Divya Bhaskar

Home » NRG » UK » 68 ટકા લોકોએ એબોર્શન બૅનના વિરોધમાં કર્યું વોટિંગ | Indian dentist Savita Halappanavars death in 2012

ભારતીય મહિલાના મોત બાદ અહીં બદલાયો કાયદો, લોકોએ રડીને કહી આ વાત

Divyabhaskar.com | Updated - May 29, 2018, 07:27 PM

આ કાયદાને બદલવા માટે કરવામાં આવેલા વોટિંગમાં આર્યલેન્ડના વડાપ્રધાન લિયો વારાડકરે મહત્વની ભૂમિકા નિભાવી

  • 68 ટકા લોકોએ એબોર્શન બૅનના વિરોધમાં કર્યું વોટિંગ | Indian dentist Savita Halappanavars death in 2012
    +2બીજી સ્લાઈડ્સ જુઓ
    એબોર્શન લોને લઇને શુક્રવારે જનમત સંગ્રહ કરાવવામાં આવ્યું હતું

    એનઆરજી ડેસ્કઃ આર્યલેન્ડમાં પહેલીવાર મહિલાઓને ગર્ભપાત કરાવવાનો અધિકાર મળ્યો છે. 35 વર્ષ પહેલાં બનેલા કાયદામાં અહીં અબોર્શન એટલે કે ગર્ભપાતને ગેરકાયદેસર ઘોષિત કરવામાં આવ્યું હતું. હવે દેશના 30 લાખ લોકોના જનમત સંગ્રહમાં વોટ કરીને આ કાયદાને બદલવાની સલાહ આપી છે. ભલે પરિણામ આજે આવ્યું હોય, પરંતુ મહિલાઓના હકની આ લડાઇ 6 વર્ષથી ચાલી રહી હતી. આ આખા કેમ્પેઇનનો ચહેરો ભારતીય મૂળની મહિલા સવિતા હલપ્પનવાર હતી. આ કાયદામાં ફેરફાર માટે કરાવવામાં આવેલા વોટિંગમાં આર્યલેન્ડના વડાપ્રધાન લિયો વારાડકરે મહત્વની ભૂમિકા નિભાવી. ઉલ્લેખનીય છે કે, લિયો વારાડકર ભારતીય મૂળના છે.

    68 ટકા લોકોએ એબોર્શન બૅનના વિરોધમાં કર્યું વોટિંગ


    - એબોર્સન લોને લઇને શુક્રવારે જનમત સંગ્રહ કરાવવામાં આવ્યું હતું. શનિવારે તેનું પરિણામ આવ્યું જેમાં 68 ટકા લોકોએ કહ્યું કે, કાયદામાં ફેરફાર કરવામાં આવે, મહિલાઓને એબોર્શન કરાવવાનો અધિકાર મળે.
    - યુવાઓએ તો એબોર્શન લૉને ધરમૂળથી જ નકારી દીધો. 18થી 24 વર્ષના 87 ટકા લોકોએ એબોર્શન બેનને હટાવવાના પક્ષમાં વોટિંગ કર્યુ. હવે આ જનમત સંગ્રહના પરિણામના આધારે દેશની સંસદ નવો કાયદો બનાવવા પર કામ કરશે.


    કોણ હતી સવિતા અને કેવી રીતે થયું મોત?


    - સવિતા હલપ્પનવાર આર્યલેન્ડમાં ડેન્ટિસ્ટ હતી. 2012માં સમયસર એબોર્શન નહીં કરાવી શકવાના કારણે 31 વર્ષીય સવિતાનું મોત થયું હતું. તેને ખ્યાલ આવ્યો કે, ગર્ભમાં જ બાળકનું મોત થયું છે. તે 17 અઠવાડિયાથી ગર્ભવતી હતી.
    - સવિતાના પરિવારજનોએ અનેક વખત ડોક્ટર્સને તેનો જીવ બચાવવાની અપીલ કરી, પરંતુ ડોક્ટરોએ કાયદાનો હવાલો આપતા તેમાં અસમર્થતા વ્યક્ત કરી હતી. દાખલ થવાના 3 દિવસ બાદ જ વધારે લોહી વહી જવાના કારણે તેની હાલત ખરાબ થઇ અને અંતે તેનું મોત થયું.


    આર્યલેન્ડમાં ગર્ભપાત પર કેમ છે પ્રતિબંધ?


    - હકીકતમાં આર્યલેન્ડ ખૂબ જ ધાર્મિક દેશ છે. કેથલિક માન્યતાઓના કારણે અહીં ગર્ભપાતને ઉચિત ગણવામાં નથી આવતો.
    - 1983માં થયેલા આયરિશ સંવિધાનનું આઠમું સંશોધન દેશમાં ગર્ભપાત કરાવવાને પ્રતિબંધિત કરે છે. આવું કરનારને 14 વર્ષ સજાની જોગવાઇ હતી.

  • 68 ટકા લોકોએ એબોર્શન બૅનના વિરોધમાં કર્યું વોટિંગ | Indian dentist Savita Halappanavars death in 2012
    +1બીજી સ્લાઈડ્સ જુઓ
    સવિતા હલપ્પનવાર આર્યલેન્ડમાં ડેન્ટિસ્ટ હતી.
  • 68 ટકા લોકોએ એબોર્શન બૅનના વિરોધમાં કર્યું વોટિંગ | Indian dentist Savita Halappanavars death in 2012
    લિયો વારાડકર ભારતીય મૂળના છે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending