Home » NRG » USA » Trump appointed Indian-American Raj Shah to key position in White House

યુએસ રાષ્ટ્રપતિ ડોનાલ્ડ ટ્રમ્પના ખાસ છે આ ગુજરાતી, કચ્છ સાથે છે સંબંધ

Divyabhaskar.com | Updated - Jan 20, 2018, 02:57 PM

રાજ શાહના માતા-પિતા ગુજરાતી છે. જેઓ 1980માં અમેરિકા આવ્યાં હતાં.

  • Trump appointed Indian-American Raj Shah to key position in White House
    +5બીજી સ્લાઈડ્સ જુઓ

    એનઆરજી ડેસ્કઃ અમેરિકાના ઘણાં ભારતીયો આજે ઉચ્ચપદો પર કામ કરી રહ્યા છે તેમાંના એક છે રાજ શાહ. અમેરિકી રાષ્ટ્રપતિ ડોનાલ્ડ ટ્રમ્પે ભારતીય મૂળના રાજ શાહને પોતાની કમ્યુનિકેશન ટીમમાં મહત્વના પદ પર નિમણૂક આપી છે. રાજ શાહ ટ્રમ્પના ડેપ્યુટી આસિસ્ટન્ટ એન્ડ ડેપ્યુટી પ્રેસ સેક્રેટરી પણ છે.


    શાહ છે ટ્રમ્પની નજીક


    રાજ શાહ અગાઉ રાષ્ટ્રપતિના ડેપ્યુટી આસિસ્ટન્ટ અને ડેપ્યુટી કમ્યુનિકેશન ડાયરેક્ટર તરીકે કાર્ય કરતા હતા.32 વર્ષીય શાહને ટ્રમ્પની નજીકની માનવામાં આવે છે. ટ્રમ્પે રાષ્ટ્રપતિ પદના શપથ લીધાના થોડાક જ કલાકમાં વ્હાઈટ હાઉસમાં નિમણૂક મેળવવારાઓમાં શાહ પણ સામેલ હતા.અમેરિકામાં રાષ્ટ્રપતિની ચૂંટણીમાં પણ શાહની મહત્વપૂર્ણ ભૂમિકા રહી હતી. જેમાં હિલેરી ક્લિન્ટન સામે ચાલતા વિરોધી પ્રચાર અભિયાનનું તેમણે નેતૃત્વ કર્યું હતું.

  • Trump appointed Indian-American Raj Shah to key position in White House
    +4બીજી સ્લાઈડ્સ જુઓ

    કોણ છે રાજ શાહ ?

     

    રાજ શાહના માતા-પિતા ગુજરાતી છે.  જેઓ 1980માં અમેરિકા આવ્યાં હતાં. તેમના મૂળિયા ગુજરાત સાથે જોડાયેલા છે. તેમના પિતા એક એન્જિનિયર છે. જ્યારે માતા કચ્છના ભોજપુરની રહેવાસી છે. રાજ શાહના પિતા 1970માં અભ્યાસ અર્થે અમેરિકા આવ્યા હતા. પછી તે ભારત પરત આવી ગયા હતા. લગ્ન બાદ તે ફરી અમેરિકા જતા રહ્યા હતા. પહેલાં શિકાગોમાં રહ્યા બાદ પાછળથી તેઓ કાનિક્ટિક્ટ સ્થાયી થયા હતા, જ્યાં રાજનો જન્મ થયો હતો. કાર્નવેલ યુનિવર્સિટીમાંથી રાજ સ્નાતક થયા હતા. તેઓ જ્યોર્જ બુશના કાળમાં પણ વ્હાઇટ હાઉસમાં રિસર્ચ આસિસ્ટન્ટ તરીકે કામ કરી ચૂક્યા છે.

  • Trump appointed Indian-American Raj Shah to key position in White House
    +3બીજી સ્લાઈડ્સ જુઓ

    રાજ શાહે ટ્રમ્પ વતી હેલિકોપ્ટરમાં પત્રકારોને બ્રિફ કર્યુ 


    હમણાં જ વ્હાઈટ હાઉસમાં ડોનાલ્ડ ટ્રમ્પ વહીવટી તંત્રમાં ગુજરાતી રાજ શાહે નવો ઈતિહાસ રચ્યો હતો. તેમણે પ્રમુખ ટ્રમ્પના એર ફોર્સ વન હેલિકોપ્ટરમાં ટ્રમ્પ વતી પત્રકરોને બ્રિફ કર્યું હતું. આ બહુમાન મેળવનારા તેઓ પહેલા ભારતીય અમેરિકન બન્યા હતા. 

  • Trump appointed Indian-American Raj Shah to key position in White House
    +2બીજી સ્લાઈડ્સ જુઓ

    હિલેરી  વિરુદ્ધ પ્રચાર અભિયાનમાં ભૂમિકા


    રાજ શાહની વ્હાઈટ હાઉસમાં નિમણૂક થઈ એ પુર્વે તે રિપબ્લિકન નેશનલ કમિટીમાં વિપક્ષ વિશે રિસર્ચ કરતી કમિટીના ડાયરેક્ટર હતા. ચૂંટણી દરમિયાન તેમણે ડેમોક્રેટિક પાર્ટીની ઊમેદવાર હિલેરી ક્લિન્ટન વિરુદ્ધ રિસર્ચ કરનારી ટીમનું નેતૃત્વ કર્યું હતું. વળી, ક્લિન્ટનના રાજકીય પદોના વિરોધાભાસ અને પર્સનલ (ખાનગી) ઈમેલ સર્વર જેવા જેવા મુદ્દાઓને ઉઠાવવાના અભિયાનમાં પણ મદદ કરી હતી. શાહને વિપક્ષના નેતાઓ વિશે રિસર્ચ કરવામાં નિષ્ણાત ગણવામાં આવે છે. જેમાં વિપક્ષી ઉમેદવાર વિશે નકારાત્મક માહિતીઓ ભેગી કરવામાં આવે છે, જેથી ભવિષ્યમાં તેનો ઉપયોગ કરી શકાય. અત્રે એ પણ નોંધવું કે, રાજ શાહે જ્યોર્જ બુશ જ્યારે અમેરિકાના રાષ્ટ્રપતિ હતા ત્યારે પણ વ્હાઈટ હાઉસમાં કામ કર્યું હતું. તે અમેરિકાના પૂર્વ રાષ્ટ્રપતિ બરાક ઓબામા સામે જોન મક્કેનના 2008ના રાષ્ટ્રપતિ ચૂંટણી અભિયાનનો પણ ભાગ રહ્યા હતા.

  • Trump appointed Indian-American Raj Shah to key position in White House
    +1બીજી સ્લાઈડ્સ જુઓ
    રાજ શાહે જ્યોર્જ બુશ જ્યારે અમેરિકાના રાષ્ટ્રપતિ હતા ત્યારે પણ વ્હાઈટ હાઉસમાં કામ કર્યું હતું.
  • Trump appointed Indian-American Raj Shah to key position in White House
    રાજ શાહની વ્હાઈટ હાઉસમાં નિમણૂક થઈ એ પુર્વે તે રિપબ્લિકન નેશનલ કમિટીમાં વિપક્ષ વિશે રિસર્ચ કરતી કમિટીના ડાયરેક્ટર હતા
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending