Divya Bhaskar

Home » NRG » USA » Indian-Origin Man Spends Rs. 38,000 to Meet Trump

ટ્રમ્પ સાથે સેલ્ફી લેવા ઇચ્છતા ભારતીય મૂળના વ્યક્તિએ ખર્ચ્યા 38 હજાર

Divyabhaskar.com | Updated - Jun 13, 2018, 04:28 PM

ટ્રમ્પ અને કિમ જોંગ-ઉનની મુલાકાત માટે સિંગાપોર ગવર્મેન્ટે 100 કરોડથી વધુ રૂપિયા ખર્ચ કર્યા છે.

  • Indian-Origin Man Spends Rs. 38,000 to Meet Trump
    +2બીજી સ્લાઈડ્સ જુઓ
    મહારાજ મોહને ટ્રમ્પની શાનદાર લિમોઝિન કાર 'ધ બિસ્ટ' સાથે સેલ્ફી લીધી

    એનઆરજી ડેસ્કઃ ભારતીય મૂળના એક મલેશિયન વ્યક્તિએ કિમ જોંગ-ઉન અને ટ્રમ્પ સમિટ દરમિયાન માત્ર અમેરિકાના પ્રેસિડન્ટને મળવા માટે 38 હજાર રૂપિયા ખર્ચ કરી દીધા હતા. હકીકતમાં જે શાંગરી લા હોટલમાં ટ્રમ્પ રોકાયા હતા, તેની કિંમતો સામાન્ય રીતે ખૂબ જ વધારે છે. તેમ છતાં 25 વર્ષના મહારાજ મોહન નામના વ્યક્તિએ માત્ર એક રાત માટે ટ્રમ્પની નજીક શાંગરી લા હોટલમાં એક રૂમ બુક કરાવ્યો. જો કે, મોહનની ટ્રમ્પને મળવાની ઇચ્છા અધૂરી રહી ગઇ. એક પ્રેસિડન્ટને મળવા માટે આટલી મોટી રકમ ખર્ચ કરવા છતાં મોહને તેને ઓછો ખર્ચ ગણાવ્યો.


    પ્રેસિડન્ટની કાર સાથે સેલ્ફી લઇ શક્યો


    - સિંગાપોરના ટુડે ન્યૂઝપેપર અનુસાર, એક રાત હોટલમાં વિતાવવાનો આટલો ખર્ચ કર્યા બાદ પણ મોહનને ટ્રમ્પની સાથે ફોટોગ્રાફ ના મળી શક્યો. પરંતુ તેઓએ ટ્રમ્પની શાનદાર લિમોઝિન કાર 'ધ બિસ્ટ' સાથે સેલ્ફી લીધી.
    - ટ્રમ્પ આ કારથી અન્ય દેશોમાં મુસાફરી કરે છે. અમેરિકાના પ્રેસિડન્ટની આ 8 ટન કાર ખાસ પ્રકારે ડિઝાઇન કરવામાં આવે છે અને તેને એરફોર્સ વનના પ્લેનમાં દરેક જગ્યાએ રાષ્ટ્રપતિની સાથે લઇ જવામાં આવે છે.
    - મોહને કહ્યું, મને ખ્યાલ હતો કે, ટ્રમ્પને મળવાનો મારી પાસે માત્ર એક ટકા જ મોકો છે, પરંતુ અમેરિકાના પ્રેસિડન્ટને મળવાનો આ ખર્ચ કોઇ મોટો નથી.


    લોબીમાં વિતાવ્યા 5 કલાક


    - હોટલની જે વિંગમાં ટ્રમ્પ રોકાયા હતા, તેની નજીકવાળા વિંગમાં જ મોહનને પણ રૂમ મળ્યો હતો. જો કે, કડક સિક્યોરિટીના કારણે લોકો ટ્રમ્પને માત્ર લોબીમાંથી જ જોઇ શકતા હતા.
    - પ્રાપ્ત માહિતી અનુસાર, 9 વાગ્યે થનારી આ મુલાકાત પહેલાં ટ્રમ્પને હોટલમાંથી નિકળતા જોવા માટે ઘણાં લોકો લોબીમાં જ એકઠાં થયા હતા.
    - મોહન પણ સવારે અંદાજિત 6.30 વાગ્યાથી જ અહીં મોજૂદ હતા. જો કે, તેઓને ટ્રમ્પની માત્ર એક ઝલક સવારે અંદાજિત 8 વાગ્યાની આસપાસ મળી, જ્યારે તેઓ કપેલા હોટલ માટે નિકળી રહ્યા હતા.
    - આનાથી એક દિવસ પહેલાં મોહન ટ્રમ્પના પુસ્તક પર ઓટોગ્રાફ લેવા માટે 5 કલાક લોબીમાં ઉભા રહી ચૂક્યા હતા. પરંતુ તે સમયે પણ તેઓને આ મોકો ના મળી શક્યો.


    ટ્રમ્પને પસંદ કરવાના કારણે લોકો કરે છે નફરત


    - મલેશિયાની એક ટ્રેનિંગ ફર્મમાં કામ કરનારા મોહનના જણાવ્યા અનુસાર, ટ્રમ્પને પસંદ કરવાના કારણે તેઓને ઘણાં લોકોની નફરતનો પણ સામનો કરવો પડે છે.
    - જેના કારણે કેટલાંક લોકોએ તેને સલાહ આપી હતી કે, તેઓ ટ્રમ્પને નહી મળી શકે. ત્યાં સુધી કે તેમની નજીક પણ નહીં જઇ શકે.
    - મોહને જણાવ્યું કે, તેઓએ પહેલીવાર ટ્રમ્પને 2007માં જોયા હતા, જ્યારે તેઓ ડબલ્યૂડબલ્યૂઇ (રેસલિંગ)ની એક ઇવેન્ટમાં પહોંચ્યા હતા. ઉલ્લેખનીય છે કે, આ ઇવેન્ટમાં ટ્રમ્પે પોતાના પ્રતિદ્વંદ્વિ પર હુમલો પણ કર્યો હતો.

  • Indian-Origin Man Spends Rs. 38,000 to Meet Trump
    +1બીજી સ્લાઈડ્સ જુઓ
    9 વાગ્યે થનારી આ મુલાકાત પહેલાં ટ્રમ્પને હોટલમાંથી નિકળતા જોવા માટે ઘણાં લોકો લોબીમાં જ એકઠાં થયા હતા.
  • Indian-Origin Man Spends Rs. 38,000 to Meet Trump
    કેટલાંક લોકોએ તેને સલાહ આપી હતી કે, તેઓ ટ્રમ્પને નહી મળી શકે. ત્યાં સુધી કે તેમની નજીક પણ નહીં જઇ શકે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending