Divya Bhaskar

Home » Recipes » Indian Recipes » Try delicious and easy recipe of marriage and Party style sweet and sour chutney

ઘરે જ બનાવો લગ્નપ્રસંગમાં બનતી આમલી વગર જ બનતી ખાટી-મીઠી ચટણી

Divyabhaskar.com | Updated - Sep 14, 2018, 04:01 PM

લગ્નપ્રસંગ અને પાર્ટીઝમાં બનતી ખાટી-મીઠી ચટણી બધાંને બહુ ભાવતી હોય છે

  • Try delicious and easy recipe of marriage and Party style sweet and sour chutney
    ખૂબજ સરળતાથી બની જતી આ ચટણીમાં કોઇપણ જાતના એસેન્સ ઉમેરવામાં આવ્યા નથી

    રેસિપિ ડેસ્ક: લગ્નપ્રસંગ અને પાર્ટીઝમાં બનતી ખાટી-મીઠી ચટણી બધાંને બહુ ભાવતી હોય છે. આમલીના ઉપયોગ વગર જ બનતી આ ચટણી ફરસાણ સાથે બેસ્ટ ચોઇસ બની રહે છે. ફટાફટ બની જતી આ ચટણી એક મહિના સુધી સ્ટોર પણ કરી શકાય છે. નોંધી લો રેસિપિ અને તમે પણ કરો ટ્રાય.

    ખાટી-મીઠી ચટણી
    સામગ્રી


    100 ગ્રામ આમચૂર પાવડર
    એક કપ ખાંડ
    એક કપ ગોળ
    અડધી ચમચી મીઠું
    અડધી ચમચી સંચળ
    એક ચમચી કાશ્મિરી લાલ મરચું
    એક ચમચી શેકેલા જીરુંનો પાવડર
    અડધી ચમચી ગરમ મસાલો
    બે ટીસ્પૂન શક્કરટેટીનાં બીજ
    એક ચમચી સૂંઠ
    ચાર કપ પાણી


    રીત


    સૌપ્રથમ શક્કરટેટીનાં બીજને હાઇ ફ્લેમ પર શેકી લો. એક મિનિટમાં શેકાઇ જશે. હવે કઢાઇમાં એક કપ પાણી લો. ત્યારબાદ અંદર ખાંડ અને ગોળ નાખો. મિનિડમ ફ્લેમ પર બરાબર ઓગળવા દો. આ દરમિયાન એક બાઉલમાં આમચૂર પાવડર લો અને અંદર એક કપ પાણી નાખી બરાબર ફેંટીને પેસ્ટ બનાવી લો. ગોળ અને ખાંડને વચ્ચે-વચ્ચે હલાવતા રહેવું. બન્ને બરાબર મેલ્ટ થઈ જાય એટલે અંદર આમચૂરની પેસ્ટ મિક્સ કરો. વચ્ચે-વચ્ચે હલાવતા રહેવું, જેથી લંપ્સ ન રહે. ગેસની ફ્લેમ લો કરી બીજો અડધો કપ પાણી નાખો, ત્યારબાદ અંદર મીઠું, સંચળ, મરચું, ગરમ મસાલો, જીરું પાવડર અને સૂંઠ નાખી બરાબર મિક્સ કરો. ચટણી ઠંડી થશે એટલે આ સમયે ચટણી પાતળી હોવી જોઇએ. વધારે જાડી લાગે તો બીજુ એક-દોઢ કપ પાણી નાખો અને હલાવો. 5-7 મિનિટમાં ચટણી તૈયાર થઈ જશે. ત્યરબાદ અંદર બીજ નાખી ઠંડી કરો.


    કાચની બોટલ કે એરટાઇટ ડબ્બામાં આ ચટણી રૂમ ટેમ્પરેચરમાં એક અઠવાડિયા સુધી નહીં બગડે અને ફ્રિજમાં એકથી દોઢ મહિના સુધી ચાલશે.


    લગ્નપ્રસંગ અને પાર્ટીઝમાં આ ચટણી ફરસાણ સાથે સર્વ કરવામાં આવે છે. ખૂબજ સરળતાથી બની જતી આ ચટણીમાં કોઇપણ જાતના એસેન્સ ઉમેરવામાં આવ્યા નથી.

    વીકેન્ડના બ્રેકફાસ્ટ માટે બનાવો ક્રિસ્પી બટાકા પૂરી, થઈ જશે બધાં ખુશ

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Recipes

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending