Home » Recipes » Diet NRI Recipes » Healthy and Yummy recipe of Daliya

બ્રેકફાસ્ટથી ડિનર સુધી બેસ્ટ છે ઘઉંના ફાડાની આ 5 વાનગીઓ, જરૂર કરજો ટ્રાય

Divyabhaskar.com | Updated - Mar 28, 2018, 02:01 PM

સ્વાસ્થ્યની દ્રષ્ટિએ દલિયા એટલે કે ઘઉંન ફાડા બહુ ઉપયોગી છે. બાળકો માટે તો દલિયા ખૂબજ પૌષ્ટિક ગણાય છે.

  • Healthy and Yummy recipe of Daliya
    +4બીજી સ્લાઈડ્સ જુઓ

    યૂટિલિટી ડેસ્કઃ સ્વાસ્થ્યની દ્રષ્ટિએ દલિયા એટલે કે ઘઉંન ફાડા બહુ ઉપયોગી છે. બાળકો માટે તો દલિયા ખૂબજ પૌષ્ટિક ગણાય છે. આમ તો દરેક ઉંમરના લોકો દલિયાને બ્રેકફાસ્ટથી લઈને ડિનરમાં ગમેત્યારે લઈ શકે છે. સવારના નાસ્તામાં દલિયાની સ્વાદિષ્ટ અને પૌષ્ટિક વાનગી મળી જાય તો આખો દિવસ સુધરી જાય. મોટાભાગે તમે ઘઉંના ફાડાની લાપસી વિશે જ સાંભળ્યું હશે, એટલે જ આજે અમે તમારા માટે લાવ્યા છીએ ફાડામાંથી બનતી 5 અવનવી ટેસ્ટી અને હેલ્ધી વાનગીઓની રેસિપિ.

    નોંધી લો વેજ દલિયા ઉપમા, મસાલા દલિયા, ટોમેટો દલિયા ઉપમા, દલિયા ઢોસા અને દલિયા ઈડલીની સરળ અને ઝટપટ રેસિપિ...

    વેજ દલિયા ઉપમા

    સામગ્રી

    -1 કપ દલિયા(ફાડા)

    -1 ચમચી જીરું

    -1/2 કપ સમારેલું ગાજર

    -1/2 કપ સમારેલું બટાકું

    -1 કપ સમારેલી ડુંગળી

    -1 ટુકડો આદું

    -મીઠું સ્વાદ મુજબ

    -1 ટીસ્પૂન હળદર

    -1 ટીસ્પૂન મરચું પાઉડર

    -સમારેલી કોથમીર ગાર્નિશિંગ માટે

    રીત

    સૌપ્રથમ એક પેનમાં તેલ ગરમ કરો. તેલ ગરમ થાય એટલે તેમાં જીરું અને ડુંગળી ઉમેરીને સાંતળો. ત્યાર બાદ તેમાં ફાડા ઉમેરીને સાંતળો. ફાડા સંતળાઈ જાય એટલે તેમાં બધા જ શાકભાજી નાખીને બે મિનિટ માટે સાંતળે. ત્યાર બાદ તેમાં મીઠું, હળદર, લાલ મરચું પાઉડર અને પાણી નાખીને બરાબર સાંતળીને ઢાંકીને ચઢવા દો. બધા જ શાકભાજી અને ફાડા ચઢી જાય ત્યાં સુધી ચઢવા દો. ત્યાર બાદ ગેસ બંધ કરી દો. કોથમીરથી ગાર્નિશ કરીને સર્વ કરો.

    આગળની સ્લાઇડ્સમાં ક્લિક કરીને જાણો ફાડાની આવી જ કેટલીક અન્ય સ્વાદિષ્ટ રેસિપિ...

  • Healthy and Yummy recipe of Daliya
    +3બીજી સ્લાઈડ્સ જુઓ

    મસાલા દલિયા

     

    સામગ્રી

     

    -1 કપ દલિયા

    -1/2 કપ લીલા વટાણા

    -2 નાના ગાજર ઝીણા સમારેલા

    -1 ટેબલસ્પૂન તેલ

    -1 ટીસ્પૂન જીરું

    -1 ડુંગળી ઝીણી સમારેલી

    -1 મધ્યમ ટામેટું સમારેલું

    -2 ટીસ્પૂન બટર

    -મીઠું સ્વાદાનુસાર

    -કોથમીર

     

    રીત

     

    સૌપ્રથમ બે કપ પાણીમાં દલિયાના ત્રીસ મિનિટ માટે પલાળી રાખો. ત્યાર બાદ કૂકરમાં તેલ ગરમ કરો. તેલ ગરમ થાય એટલે તેમાં જીરું ઉમેરો. જીરું લાલ થાય એટલે તેમાં ડુંગળી નાખીને સાંતળો. ડુંગળી લાઈટ બ્રાઉન રંગની થાય ત્યાં સુધી સાંતળો. ત્યાર બાદ તેમાં લીલા વટાણા, ગાજર અને ટામેટાં ઉમેરીને બરાબર મિક્સ કરી લો. એકાદ મિનિટ માટે સાંતળ્યા બાદ તેમાં દલિયા, મીઠું અને ત્રણ કપ પાણી નાખીને બરાબર મિક્સ કરીને ઉકળવા દો. પાણી ઉકળવા લાગે એટલે કૂકરનું ઢાંકણ બંધ કરી દો. બે સીટી વગાડો. કૂકર ઠંડુ થાય એટલે દલિયાને સર્વિંગ બાઉલમાં કાઢીને કોથમીરથી ગાર્નિશ કરીને સર્વ કરો.

     

    આગળની સ્લાઇડ્સમાં ક્લિક કરીને જાણો ફાડાની આવી જ કેટલીક અન્ય સ્વાદિષ્ટ રેસિપિ...

  • Healthy and Yummy recipe of Daliya
    +2બીજી સ્લાઈડ્સ જુઓ

    ટોમેટો દલિયા ઉપમા

     

    સામગ્રી

     

    -1 કપ દલિયા(ઘઉંના ફાડા)

    -1 ટામેટું સમારેલું

    -1 ડંગળી સમારેલી

    -2 લીલા મરચાં સમારેલા

    -1 કેપ્સિકમ સમારેલું

    -1/2 ઝૂડી કોથમીર સમારેલી

    -1/2 ટીસ્પૂન જીરું

    -1 ચપટી હળદર

    -1/2 ટીસ્પૂન ખાંડ

    -મીઠું સ્વાદાનુસાર

    -તેલ જરૂર મુજબ

     

    રીત

     

    સૌપ્રથમ એક નોનસ્ટિક કડાઈમાં તેલ ગરમ કરો. તેલ ગરમ થાય એટલે તેમાં જીરું અને લીલા મરચાં ઉમેરીને સાંતળો. જીરું લાલ થાય એટલે તેમાં ડુંગળી ઉમેરીને મધ્યમ તાપે લાઈટ બ્રાઉન રંગની થાય ત્યાં સુધી સાંતળો. હવે તેમાં ટામેટાં અને કેપ્સિકમ ઉમેરીને બરાબર મિક્સ કરી લો. ત્યાર બાદ તેમાં મીઠું અને હળદર ઉમેરીને સાંતળો. એકાદ મિનિટ સાંતળ્યા બાદ તેમાં બાકીની બધી જ સામગ્રી ઉમેરીને બેથી ચાર મિનિટ માટે ચઢવા દો. હવે તેમાં ફાડા ઉમેરીને બરાબર મિક્સ કરી લો. બેથી ત્રણ મિનિટ માટે ફાડાને સાંતળ્યા બાદ તેમાં બે કપ પાણી ઉમેરીને ચઢવા દો. કડાઈને ઢાંકીને ફાડાને ચઢવા દો. લગભગ દસથી પંદર મિનિટ લાગશે ફાડાને ચઢવામાં અને પાણીને બળવામાં. પાણી બળી જાય એટલે ગરમા-ગરમ ટોમેટો દલિયાના કોથમીરથી ગાર્નિશ કરીને સર્વ કરો.

     

    આગળની સ્લાઇડ્સમાં ક્લિક કરીને જાણો ફાડાની આવી જ કેટલીક અન્ય સ્વાદિષ્ટ રેસિપિ...

  • Healthy and Yummy recipe of Daliya
    +1બીજી સ્લાઈડ્સ જુઓ

    દલિયા ઢોસા

     

    સામગ્રી

     

    -3 કપ ઘઉંના ફાડા

    -1 કપ અડદની દાળ

    -1 કપ ચોખા

    -1/2 ટીસ્પૂન મેથીના દાણા

    -મીઠું સ્વાદાનુસાર

    -પાણી જરૂર મુજબ

    -તેલ જરૂર મુજબ

     

    રીત

     

    સૌપ્રથમ ઘઉંના ફાડા અને ચોખાને ધોઈને સાફ કરીને ત્રણથી ચાર કલાક માટે પલાળી દો. ત્યાર બાદ અલગ પાણીમાં અડદની દાળ અને મેથીના દાણા પણ પલાળી દો. લગભગ પાંચથી છ કલાક બાદ ચોખા અને દાળમાંથી પાણી નીતારીને તેને પીસી લો. ચોખા અને ઘઉંના ફાડાને બારીક રવા જેવું પીસી લો. અડદની દાળ અને મેથીના દાણાને એકદમ સ્મૂધ પેસ્ટ જેવું પીસી લો. હવે બંને મિશ્રણને એક ઉંડી તપેલીમાં કાઢીને બરાબર મિક્સ કરી લો. ત્યારબાદ આ ખીરાને આખી રાત આથો આવવા માટે સેટ થવા માટે રાખો. બીજા દિવસે સવારે તેમાંથી તમારા મનપસંદ સાદા કે મસાલા ઢોસા ઉતારો.

     

    આગળની સ્લાઇડ્સમાં ક્લિક કરીને જાણો ફાડાની આવી જ કેટલીક અન્ય સ્વાદિષ્ટ રેસિપિ...

  • Healthy and Yummy recipe of Daliya

    દલિયા ઈડલી

     

    સામગ્રી

     

    -1 કપ દલિયા

    -2 કપ ગરમ પાણી

    -1 ટીસ્પૂન આદુંની પેસ્ટ

    -1/2 કપ દહીં

    -1 ટીસ્પૂન ખાવાનો સોડા

    -મીઠું સ્વાદાનુસાર

     

    વઘાર માટે

    -1 ટેબલસ્પૂન તેલ

    -2 ચપટી રાઈ

    -1 ચપટી હિંગ

    -2 નંગ લીલા મરચાં

    -4થી 5 મીઠો લીમડો

    -1/2 ટીસ્પૂન અડદ દાળ

    -1/2 ટીસ્પૂન ચણા દાળ

     

    રીત

     

    સૌપ્રથમ દલિયાને ગરમ પાણીમાં ચાર કલાક માટે પલાળી રાખો. ત્યાર બાદ પાણી નીતારી લો. હવે આ દલિયાને મિક્સરમાં ગ્રાઈન્ડ કરીને સેમી પેસ્ટ બનાવી લો. હવે એક પેનમાં તેલ ગરમ કરો. તેલ ગરમ થાય એટલે તેમાં ચણાની દાળ અને અડદની દાળ ઉમેરીને લાઈટ પિંક રંગની થાય ત્યાં સુધી સાંતળો. ત્યાર બાદ તેમાં રાઈ ઉમેરો. રાઈ ફૂટે એટલે તેમાં હિંગ, લીલા મરચાં અને મીઠો લીમડો નાખીને સાંતળો. હવે આ વગારને તૈયાર કરેલી પેસ્ટમાં ઉમેરો. ત્યાર બાદ તેમાં દહીં, આદુંની પેસ્ટ અને મીઠું નાખીને બરાબર મિક્સ કરી લો. મિશ્રણને બરાબર મિક્સ કરીને ઈડલીનું ખીરું હોય તેટલું ઘટ્ટ રાખવુ. હવે તૈયાર ખીરામાંથી ઈડલી ઉતારવાના થોડા ટાઈમ પહેલા જ તેમાં ખાવાનો સોડા ઉમેરી લો. ત્યાર બાદ ઈડલી ઉતારો. ગરમા-ગરમ પૌષ્ટિક ઈડલીને નાળિયેરની ચટણી સાથે સર્વ કરો.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Recipes

Trending