Divya Bhaskar

Home » NRG » Middle East » UAE Allocated Land for Abu Dhabi’s First Hindu Temple

અબુ ધાબીમાં બંધાશે પહેલું હિન્દુ મંદીર, PM મોદી કરશે ભૂમિપૂજન

Divyabhaskar.com | Updated - Jan 29, 2018, 12:57 PM

યુએઈ સરકાર દ્વારા ૨૫,૦૦૦ સ્ક્વેરફીટનો પ્લોટ મંદિરના નિર્માણ માટે ફાળવવામાં આવ્યો છે

  • UAE Allocated Land for Abu Dhabi’s First Hindu Temple
    +2બીજી સ્લાઈડ્સ જુઓ
    ફાઇલ ફોટો

    અબુ ધાબી: વડાપ્રધાન નરેન્દ્ર મોદી સંયુક્ત આરબ અમિરાત (યુએઇ)ની મુલાકાતે જઇ રહ્યા છે ત્યારે મુસ્લિમ દેશની આ રાજધાની અબુ ધાબીમાં પહેલું હિન્દુ મંદીર બનેશે. આ મંદિરનું નિર્માણ BAPS સ્વામીનારાયણ સંસ્થા કરશે.


    વડાપ્રધાન મોદી કરશે ભૂમિપૂજન


    BAPS સ્વામીનારાયણ સંસ્થા દ્ધારા નિર્માણ થનાર આ આ મંદીરનું ઉદ્ધાટન દેશનાં પ્રધાનમંત્રી નરેન્દ્ર મોદી કરશે. ભારતના વડાપ્રધાન 11 ફેબ્રુઆરીએ યુએઈની મુલાકાતે જશે ત્યારે આ મહત્ત્વનું ધાર્મિક કાર્ય પણ પાર પાડશે. આ વિશે અબુ ધાબી કન્સલ્ટ જનરલ ઓફ ઇન્ડિયાએ ભારતીય એમ્બેસીનો સંપર્ક સાધ્યો છે. આ મંદિરનું નિર્માણકાર્ય અને સંચાલન બી.એ.પી.એસ. સ્વામિનારાયણ સંસ્થા દ્વારા થશે. આ પ્રસંગે બી.એ.પી.એસ. સ્વામિનારાયણ સંસ્થાના સંતો પૂ.ઈશ્વરચરણદાસજી, પૂ.બ્રહ્મવિહારીદાસજી સહિત સંતો પણ ત્યાં પહોંચશે.


    નોંધઃ તસવીરોનો ઉપયોગ પ્રસ્તુતિકરણ માટે થયો છે.

  • UAE Allocated Land for Abu Dhabi’s First Hindu Temple
    +1બીજી સ્લાઈડ્સ જુઓ
    ફાઇલ ફોટો

    યુએઈ સરકાર દ્વારા ૨૫,૦૦૦ સ્ક્વેરફીટનો પ્લોટ મંદિરના નિર્માણ માટે ફાળવવામાં આવ્યો છે અને તેની મંજૂરી વડાપ્રધાન નરેન્દ્ર મોદીની યુએઈની પ્રથમ મુલાકાત ઓગસ્ટ-૨૦૧૫માં થઈ ત્યારે પ્રાપ્ત થઈ હતી. પ્રાપ્ત વિગતો અનુસાર દુબઈ ખાતે આ ખાતમુહૂર્તનું જીવંત પ્રસારણ પણ જોવા મળશે. દુબઈ ઓપેરા ખાતે ૧૧ ફેબ્રુઆરીએ વિવિધ ક્ષેત્રના બધા જ નિમંત્રિત મહાનુભાવો અબુ ધાબીના ધંટૂટ સ્થિત મંદિરના સ્થળે થઈ રહેલા ભૂમિપૂજનનું જીવંત પ્રસારણ જોઈ શકશે. 


    આ માટે ભારતીય દૂતાવાસ અને દુબઈમાં ભારતીય કોન્સ્યુલેટ, બોચાસણવાસી શ્રીઅક્ષરપુરુષોત્તમ સ્વામિનારાયણ સંસ્થાની સાથે રહીને આ કાર્યક્રમમાં ઉપસ્થિત રહેવા માટે નિમંત્રણ પાઠવી રહી છે. 

  • UAE Allocated Land for Abu Dhabi’s First Hindu Temple
    ફાઇલ ફોટો

    નોંધનીય છે કે બોચાસણવાસી શ્રીઅક્ષરપુરુષોત્તમ સ્વામિનારાયણ સંસ્થા(BAPS) એ એક સામાજિક-આધ્યાત્મિક હિન્દુ સંસ્થા છે, જેના દ્વારા અબુ ધાબીમાં સૌપ્રથમ હિન્દુ મંદિરનું નિર્માણકાર્ય અને સંચાલનકાર્ય થશે.


    જ્યારે દુબઈ ખાતેના કોન્સુલ જનરલ ઓફ ઇન્ડિયાનો સંપર્ક કરવામાં આવ્યો ત્યારે જણાવવામાં આવ્યું કે આ ખાતમુહૂર્ત માટે ૨,૦૦૦ જેટલા વિવિધ ક્ષેત્રના નામાંકિત ભારતીયોને નિમંત્રણ પાઠવવામાં આવ્યું છે. તેમણે જણાવ્યું કે ‘થોડા જ સમયના ગાળામાં ભારતીય વડાપ્રધાન બીજી વખત યુએઈની મુલાકાત લઈ રહ્યાં છે. આ એક સુંદર કોમ્યુનિટી ઈવેન્ટ બની રહેશે. જેમાં બધા જ ક્ષેત્રના નામાંકિત ભારતીયો કે જેમાં વેપાર, સામાજિક ક્ષેત્ર સહિત જુદા-જુદા ક્ષેત્રના અગ્રણીઓ-શ્રેષ્ઠીઓ પધારશે.’.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending