Divya Bhaskar

Home » NRG » USA » falguni Patel Win Seats on Edison Board of Education in usa

અમેરિકનોનાં વિરોધ છતા પટેલ મહિલા ચૂંટાઈ એડિસન સ્કૂલ બોર્ડમાં, ડિપોર્ટની થઈ'તી માંગ

Divyabhaskar.com | Updated - Nov 09, 2017, 02:30 PM

ફાલ્ગુની પટેલ 3 વર્ષ માટે એડિસન ટાઉનશીપ સ્કૂલ બોર્ડમાં ચૂંટાઈ આવ્યા

  • falguni Patel Win Seats on Edison Board of Education in usa
    +4બીજી સ્લાઈડ્સ જુઓ
    અમેરિકાઃ તાજેતરમાં એશિયન-અમેરિકન સ્કૂલ બોર્ડના બે ઉમેદવારો વિરુદ્ધ વાંધાજનક ભાષાનો ઉપયોગ કરીને તેમને નિશાન બનાવવામાં આવ્યા હતા. જેમાં ભારતીય અમેરિકન મહિલા કોર્પોરેટ અને ઈમીગ્રેશન વકીલ તથા એક ચીની અમેરિકન સામે પોસ્ટ કાર્ડમાં વિદેશીઓ માટે વિરોધ વ્યક્ત કર્યો હતો અને તેમને ડિપોર્ટ કરવાની માંગણી કરી હતી. તેમ છતા બન્ને ઉમેદવાર એડિસન સ્કૂલ બોર્ડમાં ચૂંટાઈ આવ્યા છે. ફાલ્ગુની પટેલ 3 વર્ષ માટે એડિસન ટાઉનશીપ સ્કૂલ બોર્ડમાં ચૂંટાઈ આવ્યા હતા.
    પોસ્ટ કાર્ડમાં હતો વાંધાજનક ભાષાનો ઉપયોગ

    - ફાલ્ગુની તથા ચીની અમેરિકન જેરી શીને ઈ-મેલમાં બદનામ કરવામાં આવ્યા હતા.
    - તેમના વિશે લખવામાં આવ્યું હતુ કે, ચીની તેમજ ભારતીયો અમારા શહેર પર કબ્જો જમાવી રહ્યા છે.
    - આ મહિનાની શરૂઆતમાં એશિયન-અમેરિકનોને નિશાન બનાવીને વાંધાજનક ભાષાનો ઉપયોગ કરેલા પોસ્ટ કાર્ડ લેટર બોક્સ દ્વારા ન્યૂજર્સીના ઘણા લોકો સુધી પહોંચાડવામાં આવ્યા હતા.
    - જેને લઈને શહેરમાં સમુદાયના સભ્યો વચ્ચે ભારે રોષ પેદા થયો છે.
    દેશમાં પાછા મોકલવાની માંગ

    - ન્યૂજર્સીમાં એડિસન સિટીના રહેવાસીઓએ અજાણ્યા પત્રો મળ્યા હતા.
    - જેમાં સ્કૂલ બોર્ડના ઉમેદવાર ભારતીય મૂળની અમેરિકી નાગરિક ફાલ્ગુની પટેલ અને ચીની મૂળનો અમેરિકી નાગરિક જેરી શીને પોતાના દેશમાં પાછા મોકલવાની માંગણી કરવામાં આવી હતી.
    - તેમાં દાવો કરવામાં આવ્યો હતો કે ચીની અને ભારતીય મૂળના લોકો આ શહેર પર પોતાનો અધિકાર જમાવવા માંગે છે.
    ઈ-મેઈલ દ્વારા પહોંચ્યા હતા પોસ્ટ કાર્ડ

    - 'મેક એડિશન ગ્રેટ અગેઈન' લખેલા બેનર પોસ્ટ કાર્ડમાં જેરી અને ફાલ્ગુનીના ચહેરો લગાવવામાં આવ્યો છે.
    - તસવીર પાસે ડિપોર્ટ(દેશ પાછા મોકલો)નું લખાણ પણ લખેલું જોવા મળે છે.
    - ન્યુજર્સીના સિટી એડિસનને ન્યુયોર્ક શહેર મેટ્રોનો એક ભાગ માનવામાં આવે છે અને અહીંયા ભારતીય અમેરિકનોની નોંધપાત્ર વસ્તી છે.
    - એડિશનમાં રહેતા ઘણા લોકોને ઈ-મેઈલ દ્વારા પહોંચેલા પોસ્ટ કાર્ડમાં લખ્યું છે કે, જેરી શી અને ફાલ્ગુની પટેલને અમારા સ્કૂલ બોર્ડ પર અધિકાર જમાવતા રોકવામાં આવે.
    - પત્રોમાં એમ પણ કહેવામાં આવ્યું છે કે, ચીની તેમજ ભારતીય અમારા શહેર પર કબ્જો જમાવી રહ્યા છે, બસ... હવે વધારે નહીં, બહું થયું.
    આગળની સ્લાઈડ્સમાં જુઓ વધુ તસવીરો
  • falguni Patel Win Seats on Edison Board of Education in usa
    +3બીજી સ્લાઈડ્સ જુઓ
  • falguni Patel Win Seats on Edison Board of Education in usa
    +2બીજી સ્લાઈડ્સ જુઓ
  • falguni Patel Win Seats on Edison Board of Education in usa
    +1બીજી સ્લાઈડ્સ જુઓ
  • falguni Patel Win Seats on Edison Board of Education in usa
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending