Divya Bhaskar

Home » Recipes » Indian Recipes » Try delicious and easy 10 minute recipe of Bread Modak

માત્ર 10 મિનિટમાં બની જશે બ્રેડના મોદક, બનાવો આ ગણેશ ચતુર્થીએ

Divyabhaskar.com | Updated - Sep 12, 2018, 10:00 AM

ગણેશ ચતુર્થીએ લગભગ બધાંના ઘરે ગણેશજીને ધરાવવા મોદક તો લાવવામાં આવે જ છે

  • Try delicious and easy 10 minute recipe of Bread Modak
    મોદક માત્ર 10 જ મિનિટમાં ઘરે પણ બનાવી શકાય છે

    રેસિપિ ડેસ્ક: ગણેશ ચતુર્થી 13 સપ્ટેમ્બર ગુરૂવારે છે. ગણેશ ચતુર્થીએ લગભગ બધાંના ઘરે ગણેશજીને ધરાવવા મોદક તો લાવવામાં આવે જ છે. પરંતુ માર્કેટમાંથી તૈયાર લાવવાની જગ્યાએ ખૂબજ ટેસ્ટી મોદક માત્ર 10 જ મિનિટમાં ઘરે પણ બનાવી શકાય છે. આજે અમે તમારા માટે લાવ્યા છીએ ક્વિક મોદકની રેસિપિ. નોંધી લો રેસિપિ અને તમે પણ ઘરે જ બનાવી ધરાવો ગણપતિને.

    ક્વિક મોદક
    સામગ્રી


    5-6 સફેદ બ્રેડ (બ્રેડ એકદમ ફ્રેશ હોવી જોઇએ.)
    200 ગ્રામ પનીર
    અડધી ચમચી કેસર ઓગાળેલું દૂધ
    અડધી ચમચી ઇલાયચી પાવડર
    ત્રણ મોટી ચમચી મિલ્કમેડ
    એક કપ સૂકા નારિયેળનો પાવડર
    જરૂર મુજબ ઘી
    સજાવટ માટે કેસર અને પિસ્તાની કતરણ


    રીત


    સૌપ્રથમ બ્રેડની કિનારીઓ કાપી લો. બ્રેડ હંમેશાં સોફ્ટ અને એકદમ તાજી લેવી. ત્યારબાદ બ્રેડને મિક્સર ઝારમાં લઈ ક્રશ કરી લો. હવે આ બ્રેડના ભૂકાને એક બાઉલમાં લો. ત્યારબાદ અંદર પનીરને આદુ છીણવાની ઝીણા કાળાવાળી છીણીથી ખમણી લો. ત્યારબાદ અંદર અડધી ચમચી દૂધમાં થોડું કેસર ઓગાળીને નાખો અને અડધી ચમચી દળેલી ઈલાયચી નાખો,. ત્યારબાદ અંદર ગળપણ માટે એક-એક ચમચી મિલ્ક મેડ નાખતા જાઓ અને મસળતા જાઓ. મિશ્રણને હાથથી બરાબર મસળતા જવું. થોડું સોફ્ટ હશે. હવે અંદર નારિયેળનો પાવડર નાખી ફરીથી બરાબર મસળો. ત્યારબાદ થોડું ઘી નાખી ફરી થોડું મસળી લો.


    મિશ્રણ વધારે સોફ્ટ લાગે તો થોડીવાર ફ્રિજમાં મૂકવું. ત્યારબાદ હાથથી જ મોદક બનાવો, નહીં જરૂર પડે મોલ્ડની. બન્ને હાથમાં થોડું-થોડું ઘી લગાવી ગોળો બનાવી પાણીના ટીપા જેવો આકાર આપો. ત્યારબાર ફોકથી ઉપરની તરફ સ્ટ્રીપ પાડી મોદક જેવો આકાર આપો. આ જ રીતે બધા જ મોદક તૈયાર કરો. ત્યારબાદ ઉપર કેસર અને પિસ્તાની કતરણ લગાવી સજાવો. તૈયાર છે ખૂબજ ટેસ્ટી અને સુંદર મોદક.

    સાંજની ચા-કૉફી સાથે માણો તીખી પેનકેક તરીકે ઓળખાતી સરવા પીંડીની મજા

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Recipes

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending