Biscuits Khajoor Paak / બાળકો માટે બનાવો બિસ્કિટ ખજૂર પાક, બિલકુલ નખરાં નહીં કરે ખાવામાં

બાળકોને વસાણાં, ખજૂર અને ડ્રાયફ્રુટ્સ ખવડાવવાં ખૂબજ મુશ્કેલ કામ છે

divyabhaskar.com | Updated - Jan 05, 2019, 10:00 AM
લગભગ એક મહિના સુધી નહીં બદલાય તેનો સ્વાદ
લગભગ એક મહિના સુધી નહીં બદલાય તેનો સ્વાદ

રેસિપિ ડેસ્ક: શિયાળો એટલે હેલ્ધી વસ્તુઓ ખાવાનો સમય. જોકે બાળકોને વસાણાં, ખજૂર અને ડ્રાયફ્રુટ્સ ખવડાવવાં ખૂબજ મુશ્કેલ કામ છે. બાળકોને આ બધી હેલ્ધી વસ્તુઓ ખવડાવવા કઈંક ને કઈંક ક્રિએટિવ કરવું પડે છે. આજે અમે લાવ્યા છીએ બિસ્કિટ ખજૂર પાકની રેસિપિ. સરળતાથી બનતો આ બિસ્કિટ ખજૂર પાક બાળકો પણ ખાશે હોંશે-હોંશે. નોંધી લો રેસિપિ અને તમે પણ કરો ટ્રાય.


બિસ્કિટ ખજૂર પાક
સામગ્રી


500 ગ્રામ બી વગરની સોફ્ટ ખજૂર
એક કપ કોકોનટ પાવડર
એક કપ ઘી જરૂર મુજબ
જરૂર મુજબ મારી બિસ્કિટ્સ
અડધો કપ કાજુ-બદામ અને પિસ્તાની કતરણ


રીત


સૌપ્રથમ ખજૂરને સાફ કરીને ઝીણી-ઝીણી સમારી લો. ત્યારબાદ ગેસ પર એક પેન ગરમ કરો અને અંદર 6 ટેબલસ્પૂન ઘી લો. ત્યારબાદ અંદર ખજૂર નાખો અને ખજૂર ઘી સાથે એકરસ થાય ત્યાં સુધી હલાવતા જાઓ અને ચઢવતા જાઓ. ગેસની ફ્લેમ મિડિયમ રાખવી. ત્યારબાદ અંદર થોડો કોકોનટ પાવડર એડ કરો અને સાથે જ ડ્રાયફ્રૂટ્સની કતરણ પણ એડ કરો અને બધું જ બરાબર મિક્સ કરી દો. આ દરમિયાન ગેસની ફ્લેમ સ્લો કરવી અથવા થોડીવાર માટે બંધ કરી દેવી. ત્યારબાદ આ મિશ્રણને ઠંડુ પડવા દો. ઠંડુ પડી જાય એટલે એક બિસ્કિટ પર ખજૂરનું લેયર બનાવો અને નીચેથી સીધા તળિયાવાળી વાટલી દબાવી-દબાવીને લેયર સરખુ કરી દો. ત્યારબાદ ઉપર બીજુ એક બિસ્કિટ મૂકો અને બિસ્કિટ પર ફરી એક લેયર બનાવી દો ખજૂરનું. ત્યારબાદ ઉપર બીજું એક બિસ્કિટ મૂકી દો. ત્યારબાદ ઉપર ખજૂરનું એક લેયર લગાવી કોકોનટ પાવડરથી ગાર્નિશ કરી લો.


તૈયાર છે બિસ્કિટ ખજૂર પાક. લગભગ એક મહિના સુધી નહીં બદલાય તેનો સ્વાદ.

X
લગભગ એક મહિના સુધી નહીં બદલાય તેનો સ્વાદલગભગ એક મહિના સુધી નહીં બદલાય તેનો સ્વાદ
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App