સૂકાં ટામેટાંને મિક્સરના જારમાં લો અને ક્રશ કરી લો. અડધીથી એક મિનિટમાં તૈયાર થઈ જશે ટામેટાંનો સુગંધીદાર પાવડર.


ત્યારબાદ તેને કોઇપણ એરટાઇટ ડબ્બામાં ભરી લો. ફ્રિજ વગર પણ એક વર્ષ સુધી નહીં બગડે. જ્યારે પણ ઇચ્છા થાય ત્યારે ટામેટાંના આ પાવડરનો ઉપયોગ કરી શકાય છે અલગ-અલગ વાનગીઓમાં.

X
ફ્રિજ વગર પણ એક વર્ષ સુધી નહીં બગડેફ્રિજ વગર પણ એક વર્ષ સુધી નહીં બગડે
COMMENT

Next Stories

    ની  સંપૂર્ણ વાંચનસામગ્રી