Divya Bhaskar

Home » NRG » Middle East » The Casteless family says that society has accepted them for who they are

વિધર્મી સાથે લગ્ન કરવા ઇચ્છતી હતી યુવતી, પરિવાર નહીં માનતા લીધો આવો નિર્ણય

Divyabhaskar.com | Updated - Mar 18, 2018, 11:58 AM

મોટા ભાઇ કાસ્ટલેસ દુબઇમાં રહે છે. તેમના સંતાનોના નામ અલ્ફા અને ઇન્ડિયન કાસ્ટલેસ છે

  • The Casteless family says that society has accepted them for who they are
    +2બીજી સ્લાઈડ્સ જુઓ
    કાસ્ટલેસ જૂનિયર તેમના પરિવાર સાથે

    ઇન્ટરનેશનલ ડેસ્કઃ જ્ઞાતિ અને ધર્મ વિનાના ભારતની તમે કલ્પના પણ ન કરી શકો. જ્ઞાતિ-ધર્મના આધારે તો ઘણા રાજ્યોનું રાજકીય ભવિષ્ય નક્કી થઇ જાય છે, ઘણા રાજ્યોમાં સરકાર બની જાય છે પણ કેરળનો એક પરિવાર એવો છે કે જે એકેય ધર્મમાં માનતો નથી. એટલું જ નહીં, આ પરિવારે સત્તાવાર રીતે પોતાને 'કાસ્ટલેસ' જાહેર કરી દીધો છે. પરિવારમાં હવે તો બે પેઢીના દરેક સભ્ય કાસ્ટલેસ છે. ઘરની બહાર નેમપ્લેટ પર પણ 'કાસ્ટલેસ હાઉસ' લખ્યું છે. આ પરિવારની કહાણી પણ તેના નામ જેટલી જ રસપ્રદ છે. મોટા દીકરાનું નામ કાસ્ટલેસ, નાના દીકરાનું કાસ્ટલેસ જુનિયર અને દીકરીનું નામ શાઇન કાસ્ટલેસ છે. આ પરિવાર કેરળના કોલ્લમ જિલ્લાના પૂનાલૂરમાં રહે છે.

    લગ્નની જાણ થતાં માતાને કરી ઘરમાં કેદ

    - કાસ્ટલેસ જુનિયર આખી કહાણી આ રીતે વર્ણવે છે, 'અમારા માતા-પિતા અલગ-અલગ ધર્મના હતા અને લગ્ન કરવા ઇચ્છતા હતા, પણ બન્નેના પરિવાર ખૂબ રૂઢિચુસ્ત હતા.

    - બન્ને પરિવારને તેમના સંબંધ વિશે જાણ થતાં અમારી માતાને ઘરમાં કેદ કરી લેવાઇ.

    - મારા પિતાએ તેમના સુધી પહોંચવાના ઘણા પ્રયાસ કર્યા પણ તેઓ નિષ્ફળ રહ્યા. છેવટે તેમણે કેરળ હાઇકોર્ટમાં હેબિઅસ કૉર્પસ પીટિશન દાખલ કરી.

    - હાઇકોર્ટના આદેશ બાદ 1973માં બન્ને મળ્યા અને સાથે રહેવા લાગ્યા. તેઓ 19 વર્ષ સુધી કોઇ ધર્મ પાળ્યા વિના અને લગ્ન વિના સાથે રહ્યા.

    ધર્મ પરિવર્તન કરવાનું થયું દબાણ


    - આ દરમિયાન બન્નેના પરિવારોએ દબાણ લાવીને તેમનું ધર્મ પરિવર્તન કરાવવાનો પણ પ્રયાસ કર્યો પણ બન્ને ન માન્યા.

    - 1974માં મારા મોટા ભાઇનો જન્મ થયો તો નામ રાખવામાં આવ્યું- કાસ્ટલેસ. 1975માં મારો જન્મ થયો.

    - મારું નામ પડ્યું કાસ્ટલેસ જુનિયર અને 1983માં મારી બહેનનો જન્મ થયો તો તેનું નામ શાઇન કાસ્ટલેસ રખાયું.

    - માતા-પિતાએ સ્કૂલમાં પણ ધર્મ અને જ્ઞાતિના કોલમમાં 'કોઇ નહીં' લખાવ્યું.

    પિતાએ કહ્યું, બાળકો જાતે જ નક્કી કરશે ક્યો ધર્મ પાળવો


    - એક વાર સ્કૂલના સત્તાવાળાઓએ ધર્મ લખવા કહ્યું તો પિતાજીએ કહ્યું કે બાળકો મોટા થઇને જાતે નક્કી કરશે કે કોઇ ધર્મ પાળવો છે કે નહીં.

    - 1992માં બન્નેએ સ્પેશિયલ મેરેજ એક્ટ હેઠળ મેરેજ રજિસ્ટ્રેશન કરાવ્યું, જેથી સંતાનોને તેમનો કાનૂની હક મળી શકે.' સંતાનોએ પણ તેમના લગ્ન આ જ કાયદા હેઠળ રજિસ્ટર્ડ કરાવ્યા છે.

    આગળની સ્લાઇડ્સમાં જાણો, પરિવારના સભ્યોના નામ પણ છે યુનિક...

  • The Casteless family says that society has accepted them for who they are
    +1બીજી સ્લાઈડ્સ જુઓ
    કાસ્ટલેસ, સવિતા સાથે તેમના બાળકો આલ્ફા અને ઇન્ડિયન

    દુબઇમાં રહે છે કાસ્ટલેસ, સંતાનોના નામ ઇન્ડિયન અને અલ્ફા કાસ્ટલેસ

     

    - મોટા ભાઇ કાસ્ટલેસ દુબઇમાં રહે છે. તેમના સંતાનોના નામ અલ્ફા અને ઇન્ડિયન કાસ્ટલેસ છે.

    - બધા ભાઇ-બહેનોના સંતાનો તેમના નામમાં 'કાસ્ટલેસ' લગાવે છે. તેઓ પણ એકેય ધર્મ કે જ્ઞાતિમાં માનતા નથી.

    - હવે આ પરિવારની બે પેઢી જ્ઞાતિ અને ધર્મના બંધનોથી મુક્ત થઇને 'કાસ્ટલેસ' બની ચૂકી છે.

  • The Casteless family says that society has accepted them for who they are
    કાસ્ટલેસ જૂનિયર
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From NRG

Trending