Divya Bhaskar

Home » Recipes » Diet NRI Recipes » Try delicious recipe of Aloo pakoda with Shallow fry

બટાકાનાં ભજીયાં માટે બનાવો તળ્યા વગર, ડાયટ માટે રહેશે બેસ્ટ

Divyabhaskar.com | Updated - Sep 04, 2018, 01:50 PM

બટાકાનાં ભજીયાં મોટાભાગે લોકોના ઘરે તળીને જ બનાવવામાં આવે છે

  • Try delicious recipe of Aloo pakoda with Shallow fry
    ચટણી કે ગરમા-ગરમ ચા-કૉફી સાથે પીરસો

    રેસિપિ ડેસ્ક: બટાકાનાં ભજીયાં મોટાભાગે લોકોના ઘરે તળીને જ બનાવવામાં આવે છે. જેના કારણે ડાયટ કરતા લોકો સ્વાદ રસિયા હોવા છતાં ખાઇ શકતા નથી. આજે અમે તમારા માટે લાવ્યા છીએ તવા પર શેકીને ભજીયાં બનાવવાની રેસિપિ. જેથી ડાયટ કરતા લોકો પણ કોઇપણ જાતની ચિંતા વગર માણી સકશે મજા. તો નોંધી લો રેસિપિ અને તમે પણ કરો ટ્રાય.


    તવા પર બનાવો બટાકાનાં ભજીયાં

    સામગ્રી

    અડધો કપ બેસન
    બે ટેબલસ્પૂન સોજી
    અડધી ચમચી મીઠું
    અડધી ચમચી ધાણાજીરું
    પા ચમચી લાલ મરચું
    બે ઝીણાં સમારેલ લીલાં મરચાં
    એક ટેબલસ્પૂન ઝીણી સમારેલી કોથમીર
    ચપટી બેકિંગ સોડા
    બે બાફેલા બટાકાં
    શેકવા માટે તેલ


    રીત


    સૌપ્રથમ એક બાઉલમાં બેસન અને સોજી લો. ત્યારબાદ અંદર મીઠું, ધાણાજીરું, મરચું, ઝીણાં સમારેલાં મરચાં, કોથમીર અને બેકિંગ સોડા નાખી બરાબર મિક્સ કરી લો. ત્યારબાદ અંદર થોડું-થોડું પાણી ઉમેરતા જાઓ અને ભજીયાંનો ગોળ તૈયાર કરો. ત્યારબાદ આ ગોળને 15 મિનિટ માટે ઢાંકીને સેટ થવા મૂકી દો.


    હવે બાફેલા બટાકાને છોલીને લગભગ અડધો સેમી જાડી ગોળ-ગોળ ચિપ્સ તૈયાર કરો. ત્યારબાદ ગેસ પર તવો ગરમ કરવા મૂકો. તવો ગરમ થાય એટલે તવા પર બે ટેબલસ્પૂન તેલ નાખી આખા તવા પર ફેલાવી લો. ત્યારબાદ બટાકાની ચિપ્સને બેસનના ગોળમાં ડુબાડી તવા પર મૂકો. તવા પર એકસાથે સમાય એટલી ચિપ્સ થોડા-થોડા અંતરે ગોઠવવી. એકબાજુથી ભજીયાં થોડાં શેકાઇ જાય એટલે તાવેથાની મદદથી ફેરવી લો અને થોડું-થોડું તેલ નાખો. બધાં જ ભજીયાંને બંન્ને બાજુ ગોલ્ડન બ્રાઉન શેકવાં. તૈયાર છે બટાકાંનાં શેકેલાં ભજીયાં ગ્રીન ચટણી અને સોસ સાથે સર્વ કરો.

    બાળકો માટે ઘરે જ બનાવો ચોકોપાઇ, બનશે એકદમ બજાર જેવી

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Recipes

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending