Home » NRG » USA » The surplus for the fiscal year is expected at around 9.61 billion Singapore dollars

સિંગાપોરમાં કામ કરતા ગુજરાતીઓને ફળ્યું બજેટ, ખાતામાં જમા થશે બોનસ

Divyabhaskar.com | Updated - Feb 22, 2018, 04:43 PM

સિંગાપોરના સ્થાનિક લોકો સહિત અહીં વસતા ભારતીયો અને ગુજરાતી લોકોની કિસ્મત ચોક્કસથી ચમકી ગઇ છે

  • The surplus for the fiscal year is expected at around 9.61 billion Singapore dollars
    +1બીજી સ્લાઈડ્સ જુઓ
    28,000 સિંગાપોર ડોલરની આવક ધરાવતા લોકોને 300 સિંગાપોર ડોલર (અંદાજિત 15,000 રૂપિયા) બોનસ મળશે. (ફાઇલ)

    ઇન્ટરનેશનલ ડેસ્કઃ ભારતમાં કેટલાંક લોકો વડાપ્રધાન પાસે 15 રૂપિયાની માંગણી કરી રહ્યા છે. હકીકતમાં, સામાન્ય ચૂંટણી પહેલાં વડાપ્રધાન પદના ઉમેદવાર નરેન્દ્ર મોદીએ કહ્યું હતું કે, ભારતનું બધુ જ કાળું ધન પરત આવી ગયું, તો એ એટલા પૈસા હશે કે દેશના ગરીબોના એકાઉન્ટમાં 15 લાખ રૂપિયા નાખી શકાય છે. આજે નરેન્દ્ર મોદીને વડાપ્રધાન પદે પાંચ વર્ષ પૂર્ણ થઇ ગયા છે, પરંતુ આ 15 લાખ રૂપિયા હજુ સુધી કોઇ એક એકાઉન્ટમાં પણ આવ્યા નથી. ભારતના લોકોના હાથે ભલે નિરાશા લાગી હોય, પરંતુ સિંગાપોરના સ્થાનિક લોકો સહિત અહીં વસતા ભારતીયો અને ગુજરાતી લોકોની કિસ્મત ચોક્કસથી ચમકી ગઇ છે. અહીંની સરકારે 21 વર્ષ અથવા તેનાથી વધારે ઉંમરના તમામ લોકોને બોનસ આપવાનો નિર્ણય કર્યો છે. એટલે કે, તમામ નોકરિયાત લોકોને અંદાજિત 15 હજાર રૂપિયા આપવામાં આવશે. અહીં જાણો, કેમ સરકારે કરી આ જાહેરાત...

    2017ના બજેટમાં સરપ્લસની જાણકારી આપી


    - સિંગાપોરની સરકારે સોમવારે અહીંના નાગરિકોને એક અનોખી ગિફ્ટ આપવાની જાહેરાત કરી છે. સિંગાપોરના નાણામંત્રીએ 2017ના બજેટમાં અંદાજિત 10 મિલિયન સિંગાપોર ડોલરના સરપ્લસની જાણકારી આપી છે.
    - તે અનુસાર, સરપ્લસને ધ્યાનમાં રાખીને સિંગાપોરના 21 વર્ષ અને તેનાથી વધારે ઉંમરના તમામ નાગરિકોને 300 સિંગાપોર ડોલર (અંદાજિત 15,000 રૂપિયા)નું 'એસજી બોનસ' આપવામાં આવશે.

    - નાણામંત્રી હેંગ સુઇ કીટે સંસદમાં પોતાના બજેટ ભાષણમાં આ જાહેરાત કરી છે. તેઓએ બોનસને 'હાંગબાઓ' તરીકે દર્શાવ્યું છે. હાંગબાઓ એક એવો આર્થિક ઉપાહર છે જેને સિંગાપોરમાં વિશેષ પ્રસંગે આપવામાં આવે છે.
    - એસજી બોનસની રકમ સરકાર માટે 700 મિલિયન સિંગાપોર ડોલર હશે. આ બોનસને લોકોની આવક અનુસાર આપવામાં આવશે.
    - અંદાજિત 27 લાખ લોકોને આ બોનસ 2018ના અંત સુધી આપવામાં આવશે.


    આ પ્રકારે આપવામાં આવશે બોનસ


    - 28,000 સિંગાપોર ડોલરની આવક ધરાવતા લોકોને 300 સિંગાપોર ડોલર (અંદાજિત 15,000 રૂપિયા) બોનસ મળશે, જ્યારે જેઓની આવક 28,001 સિંગાપોર ડોલરથી શરૂ થાય છે તેઓને 200 ડોલર સિંગાપોર ડોલર (અંદાજિત 10,000 રૂપિયા)નું બોનસ મળશે.
    - જેઓની આવક 1,00,000 સિંગાપોર ડોલરથી વધારે છે, તેઓને 100 ડોલર બોનસ (5,000 રૂપિયા) આપવામાં આવશે.

    આગળની સ્લાઇડમાં જાણો, સિંગાપોરમાં વસતા ભારતીયો અને ગુજરાતીઓની સંખ્યા...

  • The surplus for the fiscal year is expected at around 9.61 billion Singapore dollars
    સિંગાપોરમાં 4,000થી વધુ ગુજરાતીઓ વસે છે (ફાઇલ)

    વર્ષ 2017 બજેટ માટે 9.61 બિલિયન સિંગાપોર ડોલરનું સરપ્લસ 


    - સિંગાપોરના નાણાકીય વર્ષ 2017 બજેટ માટે 9.61 બિલિયન સિંગાપોર ડોલરનું સરપ્લસ મળ્યું. 
    - આ સરપ્લસ રકમનો ઉપયોગ અન્ય કામો માટે પણ કરવામાં આવશે. નાણામંત્રીએ કહ્યું કે, 5 બિલિયન ડોલરનો ઉપયોગ દેશમાં બનાવવામાં આવતી નવી રેલવે લાઇનોના ઇન્ફ્રાસ્ટ્રક્ચર ફંડ માટે થશે. 
    - 2 બિલિયન સિંગાપોર ડોલરનો ઉપયોગ પ્રીમિયમ સબસિડી માટે થશે. આ સિવાય વરિષ્ઠ નાગરિકોની મદદવાળી વિમા યોજનાઓમાં પણ આ પૈસાનો ઉપયોગ કરવામાં આવશે. 


    સિંગાપોરમાં આટલી સંખ્યામાં છે ગુજરાતીઓ


    - સિંગાપોરમાં ભારતીયોની સંખ્યા અંદાજિત આંકડા અનુસાર, 3.48 લાખ છે. જે અહીંની ટોટલ વસતીના 7.67 ટકા છે. 
    - ઉપરાંત અહીં 4,000થી વધુ ગુજરાતીઓ વસે છે. જો કે, અહીંની સિંગાપોર ગુજરાતી સોસાયટીના જણાવ્યા અનુસાર, આ આંકડો હવે 7,500ને પાર કરી ગયો છે. 
    - તો જો તમારાં પરિવારમાંથી કોઇ સિંગાપોરમાં વસવાટ કરતું હોય તો તેમને આ બજેટના ન્યૂઝ આપવાનું ભૂલતા નહીં. 

     

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending