Methi Shakkarpara / બાળકોને નાસ્તામાં આપવા બનાવી રાખો લીલી મેથીના શક્કરપારા, ટેસ્ટની સાથે સચવાશે હેલ્થ પણ

બાળકો માટે જ ઘરે જ કોરા નાસ્તા બનાવી રાખીએ તો એકાદ મહિના સુધી બગડતા નથી
બાળકો માટે જ ઘરે જ કોરા નાસ્તા બનાવી રાખીએ તો એકાદ મહિના સુધી બગડતા નથી

divyabhaskar.com

Dec 25, 2018, 01:24 PM IST

રેસિપિ ડેસ્ક: બાળકોને નાસ્તામાં રોજ અવનવું જોઇએ. બજારના તૈયાર નાસ્તા મોંઘા તો પડતા જ હોય છે, સાથે-સાથે એ હેલ્થ માટે કેટલા યોગ્ય રહેશે એ સવાલ પણ સતાવતો જ હોય છે. બાળકો માટે જ ઘરે જ કોરા નાસ્તા બનાવી રાખીએ તો એકાદ મહિના સુધી બગડતા નથી અને બાળકો હોંશે-હોંશે ખાય પણ ખરાં. નોંધી લો રેસિપિ અને તમે પણ કરો ટ્રાય.

લીલી મેથીના શક્કરપારા
સામગ્રી


2 વાટકી ઘઉંનો લોટ
1 વાટકી મેંદો
2 વાટકી સમારેલી મેથી
2 ચમચી મરચું
2 ચમચી આદું-મરચાં-લસણની પેસ્ટ
1 ચમચી તલ
1 ચપટી હળદર
તેલ તળવા માટે
મીઠું સ્વાદાનુસાર


રીત


બંને લોટને એક થાળીમાં ભેગા કરી લો. પછી તેમાં સમારેલી મેથીની ભાજી તેમજ ઉપર જણાવેલો બધો જ મસાલો જોઈતા પ્રમાણમાં ઉમેરી દો. બે ચમચા તેલનું મોણ નાખી શક્કરપારાનો લોટ બાંધી લો. લોટને સરખી રીતે મસળી લુવા કરી પાટલી પર પાતળા શક્કરપારા કાપી લો. આ દરમિયાન એક કઢાઈમાં તેલ ગરમ કરી લો. તેલ ગરમ થાય એટલે તેમાં, ધીમા તાપે શક્કરપારાને લાઈટ બ્રાઉન રંગના થાય એ રીતે તળી લો. આ શક્કરપારાને પેપર નેપકિન પર મૂકીને થોડીવાર માટે ઠંડા કરી લો. શક્કરપારા ઠંડા થાય એટલે તેને ડબ્બામાં ભરી બાળકોને કે ઘરના અન્ય સભ્યોને સર્વ કરો.

X
બાળકો માટે જ ઘરે જ કોરા નાસ્તા બનાવી રાખીએ તો એકાદ મહિના સુધી બગડતા નથીબાળકો માટે જ ઘરે જ કોરા નાસ્તા બનાવી રાખીએ તો એકાદ મહિના સુધી બગડતા નથી
COMMENT

Next Stories

    ની  સંપૂર્ણ વાંચનસામગ્રી