Home » Recipes » Diet NRI Recipes » Tasty and Simple Breakfast Recipes to Kick start Your Day

નાસ્તામાં માણો 5 ગરમાગરમ વાનગીઓની મજા, ફિટ અને હેલ્ધી રાખવા માટે છે બેસ્ટ

Divyabhaskar.com | Updated - Feb 13, 2018, 12:56 PM

નોંધી લો ફણગાવેલા મગના પુડલા, મલાઈ સેન્ડવિચ, સેવઈ ઉપમા, હાંડવો અને ફ્રાઇડ ઈડલીની અવનવી વાનગીઓ

  • Tasty and Simple Breakfast Recipes to Kick start Your Day
    +4બીજી સ્લાઈડ્સ જુઓ
    જો સવારે નાસ્તો સારો હોય તો દિવસ સારો જાય છે. પરંતુ પ્રશ્ન એ થાય છે કે નાસ્તામાં બનાવવું તો બનાવવું શું જે હેલ્ધી પણ હોય અને ટેસ્ટી પણ.

    યૂટિલિટી ડેસ્કઃ જો સવારે નાસ્તો સારો હોય તો દિવસ સારો જાય છે. પરંતુ પ્રશ્ન એ થાય છે કે નાસ્તામાં બનાવવું તો બનાવવું શું જે હેલ્ધી પણ હોય અને ટેસ્ટી પણ. તમારી આ જ સમસ્યાનો ઉકેલ લાવવા માટે આજે અમે લઈને આવ્યાં છીએ નાસ્તામાં બનાવી શકાય એવી ટેસ્ટી અને હેલ્ધી વાનગીઓ. તો બસ નોંધી લો રેસિપિ અને ટ્રાય કરો તમારા રસોડે.

    નોંધી લો ફણગાવેલા મગના પુડલા, મલાઈ સેન્ડવિચ, સેવઈ ઉપમા, હાંડવો અને ફ્રાઇડ ઈડલીની અવનવી વાનગીઓ

    ફણગાવેલા મગના પુડલા

    સામગ્રી

    ખીરા માટે

    -અડધો કપ બાજરીનો લોટ

    -અડધો કપ ચોખાનો લોટ

    -અડધો કપ તાજું વલોવેલું દહીં

    -અડધો કપ ફણગાવેલા મગ

    -એક ટેબલસ્પૂન ઝીણા સમારેલા લીલા મરચાં

    -પા કપ ઝીણી સમારેલી કોથમીર

    -મીઠું સ્વાદાનુસાર

    -પા ટીસ્પૂન હળદર

    -તેલ સેકવા માટે

    રીત

    એક ઊંડા બાઉલમાં બાજરીનો લોટ, ચોખાનો લોટ, દહીં, ફણગાવેલા મગ, લીલા મરચાં, કોથમીર, મીઠું અને પૂરતા પ્રમાણમાં પાણી ઉમેરી, સારી રીતે મિક્સ કરી ખીરૂ બનાવી લો. હવે તેમાં હળદર ઉમેરી, સરખી રીતે મિક્સ કરી 15 મિનિટ સુધી પલળવા દો. પછી એક નોનસ્ટિક તવા પર થોડું તેલ લગાવી તેને ગરમ કરો. પછી તેના પર એક ચમચો ખીરૂ લઈ પાછરી દો. હવે તેની કિનારીએ એક નાની ચમચી તેલ નાખો અને બંને તરફ ગોલ્ડન બ્રાઉન થાય ત્યાં સુધી શેકી લો. પુડલા સેકાય જાય એટલે તેને ગરમ ગરમ સર્વ કરો.

    આગળની સ્લાઇડ્સમાં ક્લિક કરીને જાણો અન્ય હેલ્ધી બ્રેકફાસ્ટ રેસિપિ...

  • Tasty and Simple Breakfast Recipes to Kick start Your Day
    +3બીજી સ્લાઈડ્સ જુઓ
    ક્રીમી ટેસ્ટ માટે ટ્રાય કરો આ મલાઈ સેન્ડવિચ

    મલાઈ સેન્ડવિચ

     

    સામગ્રી

     

    -એક મોટી બ્રેડ

    -એક કપ આખી ખાંડ

    -અડધી ચમચી ઈલાયચી

    -થોડો જાયફળનો ભૂકો

    -બે કપ મલાઈનો માવો

    -એક પેકેટ માખણ

     

    રીત

     

    મલાઈમાં ખાંડ મિક્સ કરી લો. તેમાં ઈલાયચી, જાયફળ નો ભૂકો નાખો. બ્રેડ પર માખણ લગાવી દો, માખણવાળી બ્રેડની બાજુ બહારની તરફ રહે તે રીતે ચમચામાં કે ટોસ્ટરમાં બ્રેડ ગોઠવો વચ્ચે એક ચમચી પુરણ મૂકી ઉપર બીજી બ્રેડ ઊંધી મૂકો પછી તે ગુલાબી થાય ત્યાં સુધી શેકો. તે શેકાય જાય પછી તેને એક ડિશમાં કાઢીને ગરમ ગરમ સર્વ કરો.

     

    આગળની સ્લાઇડ્સમાં ક્લિક કરીને જાણો અન્ય હેલ્ધી બ્રેકફાસ્ટ રેસિપિ...

  • Tasty and Simple Breakfast Recipes to Kick start Your Day
    +2બીજી સ્લાઈડ્સ જુઓ
    રવાની ઉપમા તો ખાધી પણ આ સેવઈની ઉપમા પણ એક વખત જરૂર કરો ટ્રાય

    સેવઈ ઉપમા

     

    સામગ્રી

     

    -એક કપ વર્મિસિલી

    -સાડા અગિયાર કપ ઉકાળેલું પાણી

    -એક સુકું કાશ્મીરી લાલ મરચું

    -અડધી ટીસ્પૂન રાઈ

    -બે ટીસ્પૂન સિંગદાણા

    -એક ટીસ્પૂન ચણા દાળ

    -એક ટીસ્પૂન અડદ દાળ

    -આઠથી દસ તૂટેલા કાજુ

    -બે ચપટી હિંગ

    -પાંચથી છ પાન મીઠો લીમડો

    -એક ચપટી હળદર

    -સવા ત્રણ કપ સમારેલી ડુંગળી

    -પા કપ બાફેલા વટાણા

    -બેથી ત્રણ લીલાં મરચાં

    -બેથી ત્રણ ટીસ્પૂન ખાંડ

    -એક ટેબલસ્પૂન નારિયેળનું છીણ

    -બે ટીસ્પૂન લીંબુનો રસ

    -બે ટીસ્પૂન સમારેલી કોથમીર

    -એક ટીસ્પૂન ઘી

    -મીઠું સ્વાદાનુસાર

    -તેલ જરૂર મુજબ

     

    રીત

     

    સૌપ્રથમ જાડા થરવાળા નોનસ્ટિક પેનમાં બે ટીસ્પૂન તેલ ગરમ કરો. હવે તેમાં વર્મીસેલી શેકો. મધ્યમ આંચ પર શેકો જ્યાં સુધી વર્મીસેલી હળવી સોનેરી રંગની થાય. પછી એક વાડકામાં કાઢો. એ જ પેનમાં દોઢ ચમચી તેલ મઘ્યમ આંચ પર ગરમ કરી રાઈ નાખીને ફૂટવા દો. પછી તેમાં સુકું કાશ્મીરી લાલ મરચા તૂટેલાં અને સિંગદાણા નાખો. એક મિનીટ શેકો. તેમાં ચણા દાળ નાખી અડધી મિનિટ શેકો. પછી તેમાં તૂટેલાં કાજુ નાખી હળવા સોનેરી રંગના થાય ત્યાં સુધી શેકો. પછી તેમાં મીઠો લીમડો, હિંગ, હળદર પાવડર અડધી સમારેલી ડુંગળી નાખો અને બેથી ત્રણ મિનિટ શેકો. પછી બાફેલા વટાણા, સમારેલા લીલા મરચા, મીઠું, ખાંડ અને છીણેલું કોપરું નાખો. થોડું-થોડું પાણી છાંટીને ડુંગળી શેકાય ત્યાં સુધી શેકો. શેકેલી વેર્મીસેલી નાખો અને દોઢ કપ ગરમ પાણી નાખી હળવા હાથે મિક્સ કરો. પેનને ઢાંકીને ચારથી પાંચ મિનિટ રાંધો. હવે એમાં ઘી અને અડધા લીલા ધાણા નાખી મિક્સ કરો. બીજી બે મિનિટ સુધી ચઢવા દો. ગેસને બંધ કરી તેમાં લીંબુનો રસ અને બાકીની કોથમીર નાખો. પેનને ચારથી પાંચ મિનિટ ઢાંકીને રાખો. પછી કાંટા ચમચીથી હળવા હાથે હલાવી સર્વિંગ બાઉલમાં કાઢી લો. ગરમા ગરમ વેર્મીસેલી ઉપમા દહીંના રાયતા જોડે પીરસો.

     

    આગળની સ્લાઇડ્સમાં ક્લિક કરીને જાણો અન્ય હેલ્ધી બ્રેકફાસ્ટ રેસિપિ...

  • Tasty and Simple Breakfast Recipes to Kick start Your Day
    +1બીજી સ્લાઈડ્સ જુઓ
    હાંડવો ગુજરાતીઓ માટે બેસ્ટ નાસ્તા હોય શકે છે.

    હાંડવો

     

    સામગ્રી

     

    -બે કપ ચોખા

    -એક કપ તુવરની દાળ

    -પા કપ અડદની દાળ

    -પા કપ મગની દાળ

    -પા કપ ચણાની દાળ

    -પા કપ ઘઉં

    -પા કપ ખાટું દહીં

    -દસ નંગ લીલા મરચાં

    -એક નાનો ટુકડો આદુ

    -પાંચસો ગ્રામ દુધી

    -સો ગ્રામ તેલ

    -એક ચમચી લાલ મસાલો

    -અડધી ચમચી હળદર

    -બે ચમચી રાઈ

    -બે ચમચી તલ

    -ત્રણ ચમચી ખાંડ

    -બે ચમચી અજમો

    -પા ચમચી મેથી દાણા

    -અડધી ચમચી હિંગ

    -મીઠું સ્વાદાનુસાર

     

    રીત

     

    સૌપ્રથમ ચોખા અને બધા પ્રકારની દાળ અને ઘઉંને ભીના કપડાંથી લૂંછી નાખો. હવે ભેગા કરી તેનો કકરો લોટ દળો. હવે આ મિશ્રણમાં ખાટું દહીં, ગરમ પાણી, વગેરે મિક્સ કરો. આ મિશ્રણને 7 થી 8 કલાક આથો આવવા માટે ઢાંકી મુકો. આથો આવ્યા પછી તેમાં તેલ, લીંબુનો રસ, સોડિયમ બાયકાર્બોનેટ, ખાંડ, લાલ મસાલો, આદુ-મરચાંની પેસ્ટ, છીણેલી દૂધી, હળદર અને મીઠું નાખીને મિક્સ કરો. હવે એક ડબ્બામાં, કે હાંડવાના કૂકરમાં તેલ લગાવી આ ખીરુ પાથરો. કઢાઈમાં પાંચ છ ચમચી તેલ નાખીને તેને ગરમ કરો. તેમાં રાઈ નાખો. 1 મિનિટ પછી તલ, અજમો, મેથી અને હિંગ નાખો. થોડું લાલ થયા પછી તેને ખીરાં પર પાથરી દો. હવે હાંડવાના કૂકરને ઢાંકીને ધીમા ગેસ પર અડધો પોણો કલાક સુધી થવા દો.

     

    આગળની સ્લાઇડ્સમાં ક્લિક કરીને જાણો અન્ય હેલ્ધી બ્રેકફાસ્ટ રેસિપિ...

  • Tasty and Simple Breakfast Recipes to Kick start Your Day
    નાસ્તામાં વધુ ઓઇલી ન ખાવું હોય તો આ ફ્રાઇડ ઈડલી બેસ્ટ ઓપ્શન છે.

    ફ્રાઇડ ઈડલી

     

    સામગ્રી

     

    -દસથી બાર ઈડલી

    -બસો ગ્રામ દહીં

    -બે ટામેટાં બારીક કાપેલા

    -ત્રણથી ચાર બારીક કાપેલા લીલાં મરચા

    -બે ચમચી ચાટ મસાલો

    -એક ચમચી જીરું પાઉડર

    -અડધી ચમચી સંચળ

    -એક કપ આમલીની ચટણી

    -એક કપ લીલી ચટણી

    -અડધી વાટકી ઝીણી સેવ

    -મીઠું સ્વાદાનુસાર

    -શેકેલા પાપડનો ચૂરો

    -કોથમીર

     

    રીત

     

    સૌપ્રથમ ઈડલીને નાના કટકાઓમાં કાપી એક કિનારવાળી ડિશમાં જમાવો. આની ઉપર સૌ પ્રથમ દહીં, પછી આમલી અને લીલી ચટણી વારાફરતી નાખો. કાપેલા ટામેટા અને લીલાં મરચાથી સજાવો. તેમાં ઉપર જણાવેલા બધા મસાલો ભભરાવી દો. હવે સેવ અને પાપડનો ભૂકો નાખી લીલાં ધાણા નાખી દો. અને સ્વાદિષ્ટ ચટપટી ઈડલી સર્વ કરો.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Recipes

Trending

વીડિયો વધુ જુઓ