Divya Bhaskar

Home » NRG » USA » USAમાં સર્વપ્રથમ ગુજરાતી ફિલ્મ ફેસ્ટિવલનું આયોજન | The first Gujarati film festival organized in USA

USAમાં સર્વપ્રથમ ગુજરાતી ફિલ્મ ફેસ્ટિવલનું આયોજન

Divyabhaskar.com | Updated - May 18, 2018, 10:57 PM

ગુજરાતી ફિલ્મ-જગત પ્રત્યે જેમનું પ્રસંશનીય યોગદાન છે તેમને શ્રેણીબદ્ધ પુરસ્કારો દ્વારા પ્રોત્સાહિત કરવાનો છે

  • USAમાં સર્વપ્રથમ ગુજરાતી ફિલ્મ ફેસ્ટિવલનું આયોજન | The first Gujarati film festival organized in USA
    +2બીજી સ્લાઈડ્સ જુઓ

    એનઆરજી ડેસ્કઃ IGFF (International Gujarati Film Festival) એ ગુજરાતી સિનેમાના ઇતિહાસમાં આંતરરાષ્ટ્રીય સ્તરે આયોજિત થનાર સર્વપ્રથમ ગુજરાતી ફિલ્મ ફેસ્ટિવલ છે જે 3 થી 5 ઓગસ્ટ, 2018 દરમિયાન USAના ન્યુજર્સી ખાતે યોજાશે. IGFF નો મુખ્ય હેતુ ગુજરાતી સંસ્કૃતિ અને સિનેમાને વ્યાપક ધોરણે પ્રોત્સાહન આપવાનો અને ગુજરાતી ફિલ્મ-જગત પ્રત્યે જેમનું પ્રસંશનીય યોગદાન છે તેમને શ્રેણીબદ્ધ પુરસ્કારો દ્વારા પ્રોત્સાહિત કરવાનો છે. તદુપરાંત આ ફેસ્ટિવલ, ફિલ્મ નિર્માતાઓ અને કલાકારોને આંતરરાષ્ટ્રીય સિનેમેટિક જ્ઞાન વધારવાની અને એક વિશાળ નેટવર્ક સાથે સાંકળવાની તક આપે છે જેથી અન્ય ફિલ્મ ઉદ્યોગની સરખામણીમાં પોતાનું એક આગવું સ્થાન મેળવી શકે.


    IGFF નો ઉદેશ્ય:


    ફિલ્મ નિર્માતાઓ અને પ્રાદેશિક સિનેમાને મુખ્ય પાત્ર તરીકે બહાર લાવવાના ઉદેશ્યથી IGFF નું આયોજન થઇ રહ્યું છે. IGFF એ અમેરિકામાં થનાર સર્વપ્રથમ આંતરરાષ્ટ્રીય ગુજરાતી ફિલ્મ ફેસ્ટિવલ છે. જયારે દર્શકો મોટાભાગે બૉલીવુડ અને મુખ્યપ્રવાહના સિનેમા સુધી મર્યાદિત રહ્યા છે ત્યારે IGFF એ ગુજરાતી ફિલ્મ નિર્માતાઓ અને ગુજરાતી ફિલ્મ ઉદ્યોગ માટે તાજી હવાના એક શ્વાસ તરીકે આવે છે. IGFF નો ધ્યેય છે તે દર્શાવવાનો કે ગુજરાતી સિનેમામાં પણ એવી સ્ક્રિપ્ટો અને ફિલ્મો બનાવવાની ક્ષમતા છે જે કોઈ અન્ય ફિલ્મ ઉદ્યોગ સાથે ખભા થી ખભા મેળવીને ઉભા રહી શકે છે.આ ફિલ્મ ફેસ્ટિવલનીપહેલશ્રીકૌશલ આચાર્ય - Rostrum Media અને 1947 Production and Entertainment Inc. દ્વારા સયુંકત રીતે કરવામાં આવેલ છે.


    ફેસ્ટિવલ ડિરેક્ટર વિષે:


    શ્રી ઉમેશ શુકલા એ ઘણા ગુજરાતી નાટકો અને બોલીવુડ ફિલ્મ્સ માટે પ્રશંસા પામેલા દિગ્દર્શક, લેખક અને અભિનેતા છે. તેમણે યુટીવી મોશન પિક્ચર્સ સાથે તેમની દિગ્દર્શકની કારકિર્દીની શરૂઆત કરી હતી અને તેમની પ્રથમ દિગ્દર્શક તરીકેની ફિલ્મ હતી ઓહ! માય ગોડ. આ ઉપરાંત ઓલ ઇઝ વેલ અને આગામી સમયમાં જે તેમની ત્રીજી ફિલ્મ 102 નોટ આઉટ રિલીઝ થવા જઈ રહી જેમાં સદીના મહાનાયક બચ્ચન અને ઋષિ કપૂર જેવા કલાકારોએ અભિનય કર્યો છે. તેમની બ્લોકબસ્ટર ફિલ્મ ઓહ માય ગોડ તેમના પોતાના જ ગુજરાતી નાટક કાન્જી વિરુદ્ધ કાન્જી પરથી બનવવામાં આવી હતી જેની ત્યારપછી થી તેલુગુ અને કન્નડ ભાષામાં રિમેક પણ બની હતી.

    આગળની સ્લાઇડ્સમાં વાંચો, આંતરરાષ્ટ્રીય ગુજરાતી ફિલ્મ ફેસ્ટિવલના જ્યુરી સભ્યો....

  • USAમાં સર્વપ્રથમ ગુજરાતી ફિલ્મ ફેસ્ટિવલનું આયોજન | The first Gujarati film festival organized in USA
    +1બીજી સ્લાઈડ્સ જુઓ

    આંતરરાષ્ટ્રીય ગુજરાતી ફિલ્મ ફેસ્ટિવલના જ્યુરી સભ્યો


    સૌપ્રથમ યોજાઈ રહેલા આંતરરાષ્ટ્રીય ગુજરાતી ફિલ્મ ફેસ્ટિવલના જ્યુરી સભ્યો ગુજરાતી અને હિન્દી એન્ટરટેનમેન્ટ ઇન્ડસ્ટ્રીના ખૂબ પ્રસિદ્ધ અને ખૂબ જ પ્રિય હસ્તીઓ છે.


    1. અરુણા ઈરાની: શ્રીમતી અરુણા ઈરાની સૌથી સર્વતોમુખી ફિલ્મ અભિનેત્રી છે, જેમણે હિન્દી, ગુજરાતી અને મરાઠી સિનેમામાં 300 થી વધુ ફિલ્મોમાં અભિનય કર્યો છે. તેઓ 57 માં ફિલ્મ ફેર એવોર્ડમાં  લાઇફટાઇમ અચિવમેન્ટ એવોર્ડ (2012) સાથે સન્માનિત થયા હતા.


    2. જય વસાવડા: શ્રી જય વસાવડા એ સિને જગતના સૌથી લોકપ્રિય લેખક,વક્તા અને પ્રખર હિમાયતી છે. તેમના "ગુજરાત સમાચાર"માં આવતા બહુમુખી કૉલમ (ખાસ કરીને 'સ્પેકટ્રોમીટર' અને 'અનાવૃત ') સમાજ અને સંસ્કૃતિના વિવિધ પાસાઓને આવરી લે છે. વર્ષ 2010માં તેમને  ગુજરાત સરકાર દ્વારા સ્વતંત્રતા દિવસ પર તેમના ઉત્કૃષ્ટ લેખનના યોગદાન બદલ સન્માનિત કરવામાં આવ્યા હતા.


    3. અનુરાગ મહેતા: શ્રી અનુરાગ મહેતા એ લોસએન્જલસમાં સ્થાયી છે અને તેઓ ફિલ્મ નિર્માતા છે. તેઓ ફિલ્મોના લેખન અને દિગ્દર્શન ઉપરાંત જાહેરાત, મ્યુઝિક વીડિયો અને ટીવી માટે પણ લખે છે અને નિર્દેશન કરે છે. તેમની ફિલ્મ "અમેરિકન ચાય" પરેશ રાવલ અભિનિત એ  સ્લેમડાન્સ ફિલ્મ ફેસ્ટિવલ ખાતે પ્રેક્ષકો દ્વારા સૌથી વધુ પસંદ કરાયેલી ફિલ્મની શ્રેણીમાં પુરસ્કાર જીત્યો હતો.


    4. મધુ રાય: શ્રી મધુ રાય એ  ગુજરાતી નાટ્યલેખક, નવલકથાકાર અને વાર્તા લેખક છે. તેમણે 1960 ના દાયકામાં લખવાનું શરૂ કર્યું અને તેમની કથાઓ અને નાટકો માટે જાણીતા બન્યા. તેમના નાટકો ફૂલ નુ નામ અને કુમારની અગાશીને ઘણી ભાષાઓમાં સ્વીકારવામાં આવ્યા છે અને તેમના "પિગ્મેલિયન" અને "સ્લેથ"ના અનુવાદને પ્રશંસા મળી છે. તેમની નવલકથા કિમ્બલે રેવેન્સવુડને હિન્દી ભાષાની ટીવી સિરીઝ મિસ્ટર યોગી માટે અનુવાદિત કરવામાં આવી હતી અને બાદમાં તેના પરથી હિન્દી ફિલ્મ વોટ્સ યોર રાશિ?  પણ બની છે. તેમણે તેમના  લેખન થી માત્ર લોકોના દિલ જ  નહીં પરંતુ ઘણી પ્રશંસા અને ઘણા એવોર્ડ્સ પણ જીત્યા છે.

     

    આગળની સ્લાઇડ્સમાં વાંચો, ફેસ્ટિવલમાં ભાગ લેનારી તમામ ફિલ્મની ભાષા ગુજરાતી જ હોવી જોઈએ....

  • USAમાં સર્વપ્રથમ ગુજરાતી ફિલ્મ ફેસ્ટિવલનું આયોજન | The first Gujarati film festival organized in USA

    ફેસ્ટિવલમાં ભાગ લેનારી તમામ ફિલ્મની ભાષા ગુજરાતી જ હોવી જોઈએ


    સૌપ્રથમ યોજાનાર આંતરરાષ્ટ્રીય ગુજરાતી ફિલ્મ ફેસ્ટિવલ 3 થી 5 ઓગસ્ટ, 2018 દરમિયાન ન્યૂ જર્સીUSA.માં યોજાશે. પહેલીવાર આંતરરાષ્ટ્રીય ફલક પર યોજાવા જઈ રહેલા ફિલ્મ ફેસ્ટિવલમાં ફિચર ફિલ્મ, શોર્ટ ફિલ્મ એન્ડ ડોક્યુમેન્ટરી ફિલ્મના નિર્માતાઓને પ્રવેશ માટે આમંત્રણ આપે છે. ફેસ્ટિવલમાં ભાગ લેનારી તમામ ફિલ્મની ભાષા ગુજરાતી જ હોવી જોઈએ. www.gujaratifilmfestival.com પર લોગ ઇન કરીને એન્ટ્રી સબમિટ કરી શકો છો.


    ફિલ્મ સબમિટ કરવાની છેલ્લી તારીખ 31 મે, 2018 ના રોજ બંધ થશે. આ  ફેસ્ટિવલ ફિલ્મ ફ્રીવે પર છે જે વિશ્વનું સૌથી મોટુ ઓનલાઇન પ્લેટફોર્મ છે. તમામ એન્ટ્રીમાંથી પહેલું પૂર્વાવલોકન ફિલ્મ ફ્રીવે ઓનલાઇન પોર્ટલ પર થશે, જે ફિલ્મ નિર્માતાઓ માટેનું વિશ્વનું સૌથી સલામત પ્લેટફોર્મ છે. ફિલ્મ ફેસ્ટિવલ દરમિયાન પસંદ કરાયેલી ફિલ્મોનું ન્યુ જર્સીમાં સ્ક્રીનિંગ કરવામાં આવશે. અંતિમ સ્પર્ધા માટે પસંદ કરેલી ફીચર ફિલ્મોને IGFF એવોર્ડ પુરસ્કાર મળશે. અંતિમ ચરણમાં પસંદગી પામેલી ફીચર ફિલ્મના મેકરને રહેવા ઉપરાંતન્યૂજર્સી આવવા-જવાની,  1 રીટર્ન ટિકિટ પણ  આપવામાં આવશે. આ ઉપરાંત IGFF નું સમાપન સમારંભ એવોર્ડ વિતરણ સાથે યોજાશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending