કેલિફોર્નિયાના પટેલ કવિની ડૉ અબ્દુલ કલામને ભાવભરી શબ્દાંજલિ

ઇન્ટરનેશનલ ડેસ્કઃ ભારતના ભૂતપૂર્વ રાષ્ટ્રપતિ ડૉ અબ્દુલ કલામના દુખદ અવસાને, દેશને ન પૂરાય એવી ખોટ પડી ગઈ છે. દેશ માટે જીવન સમર્પણ કરનાર,આ પ્રખર વિજ્ઞાનીએ, દેશને ગૌરવ બક્ષી ,જન હૃદયમાં સવાયું સ્થાન મેળવી લીધું છે....યુવાવર્ગનો આદર્શ બની...સાચા' ભારત રત્ન ' બની તેઓ સદા ઝગમગતા રહેશે...શત શત સલામ સાથે ભારતમાના આ સપૂતને ભાવભરી અંજલિ.

ડો કલામને કવિતા થકી ભાવભરી અંજલિ અર્પનારા કવિ રમેશચંદ્ર ઝવેરભાઈ પટેલ 'આકાશદીપ' મૂળ ખેડા જીલ્લાના મહુધા તાલુકાના ગામ-મહિસાના વતની છે. જીઈબીમાં ૩૪ વર્ષની ઈજનેરી સેવાબાદ (વણાકબોરી થર્મલ પાવર સ્ટેશનનું નિર્માણ ને સંચાલન) તેઓ છેલ્લા 10 વર્ષથી કેલિફોર્નિયા, યુએસએ ખાતે રહે છે. divyabhaskar.com સાથે પોતાની સ્પેશિયલ કવિતા શેર કરતાં રમેશભાઇએ કહ્યું હતું કે, સામાજિક ને સાહિત્યિક રીતે..'આકાશદીપ' બ્લોગ થી સપ્તખંડે નેટસેતુ રચાયો છે...ને ગુજરાતની સંસ્કૃતિની સૌરભ લહેરાવવાની મને જે તક મળી છે તે માટે હું ધન્યતા અનુભવી રહ્યો છું.