Divya Bhaskar

Home » NRG » Middle East » Pakistan Shree SwamiNarayan Temple Narnaryan Dev Gadi karachi

1849માં નિર્માણ પામ્યું છે પાક.નું આ સ્વામિનારાયમ મંદિર, ધરાવે છે અલગ જ મહત્વ

Divyabhaskar.com | Updated - Feb 10, 2018, 03:19 PM

કરાચીમાં પણ છે સ્વામિનારાયણ મંદિર, ભાગલા સમયે પ્રતિમાઓ લાવ્યા હતા ગુજરાત

  • Pakistan Shree SwamiNarayan Temple Narnaryan Dev Gadi karachi
    +6બીજી સ્લાઈડ્સ જુઓ
    એનઆરજીડેસ્કઃ પાકિસ્તાન અને ભારત ભલે ભૌગોલિક રીતે અલગ પડી ગયા હોય પરંતુ ત્યાંની ધરતીમાં હજુ પણ હિન્દુ સંસ્કૃતિનો વારસો સંગ્રહાયેલો છે. હજારો-લાખો વર્ષથી અહીં હિન્દુ દેવી-દેવતાઓના મંદિરો હેમખેમ અવસ્થામાં ઊભા છે, જેની માવજત પાકિસ્તાનમાં વસતા હિન્દુઓ કરી રહ્યા છે. તેમજ અહીંના મંદિરો પર લોકોને એટલી શ્રદ્ધા છે કે ભારતથી પણ લોકો ત્યાં દર્શન કરવા જાય છે. આજે અમે વાત કરી રહ્યા છીએ 1849માં નિર્માણ પામેલા તથા કાલુપુર ગાદી તાબા હેઠળના શ્રી સ્વામિનારાણ મંદિરની.
  • Pakistan Shree SwamiNarayan Temple Narnaryan Dev Gadi karachi
    +5બીજી સ્લાઈડ્સ જુઓ

    શ્રી સ્વામિનારાયણ મંદિર, કરાચી વિશે

     

    - શ્રી સ્વામિનારાયણ મંદિર, કરાચી એક હિંદુ મંદિર છે, જે સ્વામિનારાયણ મંદિર, કાલુપુર ગાદીના તાબામાં આવે છે. 
    - પાકિસ્તાનમાં આવેલું આ મંદિર સ્વામિનારાયણ સંપ્રદાયનું એક માત્ર મંદિર છે. 
    - સ્વામિનારાયણ મંદિર કરાચી શહેરનાં બંદર માર્ગ પર આવેલું છે 
    - 32,306 ચો.વાર એટલે કે 27,012 ચો.મી. વિસ્તારમાં પથરાયેલું મંદિર તેના કદ અને બાંધણીને કારણે નોંધનીય છે. 
    - અગાઉ મંદિર ખાતે ભક્તોને રહેવા માટે વિશાળ ધર્મશાળા પણ હતી, જેમાં વર્તમાન સમયમાં નગર જિલ્લા પંચાયતની કચેરીઓ ચાલે છે.

  • Pakistan Shree SwamiNarayan Temple Narnaryan Dev Gadi karachi
    +4બીજી સ્લાઈડ્સ જુઓ
    ગુજરાત લાવવામાં આવી હતી પ્રતિમાઓ

    - આ મંદિરમાં જે ભગવાન શ્રી સ્વામીનારાયણની પ્રતિમા હતી તેને ભારતમાં લાવવામાં આવી હતી. 
    - ભાગલા સમયે મૂળ પ્રતિમાઓની દૈનિક પૂજાની ચિંતાને પગલે ત્યાં રહેતા સાધુઓએ સ્વામિનારાયણ ભગવાન અને રાધા-કૃષ્ણની પ્રતિમા ગુજરાતમાં લઈ આવ્યા હતા.
    - આજે મંદિરમાં માત્ર સ્વામિનારાયણ ભગવાનની તસવીર રાખવામાં આવી છે અને તેની જ પૂજા કરવામાં આવે છે.
  • Pakistan Shree SwamiNarayan Temple Narnaryan Dev Gadi karachi
    +3બીજી સ્લાઈડ્સ જુઓ
    પ્રતિમાઓની વિધિવત કરવામાં આવી પ્રાણ પ્રતિષ્ઠા

    - ગુજરાતની સરહદની અડીને આવેલા રાજસ્થાનના બ્રહ્માનંદ સ્વામીના જન્મસ્થાન ખાણ ગામ ખાતે આવેલા સ્વામિનારાયણ મંદિરમાં આ પ્રતિમાઓની વિધિવત પ્રાણ પ્રતિષ્ઠા કરવામાં આવી હતી.
    - આજે પણ રાજસ્થાનના સ્વામિનારાયણ મંદિરમાં નિયમિત પૂજા-અર્ચના કરવામાં આવે છે.
    - પૂ. તેજેન્દ્રપ્રસાદજી મહારાજ પ્રમાણે, જ્યારે પૂ.આયોધ્યાપ્રસાદજી મહારાજ ગાદી પર બિરાજતા હતા ત્યારે લગભગ 100 વર્ષ પૂર્વે આ મંદિરનું નિર્માણ કરાવવામાં આવ્યું હતું.
    - ગુજરાતીઓ તથા ભારતીયો જ્યારે પણ રાજસ્થાન જાય છે ત્યારે આ મંદિરના દર્શન કરવા અચૂક જાય છે.
  • Pakistan Shree SwamiNarayan Temple Narnaryan Dev Gadi karachi
    +2બીજી સ્લાઈડ્સ જુઓ
    ક્યારે થયું હતું મંદિરનુ નિર્માણ

    - આ મંદિર ઇસ્લામિક દેશમાં, મુસ્લીમોની બહુમતીવાળા નગરમાં આવેલી હિંદુ વસાહતના મધ્ય ભાગમાં આવેલું છે.
    - શ્રી સ્વામિનારાયણ મંદિર, કરાચીનું નિર્માણ કાર્ય વર્ષ 1849માં કરવામાં આવ્યું હતું.
    - અહીંયા સ્વામિનારયણ સંપ્રદાયનું મંદિર એક અલગ જ મહત્વ ધરાવે છે. 
    - દર વર્ષે અનેક ભક્તો અહીંયા દર્શન કરવા આવે છે.
    - મંદિરના ઇતિહાસ વિશે વાત કરીએ તો એપ્રિલ 2004માં આ મંદિરની 150મી વર્ષગાંઠ ઉજવવામાં આવી હતી.
  • Pakistan Shree SwamiNarayan Temple Narnaryan Dev Gadi karachi
    +1બીજી સ્લાઈડ્સ જુઓ
    આઝાદી વખતે કેવો હતો મંદિરનો માહોલ

    - આઝાદી વખતે આ મંદિરને શરણાર્થી શિબિરમાં ફેરવી દેવામાં આવ્યું હતું. 
    - પાકિસ્તાનનાં સંસ્થાપક મુહમ્મદ અલી જિણ્ણાએ પણ આ મંદિરના દર્શન કર્યાં હતા.
    - આઝાદી પછી 1989માં અમદાવાદના સ્વામીનારાયણ મંદિરના સાધુઓનો સંઘ અહીં દર્શન કરવા માટે આવ્યો હતો.
    - આ મંદિર પરિસરમાં એક નાનું ગુરૂદ્વારા પણ આવેલું છે, જ્યાં દર વર્ષે વૈશાખી પર્વની ધૂમધામથી ઉજવણી થાય છે.
  • Pakistan Shree SwamiNarayan Temple Narnaryan Dev Gadi karachi
    ભાગલા બાદ આવી છે મંદિરોની સ્થિતિ

    - ભારતના ભાગલા બાદ પાકિસ્તાનમાં હવે ગણ્યા ગાઠ્યા હિન્દુ મંદિરો જ વધ્યા છે. 
    - પાકિસ્તાનમાં આવેલા પૌરાણિક મંદિરો અને તેના માહત્મ્ય વિશે તેમજ પાકિસ્તાનમાં પણ હિન્દુ સંસ્કૃતિના અમીટ વારસાનો પરિચય કરાવે છે.
    - આજે આખા પાકિસ્તાનમાં માત્ર 26 જ હિન્દુ મંદિરો બચ્યા છે, તેમાંથી એક મંદિર શ્રી સ્વામિનારાયણ ભગવાનનું પણ છે.
    - પાકિસ્તાનમાં સ્મશાનોના સ્થાને હોટલ, જીમખાના તથા પિકનિક સ્પોટ ઊભા કરી દેવામાં આવ્યા છે. 
    - પાકિસ્તાનમાં ચકવાલ જિલ્લાના કટાસરાજ, લાહોરના અનારકલ બજારમાં સાગરમલ મંદિર, બલુચિસ્તાનમાં હિંગળાજ દેવી મંદિર અને કરાચીના સ્વામિનારાયણ મંદિર સહિતના મંદિરો જ બાકી બચ્યા છે. 
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending