કરણ જોહર, મોગલ સામ્રાજ્ય અને અનારકલી

3 વર્ષ પહેલા
  • કૉપી લિંક

સમાચાર આવ્યા છે કે, કરણ જોહરની નજર હવે મોગલ હુકૂમત પર પડી છે. કાબરિસ્તાનમાં કોલાહલ મચી ગયો છે, દફનાવેલા બાદશાહો, બેગમો અને બેનામી જીહજૂરિયાઓ પડખાં ફેરવી રહ્યા છે અને મારીને પણ શાંતિ નહિ મેળવનારા અભાગિયાઓ ડરી રહ્યા છે. કરણ જોહરને અકબરથી બધારે બિરબલમાં રસ પડે એમ બની શકે છે. એ સમયમાં કિન્નરો પોસ્ટમેનનું કામ કરતા અને પત્રોની આપ-લે તેમના દ્વારા જ થતી હતી. પત્રો કમળના ફૂલમાં રાખીને નહેરો દ્વારા ગંતવ્ય સુધી પહોંચાડવામાં આવતા. આ પદ્ધતિ સલીમ અને અનારકલીએ પણ અપનાવી હતી. પત્રોની આપ-લે માટે કબૂતરોનો ઉપયોગ પણ થતો હતો. આ પત્રો દૂર રહેલા પ્રેમી માટે ખાસ હતા. 

સૂરજ બડજાત્યાએ પણ કબૂતરનો ઉપયોગ પોતાની પહેલી ફિલ્મમાં કર્યો હતો, ફિલ્મનું નામ હતું, ‘મૈને પ્યાર કિયા.’ આ મહાન શોધ પર ગીત પણ બનાવવામાં આવ્યું હતું,’કબૂતર જા, જા, જા’ સલમાન ખાનને સ્ટારનો દરજ્જો આ ફિલ્મથી જ મળ્યો હતો. ફિલ્મકારોને કબૂતરો દ્વારા સંદેશો લઇ જવો એટલો પસંદ હતો કે, બોની કપૂરની ફિલ્મ ‘રૂપ કી રાની ચોરો કે રાજા’માં હીરો હાર ચોરી કરે છે તે દ્રશ્યમાં પણ ચોરી કરાયેલો હાર કબૂતર દ્વારા બહાર મોકલવામાં આવે છે. પોલીસ ફંક્શનમાં આવેલા લોકોની તપાસ કરે છે પરંતુ, કબૂતર હારને તેના ઠેકાણે પહોંચાડે છે. 

સૂરજ બડજાત્યાની હેમ સાથ સાથ હૈના જોધપુરના શૂટિંગમાં હરણના શિકારની વાર્તાઓ ઉભી થઇ હતી. ભગવાન શ્રીરામ હરણ માટે જ હ્ય હતા અને રાવણને સીતાનું હરણ કરવાનો મોકો મળ્યો હતો. મહાકાવ્યના ઘટનાક્રમમાં મહત્વના બદલાવ માટે હરણ જવાબદાર હતું. કરણ જોહરે મોગલો પર ફિલ્મ બનાવવાનો ઈરાદો જાહેર કર્યો છે, આ વાતે શમ્મી કપૂર નિર્દેશિત ફિલ્મ ‘મનોરંજન’નું એક દ્રશ્ય યાદ આવે છે. ફિલ્મના હીરોને બદનામ ગલીમાં ડ્યુટી આપવામાં આવી છે. તેને એક વેશ્યા સાથે પ્રેમ થઇ જાય છે અને પ્રેમનો એકરાર કરવા તે હવાલદાર બનીને નહિ પરંતુ, એક મોગલ નવાબ બનીને જાય છે. તેને પૂછવામાં આવે છે કે, મોગલ અદબની કેટલી જાણકારી છે? ત્યારે તે કહે છે કે, આખી જિંદગી તેણે ઈરાની રેસ્ટોરાંમાં મોગલાઈ ખાધું છે. કારણ જોહરનું મોગલ જ્ઞાન પણ કંઈક આવું જ હોય તે સંભવ છે કેમ કે, તે દેશી ફિલ્મો પણ વિદેશી પ્રેરણાથી વિદેશમાં બેસીને લખે છે.  આ તો એક સલાહ છે કે, આ ફિલ્મને લખવા તેઓ લંડન નહિ પરંતુ, લાહોર જાય અને ત્યાં અનારકલી બજારમાં આવેલી કોઈ હોટેલમાં રોકાય. 

અન્ય સમાચારો પણ છે...