Home » NRG » USA » Rajeev Samant goes the credit for transforming a grassland into a flourishing wine

USમાં સારી નોકરી છોડી પરત ફર્યાં ભારત, આજે છે દેશના સૌથી મોટા વાઈન ઉત્પાદક

Divyabhaskar.com | Updated - Jan 06, 2018, 10:05 AM

મુંબઈથી 180 કિમીના અંતરે આવેલા નાસિકમાં સ્થાપેલો વાઈન ઉદ્યોગ આજે દેશમાં ટોપના સ્થાને છે

  • Rajeev Samant goes the credit for transforming a grassland into a flourishing wine
    +9બીજી સ્લાઈડ્સ જુઓ
    એનઆરજી ડેસ્ક: ગુજરાત સહિત ભારતમાંથી સારી નોકરી અને ઉચ્ચ અભ્યાસ માટે યુવાનો વિદેશ જતા હોય છે, પણ છેલ્લા ઘણા સમયથી વિદેશમાં સારી નોકરી કે ઉચ્ચ અભ્યાસ બાદ યુવાનો પોતાના વતન પાછા ફરીને કોઈ મોટો બિઝનેસ શરૂ કરતા હોય છે. આવા જ એક મુંબઈના બિઝનેસમેન છે રાજીવ સમંત. અમેરિકામાં ઉચ્ચ અભ્યાસ બાદ થોડા સમય નોકરી કરી ભારત ફરેલા રાજીવે મુંબઈથી 180 કિમીના અંતરે આવેલા નાસિકમાં સ્થાપેલો વાઈન ઉદ્યોગ આજે દેશમાં ટોપના સ્થાને છે. એટલું જ નહીં નાસિકને દ્રાક્ષ ઉત્પાદક અને વાઈન ઉત્પાદક કેન્દ્ર બનાવી રાજીવ વાઈન બિઝનેસ કરતા આજે દેશની સૌથી મોટી વાઈન બ્રાન્ડ ‘સુલા’ના માલિક છે.
    વાઈન બિઝનેસ શરૂ કરતા પહેલા 1999માં નાસિકમાં રાજીવે વાઈનરી સુલા વિનયાર્ડ્સ(દ્રાક્ષનો બગીચો) શરૂ કર્યો હતો. એક વર્ષ બાદ એટલે કે 2000ની સાલમાં સુલા વાઈન લોન્ચ કરી અનેક પડકારોનો સામનો કરી આજે રાજીવ અનેક દેશોમાં નિકાસની સાથે કેટલીક નવી બ્રાન્ડ આયાત પણ કરે છે. રાજીવ સમંતનું સુલા વિનયાર્ડ્સ 125 રૂપિયાથી માંડીને 1000 સુધીની કિંમતની આશરે 23 પ્રકારની વાઈનનું ઉત્પાદન કરે છે.
  • Rajeev Samant goes the credit for transforming a grassland into a flourishing wine
    +8બીજી સ્લાઈડ્સ જુઓ
    રાજીવે અમેરિકામાં કર્યો ઉચ્ચ અભ્યાસ

    - મુંબઈમાં જન્મેલા રાજીવ સુરેશ સમંતે કેથેડ્રલ સ્કૂલમાંથી પ્રાથમિક શિક્ષણ મેળવ્યું.
    - ઉચ્ચ અભ્યાસ માટે સ્કોલરશિપ મેળવી સ્ટેનફોર્ડ યુનિવર્સિટીમાંથી ઈકોનોમિક્સમાં સ્નાતકની ડિગ્રી મેળવી.
    - એન્જીનિયરિંગમાં મેનેજમેન્યમાં માસ્ટર ડિગ્રી બાદ 1990માં અમેરિકામાં મંદીના માહોલમાં થોડો સંઘર્ષ કર્યો.
    - અભ્યાસ બાદ રાજીવને ઓરેકલ કોર્પોરેશનમાં નોકરી મળી, જેમાં તેઓ યુવાન મેનેજરમાંના એક હતા.
  • Rajeev Samant goes the credit for transforming a grassland into a flourishing wine
    +7બીજી સ્લાઈડ્સ જુઓ
    નોકરી છોડી વતન પરત ફર્યા રાજીવ

    - બે વર્ષ નોકરી કર્યાં બાદ પોતાના વતન માટે કંઈક કરવા રાજીવ વિચારવા લાગ્યા.
    - નોકરી છોડી પોતાનો સ્વતંત્ર વ્યવસાય શરૂ કરવાના વિચાર સાથે તેઓએ ભારત આવવાનું નક્કી કર્યું.
    - જો કે તાત્કાલિક ભારત પાછા આવવાના બદલે તેઓએ મેક્સિકોમાં ટ્રેડિંગ દ્વારા થોડી કમાણી કરી.
    - એક વર્ષ સુધી દુનિયાના વિવિધ દેશમાં હરી-ફરીને 1993માં રાજીવ વતન ભારત પરત ફર્યાં.
  • Rajeev Samant goes the credit for transforming a grassland into a flourishing wine
    +6બીજી સ્લાઈડ્સ જુઓ
    પોતાની જમીનમાં જ શરૂ કરી ખેતી

    - ભારત આવીને ધંધા-વેપાર વિશે વિચારતા રાજીવને એક દિવસ પિતા નાસિક લઈ ગયા.
    - નાસિકમાં પહાડથી ઘેરાયેલી પોતાની 20 એકર જેટલી જમીનને પિતાએ વેચવાની ઈચ્છા વ્યક્ત કરી.
    - જો કે સોનાની લગડી જેવી જમીનમાં રાજીવે પોતે જ કંઈક કરવાની ઈચ્છા બતાવતા પિતાએ વિચાર બદલ્યો.
    - વિદેશમાં ટેકનોલોજીના શિક્ષણ બાદ ખેતી શરૂ કરતા પહેલા રાજીવે આ અંગેના કેટલાક પાસા વિશે રિસર્ચ કર્યું.
    - પરંપરાગત ખેતી દ્વારા થતા નુકસાનના કારણે રાજીવે અહીં દ્રાક્ષ અને ગુલાબની ખેતી કરવાની શરૂઆત કરી.
    - ત્રણ-ચાર વર્ષ હવામાનની મુશ્કેલીનો સામનો કરી રાજીવે દ્રાક્ષની નિકાસમાંથી કમાણી કરી પરંતુ ધાર્યું પરિણામ ન મળ્યું.
  • Rajeev Samant goes the credit for transforming a grassland into a flourishing wine
    +5બીજી સ્લાઈડ્સ જુઓ
    રાક્ષમાંથી વાઈન બનાવવાનો કર્યો વિચાર

    - દ્રાક્ષની નિકાસમાંથી યોગ્ય કમાણી ન થતી હોવાથી રાજીવે દ્રાક્ષમાંથી વાઈન બનાવવાનો વિચાર કર્યો.
    - જો કે આ વિચારને અમલમાં મુકવાનું સરળ નહોતું. આ સમયે વાઈનરી સ્થાપવા ભારત સરકાર પાસેથી લાઈસન્સ મેળવવું પડતું.
    - બીજી તરફ આ ઉદ્યોગમાં વિદેશી રોકાણની પણ મંજૂરી નહોતી અને ભારતમાં વાઈનનું ચલણ પણ નહોતું.
    - વિશ્વમાં ઉત્પાદન થતી કુલ દ્રાક્ષમાંથી આશરે 95 ટકામાંથી વાઈન બનતી હોવાનું તારણ હતું.
    - જ્યારે નાસિકમાં વાઈન માટે ઉપયોગી નીવડે તેવી દ્રાક્ષનું ઉત્પાદન કરવું પણ કઠિન હતું.
    - રાજીવ વાઈન બનાવવા વિશે કશું જાણતા ન હોવાની પણ સૌથી મોટી સમસ્યા હતી.
  • Rajeev Samant goes the credit for transforming a grassland into a flourishing wine
    +4બીજી સ્લાઈડ્સ જુઓ
    દ્રાક્ષનો બગીચો સ્થાપ્યા બાદ લોન્ચ કરી વાઈન બ્રાન્ડ

    - વાઈન બનાવવાના વિચાર સાથે રાજીવ સમંત વાઈન મેકરની શોધમાં કેલિફોર્નિયા પહોચ્યા.
    - વાઈનમેકર કેરી ડેમસ્કેને મળીને મહારાષ્ટ્રનું નાસિક વાઈન માટેની દ્રાક્ષ ઉત્પાદન માટે યોગ્ય હોવાનું રિસર્ચ કર્યું.
    - 1999માં નાસિકમાં પહેલી વાઈનરી સુલા વિનયાર્ડ્સ(દ્રાક્ષનો બગીચો) સ્થાપી 2000ની સાલમાં સુલા વાઈન માર્કેટમાં લોન્ચ કરી.
    - જો કે વાઈનરી અને વાઈન બનાવી પોતાની બ્રાન્ડને માર્કેટમાં સેલ કરવી સૌથી મોટો પડકાર હતો.
    - રાજીવ સમંતે આ માટે યુકે અને યુરોપની જેમ વાઈન રસિયા માટે વાઈન ફેસ્ટિવલના આયોજન કર્યાં.
    - વિદેશી માર્કેટમાં ભારતીય વાઈન લોકપ્રિય બનાવવા લંડનમાં યોજાયેલા ઇન્ટરનેશનલ વાઇન ફેરમાં સુલા વાઇન રજૂ કરી.
  • Rajeev Samant goes the credit for transforming a grassland into a flourishing wine
    +3બીજી સ્લાઈડ્સ જુઓ
    1500 એકરમાં પથરાયેલા ખેતરમાં દ્રાક્ષનું ઉત્પાદન

    - રાજીવ સમંતે નાસિકમાં દ્રાક્ષની ખેતી ખેડૂતો માટે લાભદાયી નીવડે એ હેતુથી કોન્ટ્રેકટ ફાર્મિંગ શરૂ કરાવ્યું.
    - હાલમાં નાસિક અને ડિંડોરીમાં 1500 એકરમાં પથરાયેલા ખેતરમાં દ્રાક્ષનું ઉત્પાદન થાય છે
    - દ્રાક્ષની ખેતી સાથે જોડાયેલા ખેડૂતોને આધુનિક ખેતી શિખવવા સુલા વિનેયાર્ડ્સ પોતાની માલિકીની જમીન પર વૈજ્ઞાનિક ખેતી કરે છે.
    - વરસાદી પાણીના સંગ્રહ માટેની ટાંકીઓ બનાવી અને સૌથી ઓછા જંતુનાશકોનો ઉપયોગ કરી ઉત્પાદન લેવામાં આવે છે.
    - કોપર, સલ્ફર અને બાયોલોજિકલ પેસ્ટ કંટ્રોલનો ઉપયોગ કરાય છે, સડાવેલા વેસ્ટ સાથે ગાયના છાણને ભેળવીને ખાતર બનાવાય છે.
    - સુલા વિનયાર્ડસની વાઇનરીમાં ગરમ પાણી માટે સોલર વોટર હીટિંગ સિસ્ટમ, વાઇન ચિલિંગ ટેન્કસ બનાવેલી છે.
    - ગ્રે વોટર સાયકલિંગ અને બોટલ રિસાયકલિંગ પ્લાન્ટ છે.
    - કોન્ટ્રેકટ ફાર્મિંગ કરનારા દ્રાક્ષ ઉત્પાદક ખેડૂતોને સુલા વિનેયાડ્ર્સના નિષ્ણાતો ટ્રેનિંગ અને સલાહ આપે છે.
  • Rajeev Samant goes the credit for transforming a grassland into a flourishing wine
    +2બીજી સ્લાઈડ્સ જુઓ
    25થી 1000 કિંમતની વાઈન બનાવે છે રાજીવ

    - રાજીવ સમંત વાઇનની નિકાસ ઉપરાંત ઓસ્ટ્રેલિયા, આફ્રિકા, આર્જેન્ટિના, ન્યૂઝીલેન્ડ અને ફ્રાન્સથી વાઇનની આયાત પણ કરે છે.
    - તેઓ સુલા વિનેયાર્ડ્સમાં 23 પ્રકારની 125 રૂપિયાથી માંડીને 1000 રૂપિયાની કિંમતવાળી વાઇન બનાવે છે.
    - રાજીવ કહે છે, ઇંગ્લેન્ડ અને ફ્રાન્સની સરખામણીએ ભારતમાં હજુ વાઇનનો વપરાશ ઓછો છે.
    - દ્રાક્ષમાંથી વાઈન બનાવતી સુલા વિનયાર્ડસ ભારતની સૌથી મોટી વાઈન ફેક્ટરીઓમાં સ્થાન ધરાવે છે
  • Rajeev Samant goes the credit for transforming a grassland into a flourishing wine
    +1બીજી સ્લાઈડ્સ જુઓ
  • Rajeev Samant goes the credit for transforming a grassland into a flourishing wine
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending

વીડિયો વધુ જુઓ