Heart Special: હૃદયને સ્વસ્થ રાખવા માટે બેસ્ટ છે આ 5 વાનગીઓ

નોંધી લો હાર્ટને હેલ્ધી બનાવવામાં મદદ કરતી ઘઉંની બીકાનેરી ખીચડી, ટમેટાં અને મેથીવાળા ભાત, ઓટ્સ મગદાળની ટિક્કીની રેસિપિ..

Divyabhaskar.com | Updated - Mar 06, 2018, 11:22 AM
ઘઉંની બીકાનેરી ખીચડી
ઘઉંની બીકાનેરી ખીચડી

Heart Special: હૃદયને સ્વસ્થ રાખવા માટે બેસ્ટ છે આ 5 વાનગીઓ.

યૂટિલિટી ડેસ્કઃ લાંબું અને હેલ્ધી જીવન જીવવા માટે હાર્ટને હેલ્ધી રાખવું જરૂરી છે. તેના માટે નિયમિત એક્સરસાઇઝની સાથએ જ યોગ્ય ડાયટ પણ ખૂબ જરૂરી છે. તમે દિવસમાં કેટલું વર્કઆઉટ કરો છો, તે અગત્યનું નથી, પરંતુ જો તમે યોગ્ય ડાયટ નહીં લો તો વર્કઆઉટ કોઈ કામનું નથી. તેથી જ આજે અમે તમારા માટે કેટલીક એવી વાનગીઓ લઈને આવ્યાં છીએ જે તમારા હાર્ટને હેલ્ધી રાખવામાં મદદ કરશે.

નોંધી લો હાર્ટને હેલ્ધી બનાવવામાં મદદ કરતી ઘઉંની બીકાનેરી ખીચડી, ટમેટાં અને મેથીવાળા ભાત, ઓટ્સ મગદાળની ટિક્કી, જુવાર-ટમેટાંના ચીલા અને ઓટ્સ અને કિસમિસની કુકીઝની રેસિપિ...

ઘઉંની બીકાનેરી ખીચડી

સામગ્રી

-1 કપ ઘઉં

-1/4 કપ પીળી મગની દાળ

-1 ટીસ્પૂન ઘી

-1 ટીસ્પૂન તેલ

-1/4 ટીસ્પૂન જીરું

-2 લીલા મરચાં, ચીરીઓ પાડેલા

-1/4 ટીસ્પૂન હિંગ

-મીઠું સ્વાદાનુસાર

૧/૪ ટીસ્પૂન હળદર

પીરસવા માટે

-લો ફેટ દહીં

રીત

ઘઉંને ધોઇને એક બાઉલમાં પાણી નાખીને આખી રાત પલાળી રાખો. પછી પાણીનો ઉપયોગ કર્યા વગર તેને મિક્સરમાં ફેરવી કરકરી પેસ્ટ તૈયાર કરી બાજુ પર રાખો. મગની દાળને સાફ કરી ધોઇને એક બાઉલમાં જરૂરી પાણી સાથે 2 કલાક પલાળી રાખ્યા બાદ નીતારીને બાજુ પર રાખો. એક પ્રેશર કુકરમાં ઘી ગરમ કરી તેમાં જીરું, લીલા મરચાં અને હિંગ મેળવો. જ્યારે દાણા તતડવા માંડે, ત્યારે તેમાં પીસેલા ઘઉં અને મગની દાળ મેળવી મધ્યમ તાપ પર થોડી સેકંડ સુધી સાંતળી લો. તે પછી તેમાં સાડા ત્રણ કપ ગરમ પાણી, મીઠું અને હળદર મિક્સ કરી સરખી રીતે મિક્સ કરી પ્રેશર કુકરની 6 સીટી સુધી બાફી લો. કુકરનું ઢાંકણ ખોલતા પહેલા તેની વરાળ નીકળી જવા દો. તે પછી તેને સારી રીતે મિક્સ કરી લો. લો ફેટ દહીં સાથે તરત જ પીરસો.

આગળ જાણો હાર્ટને હેલ્ધી રાખવા માટેની અન્ય સ્વાદિષ્ટ રેસિપિ...

ટમેટાં અને મેથીવાળા ભાત
ટમેટાં અને મેથીવાળા ભાત

ટમેટાં અને મેથીવાળા ભાત

 

સામગ્રી

 

-1/2 કપ સમારેલા ટમેટાં

-3 કપ સમારેલી મેથી

-3 કપ રાંધેલા બ્રાઉન ભાત

-2 ટીસ્પૂન તેલ

-1 તમાલપત્ર

-2 લવિંગ

-1 ઇંચ તજનો ટુકડો

-2 એલચી

-2 ટીસ્પૂન ઝીણા સમારેલા લીલા મરચાં

-1/4 કપ ડુંગળીની પેસ્ટ

-2 ટીસ્પૂન લસણની પેસ્ટ

-1 ટેબલસ્પૂન ધાણા-જીરા પાઉડર

-1/2 ટીસ્પૂન હળદર

-2 ટીસ્પૂન મરચાં પાઉડર

-મીઠું સ્વાદાનુસાર

 

પીરસવા માટે

-તાજું દહીં

-રાઈતું

 

રીત

 

એક નોનસ્ટિક પેનને ગરમ કરી તેમાં તમાલપત્ર, લવિંગ, તજ અને એલચી મેળવી મધ્યમ તાપ પર 30 સેકેન્ડ સુધી સાંતળી લો. તે પછી તેમાં લીલા મરચાં અને ડુંગળીની પેસ્ટ મેળવી મધ્યમ તાપ પર વધુ એક મિનિટ સુધી અથવા કાંદાની પેસ્ટ બ્રાઉન રંગની થાય ત્યાં સુધી સાંતળી લો. જો ડુંગળી દાઝવા માંડે તો તેના પર થોડું પાણી છાંટી લેવું. તે પછી તેમાં લસણની પેસ્ટ મેળવી મધ્યમ તાપ પર થોડી સેકંડ સુધી સાંતળી લો. તે પછી તેમાં ટમેટાં મેળવી મધ્યમ તાપ પર 2 મિનિટ અથવા ટમેટાં બરોબર રંધાઈ જાય ત્યાં સુધી સતત હલાવતા રહી રાંધી લો. તે પછી તેમાં ધાણા-જીરા પાઉડર, હળદર, મરચાં પાઉડર અને 2 ટેબલસ્પૂન પાણી નાખી સરખી રીતે મિક્સ કરી મધ્યમ તાપ પર થોડી વાર રાંધો. તે પછી તેમાં સમારેલી મેથી મિક્સ કરી ધીમા તાપ પર વધુ 3થી 4 મિનિટ સુધી અથવા મેથી સરખી રંધાઈ જાય ત્યાં સુધી રાંધી લો. છેલ્લે તેમાં ભાત અને મીઠું મેળવી હળવેથી મિક્સ કરી ધીમા તાપ પર વધુ 3થી 4 મિનિટ સુધી રાંધી લો. દહીં સાથે ગરમ ગરમ પીરસો અથવા તમને ગમતા કોઈ પણ રાઈતા સાથે પીરસો.

 

આગળ જાણો હાર્ટને હેલ્ધી રાખવા માટેની અન્ય સ્વાદિષ્ટ રેસિપિ...

ઓટ્સ મગદાળની ટિક્કી
ઓટ્સ મગદાળની ટિક્કી

ઓટ્સ મગદાળની ટિક્કી

 

સામગ્રી

 

-1/2 કપ પીળી મગની દાળ

-1/2 ક્વિક કુકિંગ રોલ્ડ ઓટ્સ

-2 ટેબલસ્પૂન તાજું દહીં

-3 ટેબલસ્પૂન ખમણેલા કાંદા

-1/2 ટીસ્પૂન ઝીણા સમારેલા લીલા મરચાં

-2 ટીસ્પૂન ચાટ મસાલો

-2 ટીસ્પૂન મરચાં પાઉડર

-1/4 ટીસ્પૂન ગરમ મસાલો

-1/4 ટીસ્પૂન હળદર

-1 ટીસ્પૂન આદું-લસણની પેસ્ટ

-2 ટેબલસ્પૂન ઝીણી સમારેલી કોથમીર

-મીઠું સ્વાદાનુસાર

-2 ટીસ્પૂન તેલ, ચોપડવા અને રાંધવા માટે

 

પીરસવા માટે

-લીલી ચટણી

 

રીત

 

મગની દાળને સાફ કરી, ધોઇને એક નોનસ્ટિક પેનમાં 1 કપ પાણી સાથે દાળ સરખી રીતે રંધાઇને નરમ થઇ જાય અને સંપૂર્ણ પાણીનું બાસ્પીભવન થઇ જાય ત્યાં સુધી રાંધો. હવે દાળને ગરણી વડે ગાળી મિક્સરમાં ફેરવી કરકરી પેસ્ટ તૈયાર કરો. આ પેસ્ટને એક બાઉલમાં મૂકી, તેમાં બાકી રહેલી બધી સામગ્રી મેળવી સારી રીતે મિક્સ કરી લો. આ મિશ્રણના 12 સરખા ભાગ પાડી, દરેક ભાગની 63 મિમી.ની પાતળી ગોળકાર ટિક્કી તૈયાર કરી લો. હવે એક નોનસ્ટિક તવાને ગરમ કરી તેની પર 1/2 ટીસ્પૂન તેલ ચોપડી લો. તે પછી દરેક ટિક્કીને 1/8 ટીસ્પૂન તેલ વડે તે બંને બાજુથી ગોલ્ડન બ્રાઉન થાય ત્યાં સુધી શેકો. પૌષ્ટિક લીલી ચટણી સાથે તરત જ પીરસો.

 

 

આગળ જાણો હાર્ટને હેલ્ધી રાખવા માટેની અન્ય સ્વાદિષ્ટ રેસિપિ...

જુવાર-ટમેટાંના ચીલા
જુવાર-ટમેટાંના ચીલા

જુવાર-ટમેટાંના ચીલા

 

સામગ્રી

 

-1/4 કપ જુવારનો લોટ

-1/4 કપ ઘઉંનો લોટ

-1/4 કપ મકાઇનો લોટ

-1/4 કપ ઝીણા સમારેલા કાંદા

-1/2 કપ ઝીણા સમારેલા ટમેટા

-2 ટેબલસ્પૂન ઝીણી સમારેલી કોથમીર

-2 ટીસ્પૂન ઝીણા સમારેલા લીલા મરચાં

- મીઠું સ્વાદાનુસાર

-1 1/4 ટીસ્પૂન તેલ , ચોપડવા અને શેકવા માટે

 

પીરસવા માટે

-કોથમીર અને લસણની ચટણી

 

રીત

 

એક બાઉલમાં બધી સામગ્રી ભેગી કરી તેમાં પાણી મિક્સ કરી સરખી રીતે મિક્સ કરી રેડી શકાય તેવું ખીરૂ તૈયાર કરો. એક નોનસ્ટિક તવાને ગરમ કરી 1/4 ટીસ્પૂન તેલ ચોપડો. હવે તેમાં એક ચમચો ભરીને ખીરૂ રેડી અને ચમચા વડે ગોળ ફેલાવી 125 મિમી. ગોળાકાર બનાવો. હવે તેને 1/4 ટીસ્પૂન તેલની મદદથી ચીલાની બંને તરફ ગોલ્ડન બ્રાઉન થાય તે રીતે શેકી લો. બાકીના ચીલાને પણ આ રીતે જ બનાવો. પછી કોથમીર અને લસણની ચટણી સાથે ગરમ ગરમ પીરસો.

 

આગળ જાણો હાર્ટને હેલ્ધી રાખવા માટેની અન્ય સ્વાદિષ્ટ રેસિપિ...

ઓટ્સ અને કિસમિસની કુકીઝ
ઓટ્સ અને કિસમિસની કુકીઝ

ઓટ્સ અને કિસમિસની કુકીઝ

 

સામગ્રી

 

-3/4 કપ ક્વિક કુકિંગ રોલ્ડ ઓટ્સ

-3/4 કપ ઘઉંનો લોટ

-1/4 કપ બ્રાઉન શુગર

-1/4 કપ સમારેલી કિસમિસ

-1 ટેબલસ્પૂન લો ફેટ માખણ

-2 ટેબલસ્પૂન લો ફેટ દૂધ

 

રીત

 

એક ઊંડા બાઉલમાં બધી વસ્તુઓ ભેગી કરીને મિશ્રણ એકબંધ થાય તે રીતે હળવેથી મિક્સ કરી લો. હવે બેકિંગ ટ્રે પર એક એલ્યુમિનિયમની ફોઈલ પાથરી લો. તૈયાર કરેલા મિશ્રણના 9 સરખા ભાગ પાડી, દરેક ભાગને 50 મિમી.ના ગોળાકાર બનાવી પાતળી કુકીઝ તૈયાર કરો. તૈયાર કરેલી કુકીઝને બેકિંગ ટ્રે પર લાઈનમાં ગોઠવી, પ્રિહિટેડ ઓવનમાં 180° સે. (360° ફે.) તાપમાન પર 35થી 40 મિનિટ સુધી બેક કરી લો. વચ્ચે એક વખત 20 મિનિટ પછી કુકીઝને ઉથલાવી લેશો.

ઠંડી થયા પછી એરટાઇટ જારમાં ભરી લો.

X
ઘઉંની બીકાનેરી ખીચડીઘઉંની બીકાનેરી ખીચડી
ટમેટાં અને મેથીવાળા ભાતટમેટાં અને મેથીવાળા ભાત
ઓટ્સ મગદાળની ટિક્કીઓટ્સ મગદાળની ટિક્કી
જુવાર-ટમેટાંના ચીલાજુવાર-ટમેટાંના ચીલા
ઓટ્સ અને કિસમિસની કુકીઝઓટ્સ અને કિસમિસની કુકીઝ
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App